A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

sèdha , nf Definizione genia de trastu chi, cun isterrimentu modhe asuta, si ponet in pitzu de s'ischina de molentes e cuadhos po dhue pòdere cicire ccn. o fintzes pònnere càrrigu; genia de iscannu fatu cun d-unu truncu, pedra ue si ponet su casidhu; tretu unu pagu in paris in cúcuru de monte, sa parte prus arta de unu logu; in cobertantza, pesu grae o chistione mala a padire / min. sedhitola / partes de sa sedha: s'arcu de ananti, s'arcu de asegus, sa conca (su tretu prus artu de s'arcu), sa coberta (pígiu de pedhe o àteru chi ammontat is travedhas e andhat de un'arcu a s'àteru), su petorali, sa cingra (po firmare sa s. a su dossu de s'animale, in bentre acanta a is cambas de ananti), sa retranga (de s'arcu de daisegus a suta de sa coa), s'istafa (a una parte e àtera), is trantzilleris (genia de codriolas po apicare calecuna cosa), is coscinus / itl. dòsso (di strada) = sedha Sinonimi e contrari sedhatza, sedhone / cúcuru, frunchizolu, monticru, sedhile Modi di dire csn: pòniri sa s. = issedhare, sedhai; pigai sa s. a un'animali = catzare, falare, leàreli sa sedha; s. de càrrigu = sedhone, sedhatzu; non baliai sa s. = no baliare brullas, ofesas; non si dha podit pigai cun su cuadhu e si dha pigat cun sa s. = (pro un'ofesa o unu dispiaghere) no podet fàghere nudha a chie ndhe tenet curpa e si ndhe pagat cun àtere, cun chie podet; falare che sedha (nadu de frastimu, irrocu) = andhare bene meda de fàghere efetu; falare una sedha a ccn. = tènnere dannu, malasorte; sas sedhas de su carru = su letu o fundhu de su carru; sedhedha = creze de temperedha; drommire sedha sedha = in campu abbertu, chentza acotu perunu Frasi chei sos àteros cadheris, curriat su poledhu a sa nuda, chene sedha ◊ si pinnigànt otu o dexi giòvunus a cuadhu, sedha e istafas curtzas ◊ calicunu de sos cadhos at segadu sa cringa e pérdidu sa sedha 3. sa robba si ch'est corcada in sa sedha ca bi tocat bentighedhu friscu ◊ a sos pisedhos de iscola che los pigaiant a ispassu a sa sedha de cunventu ◊ fiat coranta annus ingunis, in cussa sedha de monti 4. bai ca cussa sedha dèu no mi dha lassu pònniri! ◊ si nos falat cussa sedha, de nos cumandhare sos mandrones, istamus friscos, mih!…◊ candho fut betada cussa sedha gei dhi costàt a si che dha tirare!…(A.Barra) 5. sa maledissione chi li ant iscutu li est falada che sedha ◊ ca no binchet su cabadhu matzucat sa sedha! Cognomi e Proverbi smb: Sedda / prb: a cuadhu friau sa sedha dhi pítziat Etimo ltn. sella Traduzioni Francese selle, colline Inglese saddle Spagnolo silla, colina Italiano sèlla, còlle, collina Tedesco Sattel, Hügel.

sedhàda , nf Definizione brínchidu de is cuadhos Sinonimi e contrari issédhidu, sédhida Frasi su cuadhu at iscapau a cúrriri a sedhadas Etimo srd.

sedhài , vrb: sedhare Definizione pònnere sa sedha, su sedhone a un'animale (molente, cuadhu) Sinonimi e contrari imbastai, insedhai Etimo srd.

sedhajólu , nm Sinonimi e contrari basteri, sedhaju, sedheri Etimo srd.

sedhàju , nm: sedhàrgiu, sedharzu Definizione maistu chi faet sedhas e sedhones Sinonimi e contrari basteri, sedhajolu, sedheri / cdh. sidhaju Frasi apo comporadu sa sedha noa de unu sedhaju lussurgesu Cognomi e Proverbi smb: Seddaiu Terminologia scientifica prf Traduzioni Francese sellier Inglese saddler Spagnolo guarnicionero Italiano sellàio Tedesco Sattler.

sedhalítu , agt, nm Definizione animale de pòdere issedhare, de unu o duos annos: ma dhu narant solu po is vitellos e vitellas de cussu fedu candho cumènciant a èssere mannos de si ndhe pòdere serbire po trebballare Sinonimi e contrari anníciu, nobedhu / cdh. sidhalitzu, ttrs. sidharitu Frasi a sos isposos lis regalamus unu sedhalitu e liu fachimus partire a chilos pro darent sa peta a sos chi lis zuchent regalos ◊ tue ses sedhalitu e no biju, ne a tempus de suer ses ancora! (Tucone) Etimo srd.

sedhàre sedhài

sedhàrgiu, sedhàrzu sedhàju

sèdhas , nf pl Definizione greme papadore o bremmi solitàriu Sinonimi e contrari alisanzedhas, sédinas Terminologia scientifica crp, taenia solium.

sedhàtza, sedhàtzu , nf, nm Definizione sedha de càrrigu Sinonimi e contrari imbastu, sedhone Frasi at postu su sedhatzu a su bestioledhu e dhi at carrigau is bértulas Etimo srd.

sedhàu , pps, agt Definizione de sedhai; chi portat sa sedha posta Sinonimi e contrari insedhau / cdh. sidhatu 2. su cuadhu mi dhu donas sedhau e frenau?

sedhéri , nm Definizione maistu chi faet sedhas, sedhones, sedhatzos Sinonimi e contrari basteri, sedhaju Frasi su bixinu nostu fait su sedheri.

sédhida, sédhidu , nf, nm: séllida Definizione genia de brínchidu, de móvia a cropu / andai a séllidas = a brínchidos, a sedhas, che a su lèpere Sinonimi e contrari bótiu, brinche, brínchidu, brínchili, brincu, sàdhidu, sàltidu, scàviu, sedhu 1, truminada Frasi apenas su gridadori donat cun su tumborru su signali de iscapai, s'ègua donat una sédhida e nci bessit che unu guetu ◊ su cuadhu at donau una sédhida in ària cun is cuatru peis ◊ sa baca s'est pesada a sédhidus pariat chi portàt dimónius Traduzioni Francese saccade Inglese click, burst Spagnolo salto, brinco Italiano scatto Tedesco Ruck.

sedhíle, sedhíli , nm Definizione su tretu de s'ischina de un'animale inue si ponet sa sedha; in montes, logu ciciu, in paris Sinonimi e contrari sedha Etimo srd.

sedhína, sedhíne , nf, nm Definizione genia de druche prenu de saba chi a logos faent a is ànimas po su sete de freàgiu Sinonimi e contrari terica Frasi faghent seadas ammerradas, culurzones, sedhines, pirichitos, pabassinos, mustatzolos, casadinas, turrones Terminologia scientifica drc.

sedhínu , nm Definizione sa sedha chi si ponet a is molentes Sinonimi e contrari sedha, sedhatza, sedhone.

sedhitòla , nf Definizione min. de sedha (logu): su terrenu ue faet a montighedhu, unu pagu in paris in pitzu, in punta Sinonimi e contrari concalinu, cúcuru, sedha Terminologia scientifica slg.

sedhítzi , nm Definizione cagalloni istrantaxu o cardulinu de mari, minca morisca: nada deosi po sa forma e su colore, est una genia de erba o codrolinu longhitu e grussu (ma no lisu), in colore de castàngia Sinonimi e contrari bidhitzini, minchemoru, pidhíciu Terminologia scientifica rba, Cynomorium coccineum Traduzioni Francese cynomorium écarlate, éponge de Malte Inglese maltese mushroom Spagnolo Jopo de lobo, hongo de Malta Italiano fungo di Malta Tedesco Malteser Schwamm.

sedhòne, sedhòni , nm Definizione genia de trastu chi, cun isterrimentu modhe asuta, si ponet in pitzu de s'ischina de molentes e cuadhos po dhue pòdere cicire ccn. o fintzes po dhis pòdere pònnere càrrigu: est prus mannu de sa sedha e prus che àteru sedha de càrrigu (po cosa)/ partes de su s.: arcos (de ananti e de apalas), tàulas o travedhas (incasciadas e punciadas in is arcos), trotzas (genia de cannedhos intraos unu a cad'ala in is arcos); s. a ferros: genia de s. cun d-unu ferru a U a cad'ala, cun is puntas intradas in sa parte prus bàscia de is arcos, de pòdere apèrrere e carriare cosa (is puntas de su ferru, bullonadas a s'arcu, arreschent in sa travedha prus bàscia) Sinonimi e contrari issedhone, sedha, sedhatza, sedhinu Frasi falare o catzare su sedhone a s'àinu Cognomi e Proverbi smb: Seddone Etimo srd. Traduzioni Francese bât, selle Inglese saddle (pack-) Spagnolo silla, basto Italiano basto, sèlla Tedesco Packsattel, Sattel.

sédhu , nm Definizione leare a unu a s.: a codhirone, a palagadrea.