A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

suégliu, suélgiu, suélzu subérgiu

suèndi, suèndu , bvrb Definizione custos gerúndios podent èssere siat de suai (sulare) e siat de súi/súiri (súere) Frasi is bentus funt suendi ◊ no ti ndi acatas ca su bentu est suendi e arciendirí sa fardeta?! ◊ parit mortu… est suendu cument'e unu caboru de sicu! (G.Tuveri) 2. oi a prandi tengu cosa de pingiada: cassola de angioni suendi! ◊ sa multa po su fumóngiu est arreddopiada si est fatu ananti de una fémina gràvida o de pipius ancora suendi.

suénu selénu 1

sueràda , nf Definizione su suerare, carda o múngia de suore Sinonimi e contrari inciorada Frasi custa funtana in àteros tempos daiat sullevu a patimentu e sueradas de zente istraca Etimo srd. Traduzioni Francese suée Inglese sweat (real) Spagnolo sudadera Italiano sudata Tedesco Schwitzen.

sueràre suderàre

suerchèra , nf: suilchera, suirchera Definizione gurone in su subrecu: essidura a fruschedhas, candho si faent in matéria is randhuledhas o néulas de su suore Sinonimi e contrari suircana Terminologia scientifica mld Etimo srd. Traduzioni Francese hydrosadénite Inglese idroadenitis Spagnolo hidrosadenitis Italiano idrosadenite Tedesco Schweissdrüsenabszess.

suércu subércu 1

súere , vrb: súghere, sui, súiri Definizione suciare su late de sa tita, comente faet su fedu piticu / pps. sutu, súghitu, ger. suendho, suendi, suendu, sughendhe, suindhe Sinonimi e contrari sulli Frasi candho su pipiu pranghet, sa mama dhi giàt sa tita o su suidore, deasi su pipiu s'istentat suendho ◊ candho su crapitu no sughiat deretu, su pastore che l'ispremiat late a buca ◊ su sirbonedhu aiat sutu e si fit abbrentadu ◊ s'ebba si firmat ca su pudhéricu depet súghere ◊ fit a criadura minore ancora suindhe ◊ sos porchedhos ant súghitu ◊ sa mamma de late fit cudha chi daiat a súghere a unu fizu anzenu Etimo ltn. sugere Traduzioni Francese téter Inglese to suck Spagnolo mamar Italiano poppare Tedesco saugen.

suerédu , nm Definizione logu de suèrgios Sinonimi e contrari sualtíciu Frasi cussos tirighinos passant in mesu de sos sueredos ◊ ndhe bogheint su ortiju dae sos sueredos de su padente Terminologia scientifica slg Traduzioni Francese bois de chênes-lièges Inglese cork plantation Spagnolo alcornocal Italiano sugheréto Tedesco Korkeichenwald.

suergiólu , nm Definizione matighedha de suérgiu, suergedhu Etimo srd.

suérgiu subérgiu

suerínu suberínu

suèrva , nf: sueva Definizione genia de mata manna (si ndhe agatat pagas) chi bogat unu frutighedhu tundhu, de sa mannària de unu pirastedhu, totu sèmene, a apicones piticos de deghe o bíndhighi, bonu a papare candho est fatu (no bastat chi siat lómpiu: si est crefu, e ancora tostau, ponet in su gúturu): sa linna est forte, dereta, bona po òpera Sinonimi e contrari buserva, sorba, supelva, supurva, trueba Frasi àlvures de suerva, de castanza Terminologia scientifica mtr, lno, Sorbus domestica Etimo ctl., spn. serva Traduzioni Francese sorbe, sorbier Inglese sorb (apple) Spagnolo serbal, serba Italiano sòrbo, sòrba Tedesco Spierling, Vogelbeere.

suérxu subérgiu

suerzínu , agt Definizione chi est de suérgiu Sinonimi e contrari suberinu Etimo srd.

suérzu subérgiu

suèta , nf Definizione su suèxiri; totu su trebballu po fàere sa farra a pane; su tanti de trigu e de farra chi si faet a pane totu a una borta; a logos fintzes surra, cropos Sinonimi e contrari cariada / cota 2. no aiat timidu mai su tribàgliu e passaiat dae una sueta a s'àtera ◊ bae, fiza mia, a inue tia Mariànzela sa suetora e li ammentas chi cras semus de sueta! Etimo srd. Traduzioni Francese panification Inglese baking Spagnolo panificación Italiano panificazióne Tedesco Brotherstellung.

suèta 1 , nf: suita Definizione min. de sue, màdria giovonedha, pitica Sinonimi e contrari madriola Frasi che pudhedredha, acollada cun funes de perdiscione, fit in cussa ocasione che sueta in suatzone! (G.A.Cossu)

suetòra , nf Definizione fémina chi impastat sa farra e suighet su cumossu; màchina po impastare e suíghere Sinonimi e contrari ciuexidora, suighidora / impastadore Frasi penso a s'antiga suetora chi ponet in su pane sa madrighe Etimo srd. Traduzioni Francese pétrisseuse Inglese kneader, kneading machine Spagnolo amasadora Italiano impastatrice, gramolatrice Tedesco Kneterin, Knetmaschine.

suetòre, suetòri , agt, nm Definizione chi o chie impastat sa farra e suighet su cumossu Etimo srd. Traduzioni Francese pétrisseur Inglese kneader Spagnolo amasador Italiano impastatóre Tedesco Kneter.