A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

pilàri , nm: pillari Definizione su tretu de sa carena a bisura de surcu tra còscias e bentre Sinonimi e contrari angunàglia, ibbina, igliari, ímbana, immina, índima, íngua, ranedha Terminologia scientifica crn.

pilàstru , nm Definizione elementu architetónicu prantau, fine e artu, de pedra o, mescamente, de cimentu armau, po agguantare fràigu Sinonimi e contrari colondra, piloto.

piléri , nm Definizione in is paragones de matas po su frutu chi portant, èssere, batire, barriare che p. = a pilimpedhe, a meda Sinonimi e contrari pilimpedhe Frasi custu chercu ndh'est che pileri, de landhe (G.Ruju)◊ custa pruna bàrriat che pileri ◊ cust'àrbure giughet su frutu che pileri ◊ ant piscau su pische a pileri a ghetu de truncare sas retes Cognomi e Proverbi smb: Pileri, Pilleri Etimo srd.

pilète pigliète

pilgiòni pigiòne

pílgiu pígiu

piliàbigu , agt Definizione chi portat is pilos in colore de castàngia Etimo srd.

piliàche, piliàghe , agt, nm: piulache, piulaghe Definizione chi istat a píulos; píulu, genia de boghighedha mescamente de pigiones; lèpuri de arxola, genia de pigione mannu chi cantat iscurigandho e cricat is argiolas a pàschere Sinonimi e contrari tziulaghe / tzíulu / gavigaví, pibiaghena, pidiaghe, pizaena, tzintziriena Frasi su piulaghe de sos puzones 2. a piliaghe postu, cudh'ómine si ndhe andhaiat a ue agataiat piús acatu Terminologia scientifica pzn, vanellus vanellus Etimo srd. Traduzioni Francese plaintif, vanneau Inglese mourning, lapwing Spagnolo quejumbroso, ve fría Italiano lamentóso, pavoncèlla Tedesco klagend, Kiebitz.

pilialloricàu, piliallorigàdu , agt: pililoricatu Definizione chi portat is pilos totu anedhaos Sinonimi e contrari arrullau, frisau, pilianedhadu Frasi ojiniedha e piliallorigada… sa camisa chi zughet Peparosa paret l'apant sas monzas ricamada! Etimo srd.

piliàlvu , agt: piliarbu Definizione chi portat is pilos biancos, mescamente persona antziana Sinonimi e contrari canu, pilicanu Cognomi e Proverbi smb: Pilialvu, Piliarbu, Piliarvu Etimo srd. Traduzioni Francese chenu Inglese hoary Spagnolo canoso Italiano canuto Tedesco weißhaarig.

pilianedhàdu , agt Sinonimi e contrari arrullau, frisau, pilialloricau, pilirufadu Etimo srd.

piliàrbu piliàlvu

piliàre , vrb Definizione istare a pílios, comente faent is pigiones, o fintzes nau de gente chi istat a tzúnchios Sinonimi e contrari cirolitare, ciulai, ciurulare, piulai, spibisai Frasi fintzas sa cardeglina, addaghi no ti aciaras tue, píulat delusa ◊ custos pitzinnedhos píliant che puzones Etimo srd. Traduzioni Francese pépier, piailler Inglese to twitter Spagnolo piar Italiano pigolare Tedesco piepen, wimmern, jammern.

pilibbrúndhu , agt Definizione chi portat is pilos orrubiastos Frasi fit unu zovanedhu bellu, pilibbrundhu, chin sa cara isarbulia Etimo srd.

pilibíli , nm Definizione est su pruinedhu chi orruet de sa banita e de is nentzolos asuta de su letu; sa burrumballa o pulidura de linna chi faet su fusteri a prana Sinonimi e contrari lanaitu, lanivitu, pibitza, pilipiu, pinninnia Etimo srd. Traduzioni Francese duvet Inglese down Spagnolo pelusa Italiano lanúgine Tedesco Flaum.

pilibíli 1 , nm Definizione una genia de erba: allu de carroga o porru de campu Sinonimi e contrari aparanzone, sansangione, zuajone Terminologia scientifica rba, Allium subhirsutum.

pilicànu , agt Definizione chi portat is pilos biancos, canos Sinonimi e contrari canu, pilialvu Etimo srd.

pilicàre , vrb Definizione su si dispràxere po calecuna cosa fata (de malu siat o de bonu) Sinonimi e contrari impudare.

pilicàre 1 , vrb Definizione coment'e puligare, cricare cosa candho est ammesturada cun àtera, abbaidandho e isceberandho totu a fine a fine, bene Sinonimi e contrari prugae Frasi mamma est pilicanne su finucru pro lu còchere.

pilicàrju , nm: piligraxu Definizione unu de is tantos númenes in cobertantza po nàrrere sa natura de sa fémina; a logos est fintzes su parapunta niedhu Sinonimi e contrari brodho, budhudhu, cunnu, pillitu, piricochedhu, porposeo Etimo srd. Traduzioni Francese sexe de la femme Inglese cunt Spagnolo coño Italiano fica Tedesco Feige, Fotze.