A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

scambussàra , nf Definizione ciafu, cropu a cara giau a manu aperta Sinonimi e contrari cabbessu, iscantargiara, iscantulada, istuturrone Frasi ti dongu una scambussara a is barras ti nci fatzu ingurti is casciais! ◊ dhi at donau una bella scambussara e dh’at fatu andai tuviduvi Etimo srd.

scaminàda , nf: iscaminada* Sinonimi e contrari scamminamentu.

scamminài , vrb: iscaminai* Definizione coment'e bogare de su camminu giustu e bonu de s'onestade, de su fàere su dovere, cumbínchere e incarrerare a fàere male, andhare male faendho su perdulàriu Sinonimi e contrari desviai Frasi iant contau a una mamma ca fillu miu fut scamminendisia, e si ndi fut pesada narendi ca fuiant totu sciamitúdinis! (G.Mura).

scamminaméntu , nm: iscaminamentu Definizione su scamminai Sinonimi e contrari iscaminada Etimo srd. Traduzioni Francese détournement, pervertissement (fig.) Inglese deviation Spagnolo extravío Italiano traviaménto Tedesco Irreleitung.

scampagnósu , agt: scampaniosu Definizione chi tenet o pigat aera meda, chi tenet logu apertu ananti Sinonimi e contrari aerosu Frasi est un'aposentu scampagnosu Etimo srd. Traduzioni Francese bien aéré Inglese airy Spagnolo aireado Italiano arióso Tedesco luftig.

scampài , vrb: iscampai* Definizione iscabbúllere, arrennèscere a evitare unu dannu, una dificurtade, calecuna cosa chi no si iat a bòllere Sinonimi e contrari ifrancare, iscabbúllere, scampugiai.

scampangiàe , vrb Definizione nau de padente, segare matas a illascadura Sinonimi e contrari illascare Frasi ndhe segant peri matas giuventes po scampangiae su padente tropu crosu.

scampaniài, scampaniàri , vrb: iscampaniai Definizione apèrrere in campu, deunudotu; nau de unu malàidu in letu, iscarragiare Sinonimi e contrari ilbambarriare, ispampanai, ispamparinare, ispamporionare, sparrancai 2. candu seus sudaus, su si scampaniari noxit Etimo srd. Traduzioni Francese ouvrir grand Inglese to open wide Spagnolo abrir de par en par Italiano spalancare Tedesco aufreißen.

scampaniàu , pps, agt: iscampaniadu Definizione de scampaniai; chi est apertu de dhue àere logu meda, largu, apertu deunudotu Sinonimi e contrari camposu, impamparriadu, scampiosu 2. at lassau is portas scampaniadas ◊ fia sconchiendi sétziu in s'eca de su pórciu a portali scampaniau po fai intrai bentu Traduzioni Francese grand ouvert Inglese opened wide Spagnolo abierto de par en par Italiano spalancato Tedesco aufgerissen.

scampaniósu scampagnósu

scamparítzu , nm: iscamparitu* Definizione tretu de logu campu, chentza matedu Sinonimi e contrari camparitu, campúria.

scampatóriu , nm: iscampadorju* Definizione genia de arreghèscia o de manígiu po s'iscabbúllere de ccn. cosa Sinonimi e contrari scapadóriu. Modi di dire csn: circai s. = chircare iscusas; s. de tempus = iscuta, àchiu

scampavía , nm Definizione àchiu, un'iscuta, unu pagu de tempus Sinonimi e contrari arrébiu, iscalancu, iscàmpiu.

scampavúrca , nm: iscampavurcas* Definizione un'avantzu de galera, unu malu meda Sinonimi e contrari malafatore.

scampiadórgiu, scampiadróxu , nm Definizione s'ora chi si cumènciat a bíere, faendho die Sinonimi e contrari abbréschida, abbreschidorza, albore, arborinu, chentales, nea, spanigadroxu Terminologia scientifica sdi Etimo srd.

scampiadúra , nf Definizione su scampiai Sinonimi e contrari scampiamentu / innetionzu Etimo srd.

scampiài , vrb: iscampiai* Definizione su si fàere límpiu, agiummai che logu campu, nau mescamente de s'aera candho si che pesant o illargant is nues e si firmat de pròere, o fintzes candho si faet lughe su mengianu; ma si narat fintzes própriu de terrenu chi s'illímpiat e faet a logu campu po laorare Sinonimi e contrari isclarire, ispalaciae, ispanigai, orbesci / innabronari Frasi manera de tempus mau: no tenit sentidu de scampiai! ◊ su frúmini est sempri crescendi e is àrias no portant ogu de scampiai ◊ a pagu a pagu scampiàt, su soli ndi torràt a essiri 2. sa dia infatu si fut iscidau a chitzi, prima ancora de scampiai, e fut essiu ◊ mi ndi seu pesau e scàmpia e non iscàmpia ci seu essiu 3. depeus andai a cussu crachixedhu a dhu scampiai.

scampiaméntu , nm Definizione su scampiai, su cessare de pròere, su iscrarire s'aera, nau prus che àteru de is nues chi s'istésiant de pare e lassant bíere su chelu límpiu Sinonimi e contrari artziada, isclarida, scampiadura Etimo srd.

scampiàu , pps, agt, nm Definizione de scampiai; chi at iscraridu; logu campu, límpiu 3. innantis fiant camminendi in logu totu tupas e arrampus de orrú, pustis funt lómpius a su scampiau.

scampiósu , agt Definizione nau de logu, chi est apertu de dhue àere tretu meda, largu Sinonimi e contrari camposu, iscampaniadu, lalgu 2. is artistas, in Musas impreaus, si esprimint in tretus scampiosus de libbertadi Etimo srd. Traduzioni Francese spacieux Inglese spacious Spagnolo espacioso, vasto Italiano spazióso, vasto Tedesco geräumig, ausgedehnt, weit.