A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

tapissài, tapissàre tapessài

tapisséri tapesséri

tapissería tapessería

tapíssu , nm Definizione pannu grussu a figuras, a disegnos, po ammontare sa mesa, istèrrere in su pomentu, pònnere is peis Sinonimi e contrari tapete Terminologia scientifica ts Etimo ctl., spn. tapís, tapiz.

tapíu , pps, agt Definizione de tapire; chi est bene istrintu, cracu Sinonimi e contrari calcu, fitu, intipidu, tipiu.

tàpiu , nm Definizione muru de terra impastada / t. a crosta = rebbussau, ischedrau, intunigadu in russu (nau de unu, ignorante, tontu, grusseri) Etimo srd.

tapixédhu , nm Definizione tapu piticu.

tàpu , nm Definizione orrugu de ortigu (o fintzes de àteru materiale) longhitu e tundhu e prus istrintu o fine a una parte, de intrare sidhiu in su tzugu de ampudhas o àteros istrègios deasi, ma fintzes css. cosa chi si ponet a tupare un'istampu, po no lassare o chi no lasset passare cosa; nau in cobertantza, fàula / min. tapixedhu / t. a corona = cafiolu, zenia de tapu de liàuna, cun sos oros a prigas pagu pagu dórchidos, de sighire a dòrchere a manera de si aggantzare afissu a sa buca de s'ampulla a parte de fora Sinonimi e contrari tupone Modi di dire csn: su t. de su chervedhu = sedha de cúcuru; su t. de su buconi = itl. opèrcolo; circai is tapus apustis pérdidus is cuponis = chircare rimédiu candho su dannu est fatu, in debbadas Frasi sa tambulana pro fàghere s'abbardente si tupat cun su tapu a sízigu ◊ apenas chi su tapu che l'illasco che cazosa lu faghet a bolare ◊ donamí unu tapu de ortigu po sa carrada! ◊ a santu Simoni su tapu dhi poni! (a su binu nou, ca at acabbau de budhiri) 2. no ti ponzas a tapu, ca inoghe depimus colare! ◊ ita, circas is tapus apustis chi as pérdiru is cuponis, eh?! ◊ si passat sa vida mali afrontendi totu is tapus e isperendi in sa fortuna! Traduzioni Francese bouchon Inglese stopper Spagnolo tapón Italiano tappo, turàcciolo Tedesco Pfropfen.

tapulàda , nf Definizione su tzapulare; fintzes arrangiada, arràngiu a sa salude Sinonimi e contrari arragnada, mediada, tapulamentu 2. in s'ispidale li ant dadu una tapulada, isperendhe chi nessi no peoret! Etimo srd.

tapulàdu , pps, agt Definizione de tapulare; chi est aconciau cun calecunu tzàpulu Modi di dire csn: cari tapulada = fémina príngia chi dhi at essiu màncias in faci: nadu de ómine, chi zughet su "lupus eritematoso" (taca, mància, zenia de maladia); cane tapuladu = chi est a magras de àteru colore Traduzioni Francese rapiécé Inglese patched Spagnolo remendado Italiano rattoppato Tedesco geflickt.

tapulàgiu , nm: tzapulaju Definizione chie arregollet tzàpulos o orrobba bècia Etimo srd.

tapulaméntu , nm Sinonimi e contrari arragnada, mediada, tapulada Etimo srd.

tapulàmine , nm: tzapulàmene Definizione crantos de orrobba, totu su prus bonos po tzàpulu Sinonimi e contrari istratzia 1, tzapuimi Etimo srd.

tapulàre , vrb: aciapuai, tzapulare Definizione betare o cosire tzàpulos a unu bestimentu Sinonimi e contrari cosinzare, sartzire, tapuledhare, trabungare | ctr. irtapulare Frasi nois sas féminas bi amus de tapulare sas bestes ◊ Frantzischedha est in domo tapulendhe sa sacheta ◊ como no ndhe cherent mancu s'intesa de robba tapulada: finidu unu trastu si ndhe còmporant un'àteru Etimo srd. Traduzioni Francese rapiécer Inglese to patch Spagnolo remendar, zurcir Italiano rattoppare Tedesco flicken.

tapulàrju , agt, nm Definizione chi o chie cosit tzàpulos, ponet tzàpulos Etimo srd.

tapuledhàre , vrb Sinonimi e contrari tapulare Etimo srd.

tapulónzu , nm: aciapulognu Definizione acónciu chi si faet a unu trastu in tretu iscorriau o consumau cosindhodhoe unu tzàpulu Sinonimi e contrari aconciadura, apipadura, apuntada 1, arganzu, impipu, sartzidura Frasi a bi ndhe cheret de tapulonzu pro acontzare cussos pantalones totu manigados!…◊ custu tapulonzu no est fatu bene Etimo srd. Traduzioni Francese reprise Inglese mend Spagnolo remiendo Italiano rammèndo Tedesco Stopfen.

tàpulu , nm: [su tàpulu = nr. sutàpulu] ciapu, sàpuli, tzapu 1 Definizione orrugu de orrobba, pruschetotu orrugu chi si cosit a unu bestimentu o àteru po aconciare un'iscórriu, unu tretu ispaciau; ischedradura chi si faet in is muros in tretu chi sa bècia nd'est orruta o est orruendhondhe Sinonimi e contrari istràciu, puntórgiu 1, tzapulina / aconciadura, arràngiu Modi di dire csn: betare unu tàpulu = ghetai o cosiri unu tzàpulu, rebbucai; tàpulu de trovozu = bàlliu, tretu de trivozi; tàpulu de nie = tàpile, froca Frasi no teniat unu sodhu a comporare unu tàpulu ◊ donaisidha una pipia de tzapu! ◊ su tzàpulu est peus de s'iscórriu ◊ portàt me in bratzus una pipia de canna totu bestia de tzapuedhus, anninniendidha 2. in su tretu chi che andhat s'intúnigu, in su muru, cheret rasigadu e betadu unu tàpulu 3. dongu una passaredha de tzàpulu a sa scala, aici abarrat su logu límpiu 4. niat a largos tàpulos (A.Casula) Traduzioni Francese rapiècement Inglese patch Spagnolo parche Italiano rattòppo Tedesco Flicken.

tàpulu 1 tàpile

tàra , nf Definizione sa parte chi si ndhe bogat de unu contu, pruscatotu de su pesu, po fàere a netu.