A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

scampirràda , nf Definitzione passigiada a campu, die passada in su sartu po istràviu Sinònimos e contràrios campanniata, iscampagnada Ètimu srd.

scampirrài , vrb Definitzione fàere una passigiada, una essia a su sartu, passare die in su sartu po istràviu, po ispàssiu.

scampirrótu , nm Sinònimos e contràrios scampirru.

scampírru , nm: iscampirru* Definitzione tunina pitica chi no pesat chentu líbberas Sinònimos e contràrios scampirrotu.

scàmpiu , nm, agt: iscàmpidu* Definitzione su scampiai / logu s. = logu campu Sinònimos e contràrios scampiamentu 2. currit in logu scàmpiu, in cràchiri e in sa stua.

scampúdhu , nm Sinònimos e contràrios arrestu, iscampudhitu, resídiu, sobra.

scampugiài , vrb Definitzione iscabbúllere, arrennèscere a evitare unu dannu, una dificurtade, calecuna cosa chi no si iat a bòllere Sinònimos e contràrios ifrancare, iscabbúllere, scampai.

scanài , vrb Definitzione nau de su cane, candho paret isalidendhe assupandho a limba fora Sinònimos e contràrios acaogare Ètimu srd. Tradutziones Frantzesu haleter Ingresu to pant Ispagnolu jadeante Italianu trafelare Tedescu keuchen.

scanaladúra , nf: iscanaladura* Sinònimos e contràrios scanalamentu.

scanalài , vrb: iscanalai* Definitzione fàere a canale, tuvudu, coment'e a surcu segandhondhe su materiale Sinònimos e contràrios canalai.

scanalaméntu , nm Sinònimos e contràrios iscanaladura Ètimu srd.

scancamurrài , vrb: iscancamurrare Definitzione bogare in fàula o in falsu a unu o una cosa; nàrrere cosa a unu coment'e a briga Sinònimos e contràrios sminciri / irmurrare.

scancarài , vrb: iscancarai* Definitzione mòvere o iscravare is càncaros a un'apertura, bogare de is grofales, bogare de pare Sinònimos e contràrios iscancaritare, isconsiminzare 2. ca gei no si scàncarant po s'agiudai! ◊ tanti gei si seis scancaraus cun is ofertas, mancai apat fatu annada bella!…

scancaràu , agt, pps: iscancaradu Definitzione de scancarai; chi est fora de is càncaros o grofales, iscravau, bogau de pare, malegontzu Sinònimos e contràrios iscossiminzadu, istracassau, scarrabeciau, scarrugau / cdh. scancaratu Frases in Castedhu dhoi at staris sbisurius, cun is murus mesu scancaraus.

scancellài , vrb: irgantzellare* Sinònimos e contràrios burrai, ingancellare, sborrai Frases fatzant in lestresa de si scancellai!

scanceriài , vrb: schinceriai Definitzione pigare s'àteru a milindros, cun delicadesa meda a manera de no dhu dispràxere; fàere su schenceriosu; fintzes ammodhigare su coro, mòvere is sentidos Sinònimos e contràrios addengae, fiacare, imbimbinare, imbrambuai Frases prus che po dhu scanceriai, dh'iant nomau Pepinedhu ca Pepinu dhis pariat tropu… 3. scedadedhu, mi scancériat puru! Ètimu srd.

scanceriàu , pps, agt: schenceriau Definitzione de scanceriai / passu s. = seguru, lestru, bragheri Sinònimos e contràrios dengau, dengosu, dirredhu, minghenghi, scanceriosu, strunciosu 2. mi parit unu pagu scanceriau: chi po dónnia cosa si disisperaus ge iat a èssiri cosa bona!…◊ marxani a passu scanceriau fut passillendi in sa cussorxa.

scanceriósu , agt: iscanceriosu, schenceriosu, schinceriosu Sinònimos e contràrios dengheri, dengosu, melindrosu, minghenghi, mirringhengu, scanceriau, schincedhosu / mendhecosu Frases si ndi benit a domu a iscrucullai, si acostat schenceriosa a s'acajolu e bufat a intullu ◊ a nàrriri diddinu est prus scanceriosu de nàrriri nonnu 2. mairu miu est scanceriosu: pani matzosu no ndi papat! ◊ sa pipia dh'intendu scanceriosa, no est prangendi ma si chèsciat: si depit intendi mali Ètimu srd. Tradutziones Frantzesu minaudier, timide Ingresu mawkish, reluctant Ispagnolu dengoso, melindroso, huraño Italianu smanceróso, smorfióso, ritróso Tedescu geziert, zimperlich, spröde.

scancériu , nm: iscancériu, schencériu, schincériu Definitzione tocamentu lébiu fatu cun sa manu a unu coment'e singiale de istima, po milindru Sinònimos e contràrios denga, dengheria, imbímbinu, imbràmbulu, isamànchiu, melindru, pacia, schinceria / carigna Frases dh'at donau sa manu cun grandu scancériu po dhu saludai ◊ sa mama dhi at fatu scancérius a su pipiu po dh'apaxiari ◊ dh'ant postu Sarbadori ma pesau cun su schencériu de Bobbòi Ètimu srd. Tradutziones Frantzesu minauderie Ingresu mawkishness Ispagnolu dengue, remilgo Italianu smancerìa, leziosàggine Tedescu Ziererei, Geziertheit.

scanciài, scanciàri , vrb: irgantzare*, sganciai Definitzione bogare de su gànciu, bogare su gànciu (nau de bestimentu), pigare de su gànciu (cosa apicada) Sinònimos e contràrios ibbutonare, ispicai / iscrobare | ctr. apicai / ingrauciare Frases scanciadí sa camisa, si tenis basca!