A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

matriculàre , agt Definizione chi pertocat sa matrícula, su numeru de matrícula.

matricúsa, matricúsia marsicrúsa

matrimoniàle, matrimoniàli , agt Definizione chi pertocat su matrimóniu, su cojuóngiu.

matrimóniu , nm Definizione su si cojuare, su si fàere o èssere pobidhu e pobidha Sinonimi e contrari cogiuognu, coja.

matripèlla madrepèlla

matròdha, matródhiga madròdha

matròfa , nf Definizione cosa chi si narat o chi si faet a befa, po fàere a erríere Sinonimi e contrari befa, brúglia, ciacota, cionfra, dellezu, mofa Frasi fit a matrofas e ciacotas, lanivuzos, istralleras abbefendhe sos cumpanzos.

matroféri , nm: matruferi Sinonimi e contrari befadore, befianu Etimo srd. Traduzioni Francese farceur, railleur, moqueur Inglese leg-puller Spagnolo bromista Italiano burlóne, schernitóre Tedesco Spaßvogel.

matròna , nf Definizione mama, mere de domo.

matròtza , nf Sinonimi e contrari madrafa, madrodha Etimo srd.

matroxínu , agt Definizione nau de terra, chi paret farra, chi arandhodha no essit a leas Sinonimi e contrari scirinosu | ctr. leurosu.

matruféri matroféri

màtu màciu

matucòne , nm Definizione pubusone, cosa coment'e a matzu Sinonimi e contrari cherrione, ciufu Frasi nesciunu chistionàt, sa mamma pariat unu matucone de lana niedha, no pranghiat po no aciúnghere àtera tristura (Deidda/Saderi)◊ s'ispiridada candho moriat una pressona dolorosa si ndhe tiràt unu matucone de pilos e dhos poniat a su mortu.

matúcu matócu

matúdu massúdu

matúgiu , nm Definizione màgines de santos, erbas e ossos de pipiu aortiu imbodhigaos cun tela crua chi sa majàrgia passaiat in bentre de sa fémina príngia nanca po no dhi naschire fedu malàidu o istrupiau.

màtula , nf Definizione pischedhu de casu laditu, mescamente candho est friscu / min. matulonedhu Sinonimi e contrari fresa Frasi babbai, lebit chi depit lassai duas màtulas de casu! Etimo ltn. *mattea.

màtula 1 , nf Definizione tupighedhas, matedu meda / m. de lana = pubusone Sinonimi e contrari crachi, lita, tupedu Etimo srd. Traduzioni Francese maquis Inglese overgrown-with bushes Spagnolo matorral Italiano cespugliàme Tedesco Gebüsch.

matulàda , nf Definizione su matulare; cosa matzigada, fata a matzigadura 2. oi nd'at arrutu una matulada de cussa burra: mi parit ca is topis funt fendindi trama. Etimo srd.