A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

magliorédhu , nm: malloredhu Definizione genia de macarrone tundhu fatu a manu: macarrone cravau, de punzu, de úngia, de manu nostra Sinonimi e contrari arribiedhu, cicione, malladedhu, mutzitu, pitzoti Frasi de malloredhus bèni cundius gei si ndi at papau dus!… Terminologia scientifica mng Etimo srd. Traduzioni Francese "gnocchi" (quenelles de purée de pommes de terre et de farine) Inglese gnocco (typical Sardinian pasta) Spagnolo ñoqui Italiano gnòcco Tedesco sardisches Klößchen.

maglióru , nm: malloru, mallou Definizione boe de fedu o de mamas, su mascu bulu mannu e chentza crastau po dhu betare a is bacas; foedhandho in cobertantza, fintzes ómine de cojuare Sinonimi e contrari bobaca, trabu 1, tràilu / magiolu Frasi bolleus sa mallora po parai arratza de su malloru nostu Cognomi e Proverbi smb: Malloru Terminologia scientifica anall Etimo ltn. malleolus Traduzioni Francese taureau Inglese bull Spagnolo toro Italiano tòro Tedesco Stier.

màgliu màgiu 1

magliucàre , vrb: magugliare Sinonimi e contrari ammacigai, corpare, isciúdere, maculai, matzocare, pistare Etimo spn. magullar.

màgna , nf Sinonimi e contrari arrusa, astrúscia, buantza, códia, fraícia, malíscia, marfuseria, spedha, transa Etimo spn. maña.

magnànu , nm Definizione maistu chi faet craes e àteras cositedhas piticas, de ferru Etimo itl. magnano.

magnería , nf: mangeria Definizione cosas de papare in donu, a totu su chi si bolet papare; in cobertantza, aprofitamentu, pigare cosa o dinare a furadura aprofitandho de s'ocasione Sinonimi e contrari papadoria.

magnésia , nf: mannésia Definizione genia de cosa bianca (bicarbonau e àcidos), a granighedhos, chi si ponet a iscagiàre in abba, bona po ifriscare, agiudare a digirire Etimo itl. magnesia.

magnésiu , nm Definizione genia de metallu lébiu, elementu chímicu de símbulu Mg, númeru atómicu 12 e pesu atómicu 24,32, de colore biancu Terminologia scientifica mtl Traduzioni Francese magnésium Inglese magnesium Spagnolo magnesio Italiano magnèsio Tedesco Magnesium.

magnéticu , agt Definizione chi pertocat su magnetísimu, chi funtzionat a magnetísimu.

magnetísimu , nm Definizione genia de fortza chi unu corpus (es. calamida) podet tènnere de atirare un'àteru corpus de materiale diferente (es. ferru): est una genia de elétricu firmu e ispartziu in duas bandhas (polos), positiva e negativa (+, –), chi si atirant si funt diferentes e si respinghent si funt oguales (in cosas diferentes).

magníficu , agt Definizione chi est bellu e bonu meda Sinonimi e contrari grandhe.

magniósu , agt: magnosu Definizione nau de ccn., chi portat magna, trassas Sinonimi e contrari chentupizas, fraissinu, fulbu, grodhone, malfusu Frasi cun megus ti ses fata magniosa fatèndhemi promissas malissiosas! Etimo spn. mañoso.

magnólia , nf Definizione figu majólica, genia de mata manna, a fògias ladas mannas a punta, chi faet frores bellos, biancos e mannos, prantada po bellesa.

magnosidàde , nf: mannosidade Definizione su si crèdere meda meda, a tropu, ma fintzes su àere un'idea bona, de arrispetu, de cunsideru donniunu po issu, su si crèdere de importu Sinonimi e contrari alteriu, banesa, barrosia, blaga, morrófia, prejumu / ttrs. pagliosumu / manniénscia, mannitúdine mannosia, púdriu Frasi pro sos pitzinnos fit una mannosidade a zúchere sas partes a sas famíllias de su bichinau ◊ frimma sa mannosidade chi est distruendhe su logu! Etimo srd. Traduzioni Francese orgueil, morgue, suffisance Inglese arrogance Spagnolo soberbia Italiano supèrbia, spòcchia Tedesco Hochmut.

magnósu magniósu

magnósu 1 , agt: manniosu, mannosu Definizione chi est mannu de importu; nau de ccn., chi si credet meda, chi no si abbàsciat a s'àteru o a cosas pentzadas de pagu importu Sinonimi e contrari immanniosidu, manninu / mannósigu, presumidu, strufudhosu, superbiosu Frasi manniosa bellesa universale 2. est unu mannosu, si creit su meri de s'universu ◊ sa piciochedha si fadiat sempri prus mannosa e iscumpudia apetighendi s'istima de is giovunedhus Etimo srd. Traduzioni Francese grandiose, suffisant, orgueilleux Inglese arrogant, grand Spagnolo grandioso, engreído Italiano grandióso, spocchióso Tedesco großartig, hochmütig.

magnótu , nm Definizione cosighedha licante a papare, ma fintzes improdhu Etimo ttrs. magnottu.

magnulàre , vrb Definizione pònnere sa tega, sa nàstala chi si papat s'orrobba Sinonimi e contrari nastalare.

magnúsa , nf Definizione genia de pische Terminologia scientifica psc Etimo itl.s.