A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

spadhéri , nm: spraderi, spradheri Definizione genia de pigione mannu, papadore de petza (papat sórighes, tzilighetas, bobbois) Sinonimi e contrari arcidedhu, atilibbriu, curreventu, futibbentu, serpedheri, storílliu Terminologia scientifica pzn, falco tinnunculus Etimo srd. Traduzioni Francese crécerelle Inglese kestrel Spagnolo cernícalo Italiano ghéppio Tedesco Turmfalke.

spadighèdha , nf Definizione una genia de lígiu biancu Terminologia scientifica frs.

spadínu , nm: ispadinu*, sparinu Definizione genia de aina segante a acropadura po segare petza: est coment'e a seguredha, a lama grussa ma agiummai totu de sa matessi grussària, a forma de retàngulu e a màniga curtza; fintzes una genia de gurtedhu mannu po segare a frigadura e a punghidura Frasi sa conca cun su spadinu ndi dhi seghint! Terminologia scientifica ans.

spadixèdha , nf Definizione frori de spadoni, erba chi naschit in mesu de is laores e faet frores orrúbios Sinonimi e contrari lillusposu, spadoni, spàdula Terminologia scientifica rba, Gladiolus italicus.

spadixedhaggròga , nf Definizione lillu grogo de abba Terminologia scientifica rba, Iris pseudacorus.

spadoadòri , nm Definizione piscadore a fura in logu de istagnu Etimo srd.

spadoài , vrb Definizione piscare a furinu (in logu de ispàdula, in is oros de fora, inue est malu a bíere a unu furandho) Etimo srd.

spadòni , nm Definizione frori de spadoni, erba chi naschit in mesu de is laores e faet frores orrúbios Sinonimi e contrari lillusposu, spadixedha, spàdula Terminologia scientifica rba, Gladiolus italicus Etimo srd.

spàdua , nf: ispàdula*, spàdula 2 Definizione fenu de ispàdula o de impagliadas, fenu o folla de istoja, genia de erba chi creschet in is errios, arta, a fògias laditas, bona po fàere istojas, po ammontare, po fàere fundhos de cadiras Sinonimi e contrari buda, ispadarzu, istògia, tuturatzu Frasi dh'iat partu de intendi murigu in d-unu musúngiu acanta de spàdula e tzinniga Terminologia scientifica rba, Typha angustifolia, T. latifolia.

spàdula , nf Definizione frori de spadoni, erba chi naschit in mesu de is laores e faet frores orrúbios Sinonimi e contrari lillusposu, spadixedha, spadoni Terminologia scientifica rba, Gladiolus italicus.

spàdula 1 , nf: ispàdula 1 Definizione genia de tauledha po magiare s'orrobba samunandho / èssiri pranciau che una s. = làngiu, famiu, che istirau e incracau a ferru de prentzare.

spàdula 2 spàdua

spadulài , vrb: ispadulare* Definizione iscutulare is pannos samunandhodhos; nau de su sirbone, iscaviare, giare cropos cun su bruncu atacandho o cracandho un'àteru animale; fintzes fàere una genia de tzàcurru cun sa limba coment'e candho si pigat calecunu sabore Sinonimi e contrari ischitinare, iscotzinare, iscutuai / sparulai Frasi is piciocas indúllias in s'erriu fiant spadulendi obracis ◊ is lessieras fiant sa lessia e spadulànt sa robba in sa tella 2. merxani s'est fatu arriscau: spadulendi sa coa fata a túturu si parat innantis a s'argalla maletzosu ◊ su sirboni si fuat firmau spadulendu sa buca e puntau a su cani 3. spàdulat sa língua ca at papau pruna crua ◊ mussiàt totu e spadulàt sa buca trotoxendusí de su prexu.

spagacéri , agt, nm Definizione chi o chie tenet s'abbitúdine de perdimentare sa cosa Sinonimi e contrari disbaratadu, ibbaidore, istrubberi Terminologia scientifica ntl.

spagatzài spadatzài 1

spagéri , agt: spalleri Definizione chi acostumat a si giare bàntidos Sinonimi e contrari bantaditu, brafanteri, bragheri, bragosu, pageri, pagiosu, vantagiosu Frasi a faci spallera, at nau ca a issu sa guerra dhi praxit poita is bonus bocint is malus…◊ cussa cun is àteras piciocas si est fata spallera Etimo srd.

spaghítu , nm: ispaitu* Sinonimi e contrari cdh. spaghinita.

spagióngiu , nm Definizione sa pagighedha chi s'istacat de su granu de is laores Terminologia scientifica rbr Etimo srd.

spagnài , vrb: ispaghinare*, spainai, spainari, spaniai Definizione portare, betare o pònnere ispratu peri su logu Sinonimi e contrari illaizare, ispadhiciare, ispàlghere, isparcinare, isparminare, ispartighinare, isprabinare Frasi sa fama sua si fut spainada in totu su logu ◊ s'àcua si spàinat me in sa basciura ◊ at cumentzau a nci spaniai su trigu, seminendi Traduzioni Francese répandre Inglese to scatter Spagnolo esparcir Italiano diffóndere, spàrgere Tedesco verbreiten, ausstreuen.

spàgu , nm: ispagu* Definizione soga impigada po cosire catzolas: genia de cordiola o filu grussu forte chi is sabbateris trebballant cun pighe ponendho a unu càbudu una tzudha po intrare méngius in istampos fatos a surba Sinonimi e contrari cdh. spau Frasi Turrunniu Tommaja fiat unu maistu de crapitas connotu e istimmau, nommenau aici po s'abbilléntzia me in sa cosidura a spagu impixau ◊ su sabbateri iat trabballau unu mesi dí e noti impixendu spagu, cosendu e pistendu sola po fai crapitas noas.