A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

scannítu , nm Definitzione iscannu piticu, banchitedhu.

scanníu , pps, agt: schinniu Definitzione de scanniri; chi no sonat bene o chi faet sonu légiu (sonu coment'e de cosa segada); nau de un'istrégiu, chi giughet isperradura, tzacadura fine fine; nau de unu, chi est malandhau / portai sa boxi scannia = unu pagu serragada (ma si narat èssi sarragau) Sinònimos e contràrios afilau, cannidu, chinnidu / arroghidu, iscannidu, serragadu / tunconidu 2. no ti acatas chi ses totu schinniu, bragheri?! ◊ sa téula scannia ◊ est físchidu che una damigiana scannia 3. portat sa boxi scannia Tradutziones Frantzesu fêlé Ingresu cracked Ispagnolu hueco, retumbante, agrietado Italianu incrinato, fésso Tedescu gesprungen, rissig, dumpf, dumm.

scànnu , nm: iscannu*, scrannu Definitzione genia de trastu po cicire, fatu cun duos peis e una taulita punciada in pitzu, o fintzes a pígios de ortigu postos de ladu subràbari punciaos, bàsciu e sèmpere chentza palas (ma podet èssere fintzes una cadira pitica, prus bàscia de sa cadira 'bona')/ su s. de su parapimpu = cradea o banchitu malegontzu, malu Sinònimos e contràrios banchitu, mesichedha, scannúciu Frases dogna scannu de ispinas siat istérriu po chi is deputaus no dhoi fatzant pinnigas! (F.Locci)◊ tèngiu unu bellu scannu de ollastu po mi sèi: cussu gei no si nci acovecat! ◊ ajaja mi fait sètzi in su scannu ◊ Ambrosu, piga scannu e setzidí! Tradutziones Frantzesu tabouret Ingresu stool Ispagnolu taburete Italianu sgabèllo Tedescu Hocker.

scannúciu , nm Definitzione iscannu piticu, trastu po cicire Sinònimos e contràrios banchitu, iscannu, sedhúciu.

scannugài , vrb Definitzione pigare sa lana o s'istupa de sa cannuga; bogare de pare; bodhire cosa a cannuga Sinònimos e contràrios isconsiminzare 3. seu crastendu sa figumorisca chi apu scannugau in sa cresura Ètimu srd.

scannugaméntu , nm Definitzione su scannugai Ètimu srd.

scansía , nf: iscansia* Definitzione stanti, móbbile a pianos po pònnere libbros, meighinas, bonu, fatu de lussu.

scansiòni , nf Definitzione mesuramentu de versos; genia de anàlisi Tradutziones Frantzesu scansion Ingresu scansion, articulation Ispagnolu escansión, barrido Italianu scansióne Tedescu Skansion.

scantergiàda , nf: iscantarzada*, scantraxada, scantrexada, scrantaxada, scrantexada, screntexada Definitzione ciafu, cropu giau a is trempas, a cantrexu, cun sa manu aperta Sinònimos e contràrios bofetada, bussinada, irbirroncu, iscantulada, iscaputzone, istuturada, smantulada, sporsugada / cdh. scantigiata Frases geadidhi una scantraxada, sa maista! ◊ femu làngia che obbilu: cun d-una scrantaxada m'indullemu che filu Tradutziones Frantzesu gifle Ingresu slap Ispagnolu bofetada Italianu schiaffo Tedescu Ohrfeige.

scantergiài , vrb: iscanterjare*, scantrexai Definitzione pigare a iscantarzadas, iscúdere a ciafos; foedhare coment'e rimproverandho cosa a s'àteru, a briga Sinònimos e contràrios abbofetai, ciafitare, ilciafitare, irbirroncare, iscarigai, istuturronare.

scantonài , vrb: iscantonare*, scontonai Definitzione foedhandho, su che essire in machines, nàrrere disatinos, cosas chi própriu no andhant bene; essire de istrada Sinònimos e contràrios iscantarare.

scantraxàda, scantrexàda scantergiàda

scantrexài scantergiài

scantriài , vrb: iscantare* Frases arratza de dispraxeri, tanti gei si est scantriendi a terra de su prantu!…

scantulàda , nf: iscantulada* Definitzione cropu a cara giau a manu aperta Sinònimos e contràrios bussinada, ciafu, iscantargiara, iscavanada, istuturada, mantuada, sporsugada Frases sa bonànima m'iat donau una scantulada po dh'èssi pediu poita sa craba cun su crabu…

scàntus , agt, prn pl: iscantus* Definitzione unus cantu, unas cantu, unu tanti, ma pagu e pagu precisu coment'e númeru (a/c. no càmbiat de mascu a fémina) Sinònimos e contràrios cantu 3 Frases s'abbadessa e scantus àteras mòngias iant tentu grandu prexu.

scantusciài , vrb: iscatuciare*, scartuciari, scatusciai Definitzione papare cun allurpimentu, cun asuria Sinònimos e contràrios acamufai, atafiai, iscatasciai, mangiufai, scataxai Frases candu mi ndi seu iscidada, in sa mesa no dhoi fiat prus nudha: totu scantusciau! (A.Garau)◊ ndi scartúciant de erba, is conillus, in pag'ora!…

scantzadórgiu , nm: iscansadórgiu* Sinònimos e contràrios cassiadorju.

scantzài , vrb: iscansare*, scassai Definitzione cambiare filada o camminu, trantzire, fàere andhare a un'àtera bandha, intrare a unu logu in passada, passandho; bogare de s'incàsciu (nau de arremu o àteru) Sinònimos e contràrios cansai 1, ilmanchinare, irvertzare, stressiai / innoigare, irbesciai, isgioghedhare, scadrogai, sciadhie Frases si scassat s'àcua de un'arriu po dha portai a un'ortu ◊ su pastori depit billai po no lassai scassai su bestiàmini a su lori ◊ s'àcua est acanta de scassai de sa cora! 2. arruit a cropu e si scassat su pei.

scapàda , nf: iscapada* Definitzione su scapai Sinònimos e contràrios scapadura / andhada, comintzu, lómpida / iscuta Maneras de nàrrere csn: fai una s. a unu logu = un'andhada lestra, un'acostada; fai una cosa a scapadas = a iscutas, in tantas bias; s. de arcu, de cani de scupeta = iscatu Frases is cuadhus curridoris no si bint a sa scapada ma a sa torrada 2. donamí su poderi de cambiai po una scapada Tradutziones Frantzesu saut, apparition Ingresu flying visit Ispagnolu escapada Italianu capatina Tedescu kurzer Besuch, Stippvisite.