A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

matriculàre , agt Definitzione chi pertocat sa matrícula, su numeru de matrícula.

matricúsa, matricúsia marsicrúsa

matrimoniàle, matrimoniàli , agt Definitzione chi pertocat su matrimóniu, su cojuóngiu.

matrimóniu , nm Definitzione su si cojuare, su si fàere o èssere pobidhu e pobidha Sinònimos e contràrios cogiuognu, coja.

matripèlla madrepèlla

matròdha, matródhiga madròdha

matròfa , nf Definitzione cosa chi si narat o chi si faet a befa, po fàere a erríere Sinònimos e contràrios befa, brúglia, ciacota, cionfra, dellezu, mofa Frases fit a matrofas e ciacotas, lanivuzos, istralleras abbefendhe sos cumpanzos.

matroféri , nm: matruferi Sinònimos e contràrios befadore, befianu Ètimu srd. Tradutziones Frantzesu farceur, railleur, moqueur Ingresu leg-puller Ispagnolu bromista Italianu burlóne, schernitóre Tedescu Spaßvogel.

matròna , nf Definitzione mama, mere de domo.

matròtza , nf Sinònimos e contràrios madrafa, madrodha Ètimu srd.

matroxínu , agt Definitzione nau de terra, chi paret farra, chi arandhodha no essit a leas Sinònimos e contràrios scirinosu | ctr. leurosu.

matruféri matroféri

màtu màciu

matucòne , nm Definitzione pubusone, cosa coment'e a matzu Sinònimos e contràrios cherrione, ciufu Frases nesciunu chistionàt, sa mamma pariat unu matucone de lana niedha, no pranghiat po no aciúnghere àtera tristura (Deidda/Saderi)◊ s'ispiridada candho moriat una pressona dolorosa si ndhe tiràt unu matucone de pilos e dhos poniat a su mortu.

matúcu matócu

matúdu massúdu

matúgiu , nm Definitzione màgines de santos, erbas e ossos de pipiu aortiu imbodhigaos cun tela crua chi sa majàrgia passaiat in bentre de sa fémina príngia nanca po no dhi naschire fedu malàidu o istrupiau.

màtula , nf Definitzione pischedhu de casu laditu, mescamente candho est friscu / min. matulonedhu Sinònimos e contràrios fresa Frases babbai, lebit chi depit lassai duas màtulas de casu! Ètimu ltn. *mattea.

màtula 1 , nf Definitzione tupighedhas, matedu meda / m. de lana = pubusone Sinònimos e contràrios crachi, lita, tupedu Ètimu srd. Tradutziones Frantzesu maquis Ingresu overgrown-with bushes Ispagnolu matorral Italianu cespugliàme Tedescu Gebüsch.

matulàda , nf Definitzione su matulare; cosa matzigada, fata a matzigadura 2. oi nd'at arrutu una matulada de cussa burra: mi parit ca is topis funt fendindi trama. Ètimu srd.