A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

trechetàre trachetàre

trechétu trechéssu

tréchi , agt, nm: treghi, tregi, tréichi, tréighi, tréige, tréigi, tréixi, trexi Definizione deghe e tres (in números àrabbos 13, in números romanos XIII) Frasi si ndi depiat pesai a mengianu chitzi, pigai sa bicicleta e pedalai conca a miniera, tréixi chilòmetrus a s'andada e tréixi a sa torrada ◊ su sartu de vidha est de treghi miza ètaros ◊ su tréighi de santuaine si fut mortu su babbu Etimo ltn. tredecim Traduzioni Francese treize Inglese thirteen Spagnolo trece Italiano trédici Tedesco dreizehn.

trechínzu , nm: trichíngiu, trichinzu, trighignu, trighinzu Definizione nau de bidha, bidhighedha, bidha pitica, medau de una pariga de domos o fintzes bighinau; chedha de animales / Sos Trighinzos = sa leada de Ispollatu, Su Burgu e Bótidha in Sa Costera Sinonimi e contrari bichinadu, bidhichedha, bidhiciolu, bidrinzu, furriadolzu, leada, madau / arbutzu, assorte, cedha, fiotu, grústiu, tropedhu Frasi canno fut biu babbai, Désulu fut divisu in tres trighignos 2. tenet unu trighinzu de erveghes Etimo ltn. tricinius Traduzioni Francese quartier, petit troupeau Inglese neighbourhood, little herd Spagnolo barrio, rebaño pequeño Italiano rióne, pìccolo grégge Tedesco Statdviertel, kleine Herde.

trecòre , nm Definizione unu betzone mannu, béciu cadrudhu Sinonimi e contrari cadrodhu.

trecuatròto , nm Definizione tre e quattro otto = contu tropu impressidu / fàghere in t. = impresse meda, tropu impresse Frasi tue misuras totu, paza e ranu, fatendhe contos in trecuatroto (Sassu).

tredicésima , nf Definizione genia de mensile chi, bogau de sa paga de su mese totu s'annu, si pagat in nadale a trebballadores dipendhentes.

trediciàu , agt: deldiciadu* Definizione chi o chie at tentu o tenet mala fortuna, dannos mannos o chi dónnia cosa dhi andhat male; chi portat disdícia, isfortuna Sinonimi e contrari digrassiau Frasi tantu tempus ci no as cufessau, ladrone malaitu, trediciau.

tregèa tragèa

tregèntos, tregèntus, treghèntos trecèntos

treghentósu , agt Definizione chi faet treghentu, chi faet a tímere meda Sinonimi e contrari arrorosu, iscaramentosu, ispreosu, istremorosu, terrorosu Frasi fit una taràntula treghentosa manna cantu unu crabu Etimo srd.

treghéntu , nm: atraghentu*, trigantu Definizione arrumóriu, carraxu, avolotu mannu de boghes, tzérrios e sonos; fintzes timoria manna meda / fàghere a trigantu = a birgonza Sinonimi e contrari abbolotu, biuldu, carralzu, chimentu, tremutu / apantàviu, spreu Frasi s'intendhet su treghentu de sas feras, de su riu, de su fogarone ◊ si poniat a boghes e a trigantos fatendhe trinnigare totu sos chi si bi acataiant ◊ los at intesos arrexonendhe a boghes, a trigantos e a iscacàglios 2. su brigantinu ti at fatu a trigantu 3. totindunu abe, musca e tíntula est bénnida gasi malarrimada e isfidiada semenendhe morte e treghentu.

trèghere , vrb Definizione suspire abba, isciustura a istràciu o cun orrobba / pps. tretu Sinonimi e contrari brobbire, frobbire, istrègere Frasi treghe sos pratos! ◊ carchi vorta su papassinu ndhe li rughiat, a sa pitzinna, e mannai ndhe liu cogliat, liu treghiat chin sa fardeta e liu torravat a dare Etimo ltn. tergere.

treghetàda trechetàda

treghetàre trachetàre

tréghi tréchi

treghidórzu , nm Definizione istràciu a frobbire Sinonimi e contrari frobbidorzu, orbidórgiu Etimo srd. Traduzioni Francese torchon, chiffon Inglese duster Spagnolo bayeta, paño Italiano strofinàccio Tedesco Lappen.

trégi tréchi

trégiu , nm Definizione genia de cobedina fraigada a muru Sinonimi e contrari tina Etimo tbr. tröggiu.

trèglia , nf Definizione logu malu, trotu meda Sinonimi e contrari iscafada, ischerbicadorju, iscolladorju, scabiossu Terminologia scientifica slg Traduzioni Francese lieu escarpé Inglese steep place Spagnolo pendiente, escarpa Italiano luògo scoscéso Tedesco Absturz.