A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

scapadóriu , nm Definizione genia de arreghèscia o de manígiu po s'iscabbúllere de ccn. cosa Sinonimi e contrari inghénia, iscampadorju Traduzioni Francese subterfuge Inglese subterfuge Spagnolo escapatoria Italiano sotterfùgio Tedesco Ausrede, Kniff.

scapadórzu, scapadróxu , nm: iscapadorju* Definizione logu inue s'iscapat o si lassat andhare mescamente un'animale a pàschere, logu o propiedade a ue essire po fàere faina Sinonimi e contrari essida, imbrocadorzu Frasi andant a biri s'arringu e si firmant totus in su scapadroxu, acanta de is cuadhus curridoris.

scapadúra , nf Sinonimi e contrari scapada Etimo srd.

scapài , vrb: iscapae* Definizione lassare andhare (fintzes bogare de presone), bogare sa fune a un'animale, lassare orrúere o lassare istare cosa poderada in manos; nau de su pipiu, camminare a solu; cumenciare, imbucare a fàere; nau de linna, isparare; bogare de cabu, firmare de fàere sa faina a fine de giorronada; nau de linnas, isparare, bogare linna noa Sinonimi e contrari ammollai, cèdere, imbrocare, imbucare, irfunare | ctr. aferrai, muntènnere, prèndhere, sessare Modi di dire csn: s. a pei = comintzare a andhare solu; s. a prangi, a bolai = imbucare a prànghere, pesàresi a bolu; s. búdhidu = pesare su bullu; s. sa passiéntzia = pèrdere sa passiéntzia; s. unu fuedhu = faedhare, nàrrere; s. fragu = lassare andhare fragu Frasi ant scapau sa columba de sa paxi ◊ su cuadhu at ghetau unus cantu cràncius e scapau at a curri! 2. bah, scapau fuedhu at! ◊ toca ca badhaus, scapanci su sonu: faisí una "fiuda e bagadia"! ◊ immoi est giai dus annus chi no scapant àcua is àiris ◊ su pipiu no at ancora scapau 3. oi scapaus a is cincu ◊ candu femu braberi, sa genti fut scapendi de crésia po sa missa de mesunoti, a Pasca e Paschixedha, e dèu scapendi de trabballai.

scaparàtu , nm Definizione ispécia de níciu piticu po pònnere un'istàtua comente si usat in is domos, po su prus cun s'imbidru ananti a serru / s. de relógiu = zenia de nitzu a pònnere su rellozu subra de unu traste; péndula a scaparatu = péndhula chi si ponet subra de unu móbbile Etimo spn. escaparate.

scaparròni scabarròne

scaparrósu , nm Definizione muschitu chi in logos úmidos est in s'ària a nues e apretat a sa essia de su sole (est bobboedhu chi pítziat, ifadosu) Sinonimi e contrari coarbedhu, muscedra, muschina, muschita.

scapavúmu , nm Sinonimi e contrari bufietu, fungubísinu Terminologia scientifica atn, Lycoperdon bovista Etimo srd.

scapedhài , vrb: iscabidhare* Definizione pigare su bonete de conca Sinonimi e contrari illiare | ctr. incapedhai.

scapiadùra , nf Definizione su scapiai, su èssere iscapiau Sinonimi e contrari isorbidura, isprendhidura | ctr. annodadura, prendhidura Etimo srd. Traduzioni Francese déliement Inglese untying Spagnolo desatamiento Italiano slegaménto Tedesco Losmachen, Losgebundensein.

scapiài, scapiàri , vrb: iscapiae* Definizione isconciare un’acàpiu, nodu de lióngiu o de àteru serbiu po poderare cosa impare Sinonimi e contrari illiare, isòlbere, isprèndhere | ctr. acapiae, prèndhere.

scàpitu , nm Definizione cosa chi dispraxet, chi andhat male, dannu / si po scàpitu… = si, Deus no bògiat, capitat chi… Sinonimi e contrari arrori, dannu, isdrobbu Frasi dus fiant po si pigai apari, ma s'istariàrgia, timendi calincunu scàpitu, si est posta in mesu Traduzioni Francese inconvénient Inglese inconvenience Spagnolo inconveniente Italiano inconveniènte Tedesco Unannehmlichkeit.

scapolàriu , nm: iscapolàriu*, scapulàriu, scrapolàriu Definizione cosa beneita de pònnere in pitzu, fintzes àbbidu de calecunu santu a bisura de para Sinonimi e contrari breve, foltilesa, lezeta Frasi po sanai dhi apu postu unu scapolàriu forti forti ◊ cussu portàt sempri unu scrapolàriu prenu coment'e unu cruguxoni.

scàpu , agt: iscapu* Definizione chi no est acapiau Sinonimi e contrari isoltu, ispresu | ctr. acapiau, presu, tentu Modi di dire csn: èssiri manu scapa = de bonugoro; portai dinai s. = in minudos Frasi disígiu de andai scapu tengas!

scapuciài , vrb Definizione bogare o trantzire su cugudhu de conca.

scapulàriu scapolàriu

scapúrru , agt Definizione chi at pérdiu su cumpàngiu, chi est a solu (nau pruschetotu de animales) Sinonimi e contrari iscadàmbiu, iscadàpiu, iscumpagnadu, scambillau / cdh. scàpiu.

scaràda , nf: iscarada*, scarara Definizione genia de cuntratu po fàere unu trebballu a prétziu firmu; genia de trebballu chi si faet in pischera (si càmbiant noas totu is cannitzadas o prantas) Modi di dire csn: pigai o donai faina, comparai, bèndiri a s.; fuedhai a s. = faedhare chentza rispetu, chentza birgonza; a s. = (puru) unu ifatu de s'àteru, a meda, a cótimu, a trivas Frasi no ti mortificas pighendi scaradas, pagus giorronadas fais a su mesi ◊ messànt a scarada, po si fai onori ◊ dhoi at genti istenteriada chi est a scarada fendi tontesas ◊ anguidha a scarada!… a scarada anguidha bella!… 2. de sa classi mia ndi tengu unu cun su bràciu bogau, unu cun su brúciu segau, una cun sa manu pista… a scarada! 3. e it'est cussa scarara de "gruppi folk"?! Traduzioni Francese travail à la pièce (aux pièces) Inglese job contract Spagnolo destajo Italiano còttimo Tedesco Akkord, Akkordarbeit.

scaradéri , agt, nm Definizione chi o chie treballat a iscarada, fatu e a bidha Frasi su meri bolliat màniga arrullada, de su scaraderi e de su serbidori, messendi ◊ su scaraderi leat pro paga su tantu de su sèmene de su trigu chi ndhe messat Etimo srd. Traduzioni Francese ouvrier travaillant à la pièce Inglese jobber Spagnolo destajista Italiano cottimista Tedesco Akkordarbeiter.

scarafaciàri , vrb Definizione cambiare colore, fàere in cara mala, indebbilitare Sinonimi e contrari incerai, irgrisire, isarbolire, istramudire Frasi a Bori sa callentura dh'at scarafaciau meda (G.Mura)◊ cussa si est scarafaciada po curpa de su frori de sa fà.