A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

scannítu , nm Definizione iscannu piticu, banchitedhu.

scanníu , pps, agt: schinniu Definizione de scanniri; chi no sonat bene o chi faet sonu légiu (sonu coment'e de cosa segada); nau de un'istrégiu, chi giughet isperradura, tzacadura fine fine; nau de unu, chi est malandhau / portai sa boxi scannia = unu pagu serragada (ma si narat èssi sarragau) Sinonimi e contrari afilau, cannidu, chinnidu / arroghidu, iscannidu, serragadu / tunconidu 2. no ti acatas chi ses totu schinniu, bragheri?! ◊ sa téula scannia ◊ est físchidu che una damigiana scannia 3. portat sa boxi scannia Traduzioni Francese fêlé Inglese cracked Spagnolo hueco, retumbante, agrietado Italiano incrinato, fésso Tedesco gesprungen, rissig, dumpf, dumm.

scànnu , nm: iscannu*, scrannu Definizione genia de trastu po cicire, fatu cun duos peis e una taulita punciada in pitzu, o fintzes a pígios de ortigu postos de ladu subràbari punciaos, bàsciu e sèmpere chentza palas (ma podet èssere fintzes una cadira pitica, prus bàscia de sa cadira 'bona')/ su s. de su parapimpu = cradea o banchitu malegontzu, malu Sinonimi e contrari banchitu, mesichedha, scannúciu Frasi dogna scannu de ispinas siat istérriu po chi is deputaus no dhoi fatzant pinnigas! (F.Locci)◊ tèngiu unu bellu scannu de ollastu po mi sèi: cussu gei no si nci acovecat! ◊ ajaja mi fait sètzi in su scannu ◊ Ambrosu, piga scannu e setzidí! Traduzioni Francese tabouret Inglese stool Spagnolo taburete Italiano sgabèllo Tedesco Hocker.

scannúciu , nm Definizione iscannu piticu, trastu po cicire Sinonimi e contrari banchitu, iscannu, sedhúciu.

scannugài , vrb Definizione pigare sa lana o s'istupa de sa cannuga; bogare de pare; bodhire cosa a cannuga Sinonimi e contrari isconsiminzare 3. seu crastendu sa figumorisca chi apu scannugau in sa cresura Etimo srd.

scannugaméntu , nm Definizione su scannugai Etimo srd.

scansía , nf: iscansia* Definizione stanti, móbbile a pianos po pònnere libbros, meighinas, bonu, fatu de lussu.

scansiòni , nf Definizione mesuramentu de versos; genia de anàlisi Traduzioni Francese scansion Inglese scansion, articulation Spagnolo escansión, barrido Italiano scansióne Tedesco Skansion.

scantergiàda , nf: iscantarzada*, scantraxada, scantrexada, scrantaxada, scrantexada, screntexada Definizione ciafu, cropu giau a is trempas, a cantrexu, cun sa manu aperta Sinonimi e contrari bofetada, bussinada, irbirroncu, iscantulada, iscaputzone, istuturada, smantulada, sporsugada / cdh. scantigiata Frasi geadidhi una scantraxada, sa maista! ◊ femu làngia che obbilu: cun d-una scrantaxada m'indullemu che filu Traduzioni Francese gifle Inglese slap Spagnolo bofetada Italiano schiaffo Tedesco Ohrfeige.

scantergiài , vrb: iscanterjare*, scantrexai Definizione pigare a iscantarzadas, iscúdere a ciafos; foedhare coment'e rimproverandho cosa a s'àteru, a briga Sinonimi e contrari abbofetai, ciafitare, ilciafitare, irbirroncare, iscarigai, istuturronare.

scantonài , vrb: iscantonare*, scontonai Definizione foedhandho, su che essire in machines, nàrrere disatinos, cosas chi própriu no andhant bene; essire de istrada Sinonimi e contrari iscantarare.

scantraxàda, scantrexàda scantergiàda

scantrexài scantergiài

scantriài , vrb: iscantare* Frasi arratza de dispraxeri, tanti gei si est scantriendi a terra de su prantu!…

scantulàda , nf: iscantulada* Definizione cropu a cara giau a manu aperta Sinonimi e contrari bussinada, ciafu, iscantargiara, iscavanada, istuturada, mantuada, sporsugada Frasi sa bonànima m'iat donau una scantulada po dh'èssi pediu poita sa craba cun su crabu…

scàntus , agt, prn pl: iscantus* Definizione unus cantu, unas cantu, unu tanti, ma pagu e pagu precisu coment'e númeru (a/c. no càmbiat de mascu a fémina) Sinonimi e contrari cantu 3 Frasi s'abbadessa e scantus àteras mòngias iant tentu grandu prexu.

scantusciài , vrb: iscatuciare*, scartuciari, scatusciai Definizione papare cun allurpimentu, cun asuria Sinonimi e contrari acamufai, atafiai, iscatasciai, mangiufai, scataxai Frasi candu mi ndi seu iscidada, in sa mesa no dhoi fiat prus nudha: totu scantusciau! (A.Garau)◊ ndi scartúciant de erba, is conillus, in pag'ora!…

scantzadórgiu , nm: iscansadórgiu* Sinonimi e contrari cassiadorju.

scantzài , vrb: iscansare*, scassai Definizione cambiare filada o camminu, trantzire, fàere andhare a un'àtera bandha, intrare a unu logu in passada, passandho; bogare de s'incàsciu (nau de arremu o àteru) Sinonimi e contrari cansai 1, ilmanchinare, irvertzare, stressiai / innoigare, irbesciai, isgioghedhare, scadrogai, sciadhie Frasi si scassat s'àcua de un'arriu po dha portai a un'ortu ◊ su pastori depit billai po no lassai scassai su bestiàmini a su lori ◊ s'àcua est acanta de scassai de sa cora! 2. arruit a cropu e si scassat su pei.

scapàda , nf: iscapada* Definizione su scapai Sinonimi e contrari scapadura / andhada, comintzu, lómpida / iscuta Modi di dire csn: fai una s. a unu logu = un'andhada lestra, un'acostada; fai una cosa a scapadas = a iscutas, in tantas bias; s. de arcu, de cani de scupeta = iscatu Frasi is cuadhus curridoris no si bint a sa scapada ma a sa torrada 2. donamí su poderi de cambiai po una scapada Traduzioni Francese saut, apparition Inglese flying visit Spagnolo escapada Italiano capatina Tedesco kurzer Besuch, Stippvisite.