segalàdiri , nm Sinonimi e contrari arrenza 1, bocigani, bociguadhus, mutzamanu, priorissa, segabódhighes, segadidus 1, serramanu Terminologia scientifica crp, mantis religiosa Etimo srd.
segalatràngas , nm Definizione
chie istat sèmpere segandho sa passiéntzia, giaendho ifadu, istrobbu
Sinonimi e contrari
aconciabbraghetas,
arremiculu
Frasi
custas segalatrangas si che sunt andhadas e pagu bi at mancadu chi no mi ndhe apant bogadu sos ojos
Etimo
srd.
Traduzioni
Francese
casse-pieds
Inglese
pain in the neck
Spagnolo
pelma
Italiano
rompiscàtole
Tedesco
Nervensäge.
segamànos, segamànu , nf, nm Sinonimi e contrari arrenza 1, bocigani, bociguadhus, mutzamanu, priorissa, segabitzodhas, segabódhighes, segadidus 1, serramanu Frasi sa segamanos apustis de s'acópiu bochit su mascru Terminologia scientifica crp, mantis religiosa Etimo srd.
segaméntu secaméntu
segamigàsu , nm Definizione sègami casu = in sa manera de nàrrere èssere de s. po nàrrere chi unu est deasi pagu àbbile (prus che àteru de conca e de cumportamentos) chi no est mancu àbbile a si segare casu papandho (s'incaúngiu prus connotu e manigiau) e dhu pedit a un'àteru a si dhu segare. Custa nada faet aparis cun dare una cosa a cantu in manu po nàrrere su fàere de chie pigat s'àteru sèmpere che unu pipiu chi depet dipèndhere po su chi dhi podet serbire. Est dipendhéntzia unu e àteru. Contos de segamigasu = afariedhus de torracontu personali (e de dipendhéntzia). Etimo srd.
segànte , agt Definizione
nau prus che àteru de aina, chi segat, chi portat atza bella acutza po segare
Sinonimi e contrari
acussu,
atudu,
secadore,
secaitu
| ctr.
ingudru,
sgurdu
Etimo
srd.
Traduzioni
Francese
tranchant
Inglese
sharp
Spagnolo
cortante
Italiano
tagliènte
Tedesco
schneidend.
segantínu secantínu
segantínu 1 , nm Definizione tretu de terrenu chentza trebballau, in bíngia o in ortu, mescamente in is oros Sinonimi e contrari bacantinu Etimo srd.
seganúghe , nm Definizione genia de giogu: nughe intrea istampada in mesania de un'ala a s'àtera a istúturu, in mesu de is perras) e imboidada bene, s'intrat unu fusu (fustigu, púncia) cun d-unu filu longu cun d-unu càbudu acapiau firmu in mesu, fatu imbodhigare in su fusu aintru e faendho essire s'àteru càbudu in s' àteru istampu fatu a paris de is primos duos ma in s'aciuntura de is duas perras (a 90°); a un'ala de su fusu si ponet una orrodighedha coment'e volanu, a s'àtera (si su fusu no est una púncia giai cun sa conca) si faet a concutza o si ponet un'àtera orrodighedha prus pitica, chi su fusu no ndhe potzat essire: su filu imbodhigau tirau a cropu e lassau faet girare su fusu chi de s'inértzia sighit a girare e imbodhigat torra su filu, chi deasi est prontu po torrare a tirare e fàere girare su fusu a betu contràriu Sinonimi e contrari furriacòcuru, furrianughe, inzinnu Terminologia scientifica ggs Etimo srd.
seganúxi , nm Definizione
genia de pintza po segare sa nughe (ma cun su puntu de arrimu in punta e puntu de agguantu in mesu, ue si ponet sa nughe o àteru de segare)
Sinonimi e contrari
ischitzanughe
Terminologia scientifica
ans
Traduzioni
Francese
casse-noisettes
Inglese
nutcracker
Spagnolo
cascanueces
Italiano
schiaccianóci
Tedesco
Nussknacker.
segapèdes secapèdes
segàre secàre
segarebètza sagarabètza
segaría segadíu
segaría 1 , nf Definizione dannu mannu a su bestiàmene, segrastu, disatinu, ma fintzes segamentu Sinonimi e contrari degógliu, destrossa, sagrastu / secamentu, segognu 2. totu sa segaria de piatos chi ant fatu!… Etimo srd.
segarribètza sagarabètza
segarúra secadúra
segascírra , avb: segascirru Definizione andai a s. = a biraorba, a sbiàsciu, a rugadura Frasi segant s'istrada, sartant su muru e a segascirra nci pesant a s'istrada ferrada Etimo srd.
segascirrài , vrb Definizione andhare a biraorba, a egas e a ogas, fora de su camminu po segare in curtzu, a segascirra Frasi si ndi fiat andau segascirrendi is campus Etimo srd.
segascírru segascírra