A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

suétu , pps, agt, nm Definizione de suègiri, suèxere, suexi, suíghere; su suèxere; su tanti de trigu chi si faet a pane in d-una cota Sinonimi e contrari cariadu, subetu / cariadura / cota Frasi cantu pane aiat suetu!… 2. chi si atatent de pane suetu e cumassadu de amore! ◊ in Santu Pantaleo coghent pane suetu su manzanu de Pasca… 3. su trigu a mulire si mediat su tantu de su suetu de duas chidas (G.Addis).

suetúra , nf: ciuetura Definizione su suíghere, su trebballu chi si faet a sa farra impastada faendhodha a pane; fintzes s'impastu etotu Sinonimi e contrari cariadura, ciuexidura, ciueximentu, soigonzu Frasi agabbada sa suetura, faghiant sos fozolos chin su cannone ◊ no at a èssere custa suetura chi mi assustat! 2. ant fatu una suetura de símbula russa Etimo srd.

suèva suèrva

suèxere, suèxi, suèxiri suègiri

sufàta safàta

suferéncia, suferénscia , nf: suferéntzia Definizione su sufrire, su istare patindho Sinonimi e contrari patimentu, penória, sufrimentu / cdh. sufaréntzia | ctr. contentu, gosa Frasi is notes passadas in mesu de su fritu furint oras de suferéntzia ◊ sa suferéntzia est unu castigu malu a sanai! ◊ fit pro me una suferéntzia a bídere e intèndhere su dolore in sos àteros ◊ non timas, Bachisé: deo ti cherzo bene e cumprendho sas suferéntzias tuas ◊ mi arregordu de is suferéntzias candu femu andada a Castedhu po s'iscola média Traduzioni Francese souffrance Inglese pain Spagnolo sufrimiento Italiano sofferénza Tedesco Leiden.

suferènte, suferènti , agt, nm Definizione chi o chie est sufrindho, mescamente malàidu Sinonimi e contrari tribbuladu.

suferéntzia suferéncia

sufértu , pps, agt Definizione de sufrire Sinonimi e contrari patidu, sufridu.

suficiènte, suficiènti , agt, nm: sufitziente Definizione chi bastat; su tanti chi bastat po su chi serbit.

sufietài , vrb Definizione betare, ispainare cosa a sufieto.

sufièto, sufiètu , nm Definizione genia de fodhitu po surbare su fogu, o àteru po betare meighina a pruine a sa bide noa Sinonimi e contrari tzurforadore Terminologia scientifica ans.

sufíssu , nm Definizione parte de unu foedhu (morfema) aciunta a s'arraighina chi portat su significau principale (semantema) po dhi giare unu significau prus erricu: es. in muradore s'arraighina mur- (morfema grammaticale -u, -os, muru, muros) giaet su significau de fundhamentu e su morfema -adore, sufissu, aciunghet su significau de unu chi faet muros; in su foedhu deosi derivau puru in sa parte de acabbu si distinghet unu morfema grammaticale (-e, -es, po singulare s'unu e plurale s'àteru).

sufitziènte suficiènte

súfiu , nm Sinonimi e contrari ciucullita, súcuru 1, taculida, tzaculitata, tzicorrida, tzitzilicu, tzucu Etimo srd.

súfiu 1 , nm Sinonimi e contrari àlchida, foltza, isúlfida, isúnfiu, súlidu, tzúfiu Frasi oi no tengu súfiu de nudha, cun custa basca! Etimo srd.

sufogài, sufogàre , vrb: suvocare Sinonimi e contrari afocare, allupae, annegai, ataogare Frasi su telèfono mi tupat sos ojos, che braja de fogu mi suvocat su respiru! (S.Bértulu)

sufragài, sufragàre , vrb Sinonimi e contrari agiadai, giuai, proicare Frasi sa tanta iltimassione mi sufragas in azios? (P.Cherchi)◊ si su chi at no lu sufragat, ite at a pòdere fàghere? Traduzioni Francese être utile, faire du bien Inglese to support, to be useful Spagnolo favorecer Italiano suffragare, giovare Tedesco nützen.

sufràgiu , nm Definizione agiudu, pruschetotu su chi si giaet cun is pregadorias a is ànimas.

sufràna , nf Definizione assúpidu, respiru a pelea Sinonimi e contrari bàtima, sufrata Frasi custa sufrana bos est leandhe su respiru Terminologia scientifica mld.