A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

mesanòte, mesanòti , nf, nm: mesunote, mesunoti, mesunotis Definizione sa mesania de sa note e prus precisu sa de binti bàtoro oras lómpia de sa die / badhau mesunoti = comente passat, apenas coladu mesanote Frasi dh'eus biu a perra de mesanoti ◊ candho est torradu fit tochendhe mesanote ◊ nosu naraus "su mesunoti"◊ badhau mesunoti si arritirant ◊ a mesunotis est nàsciu su Messia Terminologia scientifica sdi Etimo srd. Traduzioni Francese minuit Inglese midnight Spagnolo medianoche Italiano mezzanòtte Tedesco Mitternacht.

mesantéri , agt Definizione chi est in mesu, su de mesu po tempus, posidura o àteru (es. unu fígiu) Sinonimi e contrari mesanu Etimo srd.

mesànu , agt, nm: mesianu, mesuanu Definizione chi est in mesania, a mesania, nau siat de tretu e siat de mannària; sa parte o tretu de mesu, fintzes muru de mesu Sinonimi e contrari mesanteri / mesale, mesania Frasi dhui fiat genti bècia, mesana e pitia 2. a mesanu de caminu sa zòvana s'irvertudat e pregontat: In ue semus? Etimo srd. Traduzioni Francese moyen, médian Inglese middle Spagnolo medio Italiano mèdio, mediano Tedesco mittlere, Mittel..., Mitte.

mesànu 1 , agt: mezanu 1 Definizione nau de calidade, chi est pagu bonu, si no própriu malu Sinonimi e contrari malu, mecianu / cdh. mizanu Frasi contighedhos ndhe narat dogni momentu sa zentighedha pitica e mezana.

mesapàre , nm: mesapari Definizione su mesu a cada unu: genia de cuntratu, nau prus che àteru coment'e avb.: a m. Sinonimi e contrari acumonamentu / mezapari Modi di dire csn: fàghere o pònnere duas cosas a m. = tantu de s'una cantu de s'àtera; fàghere a corpu de mesapare = pigai in prenu, fai giustu giustu a metadi; nadu de cosa a méschiu cun àtera, a m. de… cun… = cantu de s'una de s'àtera Frasi deo ponzo su triballu e su chi bi essit lu faghimus a mesapare ◊ pro tentare una binza a mesapare menzus mi che andho a isporuladore ◊ in su denuntziare trampant a mesapare servèndhesi de cifras piús minores ◊ custu ranu est a mesapare cun paza, tropu brutu Cognomi e Proverbi prb: cuadhu de mesapari, ni sedha e ni murrali Etimo srd. Traduzioni Francese métayage Inglese sharecropping Spagnolo aparcería Italiano mezzadrìa Tedesco Halbpacht.

mesaparéri , nm Definizione (nf. -a) chie est a cumpàngiu de calecun'àteru po calecuna cosa chi tenent o faent a mesapare Etimo srd.

mesapàri mesapàre

mesaparísta , nm Definizione massaju chi pigat terras angenas a trebballare a mesapare (po sa metade de su frutu) Sinonimi e contrari arracioni Etimo srd. Traduzioni Francese métayer Inglese sharecropper Spagnolo aparcero Italiano mezzadro Tedesco Halbpächter.

mèsaru , nm: méseru Definizione genia de isciallu fine chi is féminas si betant in conca a calare in palas Frasi bètadi in dossu su mèsaru, ca ses ispoza! Terminologia scientifica bst, ts Etimo itl.t mèsero.

mesascàrtzas , nf pl Definizione genia de cartzas chentza pei, de furesu, solu po is cambas, in su costúmene Frasi tapulabat cartzones de furesi e mesascartzas de ómines Etimo srd.

mesàschia , nf Definizione truncu doladu inue s'incàsciat su fusu o àscia de su carru asuta de is taulones a mesania de s'iscala Sinonimi e contrari procedhu 1.

mesatzédhu , nm Definizione in is màchinas de ferrare (ferrajola), genia de istanga a ue si acàpiat su pei de ferrare Frasi su ferreri aiat agghentzau unu pè de ferrare e dh'aiat acapiau a su mesatzedhu (R.Arca).

mesaúltu, mesaústu mesagústu

mèsca màscas

mescalimènte, mescamènta, mescamènte mascamènte

mèscara , nf Sinonimi e contrari genia, méscia, mistura Frasi bi teniat una salera, unu corruèscara e tzapulia cun dónzia mèscara.

mèsche, mèsches, mèschi màscas

meschiàda , nf: ammischiada*, mescrada Definizione su meschiare, ammesturare, su murigare Sinonimi e contrari ammisturada / morigada 2. sunt che berveches dispostos a donzi mescrada.

meschiàdu , pps, agt Definizione de meschiare Sinonimi e contrari ammisturau Traduzioni Francese mélangé, mêlé Inglese mixed Spagnolo mezclado Italiano mescolato Tedesco gemischt.

meschiadúra , nf: mesculadura Definizione su meschiare, su ammesturare Sinonimi e contrari ammesturadura, ammisturamentu | ctr. chirrionzu, seberadura Etimo srd. Traduzioni Francese mélange Inglese mixing Spagnolo mezcla Italiano mescolaménto Tedesco Mischung.