A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

istimpanàre , vrb: istimpantzare, istimpanzare Definizione crepare is timpanzos, is fiancos, is fundhos de sa carrada; in cobertantza, tzatzare meda, a tropu Sinonimi e contrari atrimpanare, irdrobbolare, istercorjare Frasi no istimpanades a trazare cussos carros mannos gàrrigos? Etimo srd.

istimpanàu , pps, agt: stimpanau Definizione de istimpanare; chi at papau meda, chi est coment'e chentza timpanzos, pasteri, satzagoni Sinonimi e contrari bentranu Frasi isse fit a tzaculitos e acriores ca si fit tropu istimpanau 2. e bae innorommala: si mi ndhe tiras s'ocru za mi costat, su basu tuo, corbu istimpanau! ◊ a unu canistérgiu istimpanau l'ant invitau pro un'ispuntinu…

istimpangiài , vrb Definizione púnghere, istochigiare a bentre; papare tropu, tzatzare meda Sinonimi e contrari istimpanare*, intruxai, sassai 2. gei s'est bèni istimpangiau, at lassau sa mesa límpia!

istimpantzàre, istimpanzàre istimpanàre

istimpída , nf Definizione sa pelea chi si leat faendho cosa Sinonimi e contrari antua, cadha, cumbata, impodha, matana, mugna, pista, podha, rebbatu / cdh. stímpita Frasi andhendhe a inie apo leadu una bona istimpida ◊ apo leadu un'istimpida de caldu Traduzioni Francese fatigue Inglese effort Spagnolo esfuerzo, tute Italiano fatica, sfaticata Tedesco Mühe.

istimpidàre , vrb Definizione pigare un'istimpida, una cadha, pelea o múngia manna Sinonimi e contrari cansai, fadiae, istracare, peleai, strachedhai | ctr. pasai Etimo srd. Traduzioni Francese peiner, se fatiguer Inglese to work hard Spagnolo darse un tute, cansarse Italiano fare una sfaticata Tedesco sich abschinden.

ístimu , nm Definizione tira o corria de terra istrinta, genia de istrintórgiu tra duas terras mannas in mesu de su mare (o chi separat duos mares) Frasi tra sa Sardigna e s'ísula de Sant'Antiogu bi est s'ístimu.

istinàdu , agt Sinonimi e contrari astradu 1, ostinadu*, ustinadu 2. cussa est una cosa istinada a durare pacu.

istinàre , vrb Definizione pèrdere su tinu, ammachiare Sinonimi e contrari ammachiae, dessessire, irbariare, dischissiare Frasi ti as a istinare pro su chi sos ocros tuos ant a vídere! Etimo srd.

istíncanu , nm Definizione cambighedhu de modhitzi Etimo srd.

istincàre , vrb Definizione torrare a istincu, illangiare meda a fortza de istare chentza papare Sinonimi e contrari apedhuncare, illanzigare, irromasire, isminunchire, scalaxiri, slangiri Frasi s'ómine, si no est istirau a minore, torrat a risu, sa gana li sichit sas códias, istincat e si bufat sos pódhighes ◊ at presu su cabadhu a unu chercu e l'at lassau bíndhichi dies a istincare, pro che li bocare su bíssiu de manicare Etimo srd. Traduzioni Francese faire la faim Inglese to go hungry Spagnolo adelgazar, enflaquecer Italiano far la fame Tedesco hungern.

istincàu , pps, agt Definizione de istincare Sinonimi e contrari lagnu, marriu.

istinchídha istenchídha

istinchidhàre ischentidhàre

istinchídhia ichinchídha

istinchidhiàre ischentidhàre

istinchidhósu ischintidhósu

istinchídhula , nf Sinonimi e contrari istenchidha*

istíncu , agt: istingu, stingu Definizione chi est de carena sútile, fine, cannàile Sinonimi e contrari dílicu, finigosu, fusighitu 1, iltrízile, levecu, marriu, scarritzinu, schirriolu, singru 1, stinghiritzu | ctr. grassu, russatzu Frasi est una zòvana istinca che crabola ◊ cussus si faint istingus ◊ est istinga coment'e una canna Terminologia scientifica zcrn Etimo srd. Traduzioni Francese mince Inglese slight Spagnolo esbelto Italiano èsile, snèllo Tedesco schlank.

istíncu 1 , nm: stincu Definizione de is duos ossos de sa camba, sa cannedha, su prus grussu e forte a parte de ananti tra s'annoigadórgiu de su benugu e de su cambúciu; fintzes ossu ebbia, bastat chi siat Sinonimi e contrari cambedha, cannedha, tílviu / cdh. schincu Terminologia scientifica crn Etimo itl. stinco.