A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

papizòne papigiòne

papógnu , nm: papóngiu, paponzu Definizione su papare, is cosas chi si papant Sinonimi e contrari mandhiconzu / alimentu, arracatu, bivu, màndhicu, mandiari, papai 1 Frasi papóngiu de frommiga ◊ mancaiat su bestire e su paponzu ca su travallu no fit pagau ◊ su papóngiu nostu fut late, pane, casu, ladru Etimo srd.

papòne , agt Sinonimi e contrari fauzone, ingrutone, mandhicatore, papadore.

papóngiu, papónzu papógnu

paporàda, paporàta , nf Definizione essia o nue de vapore; nue de ària budhia Sinonimi e contrari ispaporada / iframiada, pampada / ttrs. papurada Frasi su ventu nche munnat sas paporatas de su gassu chi essint dae sa fràbbica 2. su sole si fachet a intèndhere chin sas paporadas suas de calore Etimo srd.

papòre, papòri , nm: popore Definizione prus che àteru, abba chi po efetu de su calore si che pesat coment'e nepidedha, ma fintzes abbentada de àteru chi, sèmpere po efetu de su calore, si faet a gasu e bolat in artu Sinonimi e contrari vapore Frasi sa contzadura de sa pedhitza cheret fata impreendhe maniles de gumma e caratza pro no ndhe alenare sos popores Traduzioni Francese vapeur, exhalation Inglese vapour, exalation Spagnolo vapor, vaho, emanación Italiano vapóre, esalazióne Tedesco Dampf, Ausströmung.

pàpu pàpi

pàpu 1 , nm Definizione sa punta o conchedha de sa natura de s'ómine / iscugudhai su p. = iscocolletare, tirare issegus su pedhutu (iscrafudhu) chi lu muntenet cuguzadu Sinonimi e contrari conchedha 3 Terminologia scientifica crn, ssl Traduzioni Francese glande Inglese glans Spagnolo glande Italiano glande Tedesco Glans, Eichel.

papuinàre , vrb: pupuinare, purpuinare Definizione calare o fàere a popoine, a pruinedhu, fàere a farra (nau de sa linna) Sinonimi e contrari farratzai, infarraciai, pipionire, pubujonare Frasi a mie si m'est papuinanne totu sa cosa durche ◊ sa càscia betza est frundhida in su cortile, pupuinada ◊ cussa trae totu pupuinada nos ndhe falat subra! Etimo srd. Traduzioni Francese se vermouler Inglese to get worm-eaten Spagnolo carcomer Italiano intarlare Tedesco wurmstichig werden.

pàpula , nf Definizione cosighedha modhe modhe a papare / p. de nie = froca lada Sinonimi e contrari papaledha Frasi su chervedhu in pàpula est andhandhe, sas rodedhas male sunt girandhe (G.Cheri).

papuledhàre , vrb Definizione foedhare a papuledhu, naendho is foedhos male, ibballiaos puru, chentza chi si cumprendhat craru (comente faent is pipios imparandho a foedhare) Sinonimi e contrari impapulare, imprabastulai Frasi ite ses impapuledhendhe? Faedha bene!

papulédhu , nm Definizione su foedhare de is pipios (o comente faent is pipios), chi no narant is foedhos bene craros e giustos.

papurótu , nm Definizione frutu cun papu, cun chiu Sinonimi e contrari babbarotu 1, méndhula.

papuschiàda , nf Definizione su papuschiare Sinonimi e contrari papuschiadura Etimo srd.

papuschiadúra , nf Sinonimi e contrari papuschiada Etimo srd.

papuschiàre , vrb Definizione pròere unu pagu, istidhigare abba, o fintzes salia foedhandho Sinonimi e contrari arrosinai, babbiscare*, cibinare, istedhiare, modhinare, proighinai, tziviai.

papuschína , nf Definizione proidedha de pagu contu, abbighedha lébia, pagu cosa, fintzes istídhigos de salia chi bolant de buca foedhandho Sinonimi e contrari arrosina, lentina, modhina, paspia, proighina, proischina, tzibina Frasi ufuladas de bentu frúschiant molinandhe sa frita papuschina ◊ su bentu marinu batit sa papuschina de s'undha Terminologia scientifica tpm Etimo srd. Traduzioni Francese petite pluie fine Inglese drizzle Spagnolo llovizna Italiano pioggerèlla Tedesco leichter Regen.

pàra , nm Definizione ómine chi si cunsacrat totu a Deus cun calecunu órdine o istitutu religiosu; genia de tzuga manna (dha narant fintzes p. de s'àcua, de s'arriu)/ min. parighedhu, paritedhu; para de cica = padre chircante; parixedhu = una zenia de pane (e fintzas sa títula manna de riu); p. marinu = zenia de animaledhu de mare a corza tosta (aplysia); capedhu ’e para = zenia de antunna (Macrolepiota procera, itl. mazza di tamburo) Sinonimi e contrari padre / parapunta, preidedhu Frasi custus fiant tres paras de missa e unu legu ◊ lessit istai is mòngias e is paras circantis ◊ a trassa de para, fiat fadendi s'angioni, su marxani ◊ sa mòngia ponit sa mígia a su para e su para ponit sa mígia a sa mòngia… Etimo ctl. pare Traduzioni Francese moine, religieux Inglese friar, monk, religious Spagnolo cura, fraile Italiano frate, religióso Tedesco Mönch, Ordensbruder.

parabàtula , nf: barabàtula* Definizione su calagasu Sinonimi e contrari abadegasu, carravarina, folacasu, lepilepi, maniposa, pabedha, seisei Frasi is parabàtulas bolant de innòi a iloi Terminologia scientifica crp.

parabàtulu , nm Definizione pigionedhu apenas essiu de s'ou, a bentredha / restare p. (nau a su piciochedhu)= abbarrare piticu Sinonimi e contrari bentredhu, berchedha Frasi si no mànigas restas parabatuledhu e cresches palimodhe ◊ sunt débbiles sas alas de custu parabàtulu ispilidu!(T.Rubattu).