A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

tartàdhu , nm: tratadhu Definizione muga meda, brutore a pígiu, a crosta Sinonimi e contrari brutore, cadràngia, cadhossímini, caldíngiu, muga, sudre Frasi bae chi ti nche irménticant sos achicos de mama… as a issire prenu de tratadhu si cojubas chin cussa! ◊ su fracu de sa feche si misturabbat chin su fracu de su tratadhu ◊ sa franella no si cumprendhiat de ite colore fit de su tratadhu chi zuchiat Etimo ltn. tartarum Traduzioni Francese saleté Inglese filth Spagnolo suciedad, mugre Italiano sudiciume Tedesco Schmutz.

tartalía , nf, nm: tataliu, tatalliu, tratabia, tratalia, trataliu, tratalliu, trotobie, trotoia Definizione sa frisciura (de pegus piticu, mescamente de angione) imbodhigada in sa napa, cun s'istentina e fata a orrostu Sinonimi e contrari fressura, revea, tatareu Frasi femu fúrria fúrria coment'e una tratalia posta a araxi a fogu ◊ si che at mandhigadu totu su tratalliu ◊ tratalios, cordedhas e boltados fint in bancas in terra aparitzadas ◊ fit aprontendhe su tatalliu de duos anzones chi aiat mortu Terminologia scientifica mng Etimo itl. frattaglie Traduzioni Francese fressure à la broche Inglese pluck roasted on the spit Spagnolo asaduras asadas en el espetón Italiano coratèlla còtta allo spièdo Tedesco am Spieß gebratene Geschlinge.

tartaliàre , vrb Definizione istròchere, pigare a befa Sinonimi e contrari istòlchere, istrocare, istrochire.

tartanèdha , nf Definizione genia de arretza po piscare.

tartànza , nf: tratanza Definizione genia de acapióngiu, fune fata cun giuncu o fintzes pertighedhas lentas, cannàiles, po acapiare cosa a sa bona Sinonimi e contrari tanza Frasi picat franzas de chessa, las ispacat e fachet tratanzas pro cosire furticu a moju ◊ lea tratanzas a prèndhere sas faschinas!

tartanzéri , nm Definizione cudhu chi faet tartanzas Etimo srd.

tartànzu , nm Definizione chie portat filedhos, trassas, imbodhiosu, chie, nau in cobertantza, acàpiat s'àteru cun tartanzas Sinonimi e contrari imbodhicheri, imbusteri, inganneri Etimo srd.

tartúfu , nm Definizione genia de codrolinu pretziau meda chi faet asuta de terra in is arraighinas de unas cantu matas (es. crecu) Terminologia scientifica ant, Tuber melanosporum, T. magnatum.

tàrtza , nf Definizione píbera de abba, genia de coloru pitichedhu chi in istade faet abbitu meda a mesu de s'abba po cassare arranedhas, pische o àteru a papare Sinonimi e contrari idru, lircis, lurtzi Terminologia scientifica anra, natrix maura Etimo srdn. Traduzioni Francese couleuvre à collier Inglese grass snake Spagnolo culebra viperina Italiano bìscia viperina Tedesco Natter.

tàrula , nf Definizione tíngia, bobboitedhu chi punghet e si papat s'orrobba, pruschetotu sa lana; sa farrighedha chi faet sa tíngia in sa linna papandhosidha / t. de chessa = chessa sica maghinada a finedhedhu, a brúere, de pònnere in sa pedhe de sa criadura pro no l'agghejare sa bestimenta Sinonimi e contrari arna, àrrala, arrentza, càmula 1, carignàtula, lanasta, papagalledhu, tanzolu / farrúcia, popoine Frasi s'intendhet su màstiga màstiga de sa tàrula in s'armàriu ◊ s'ammentu de sas caras famílias lesit a nos apretare che tàrula Terminologia scientifica crp.

tarulàre taralàre

tàsa tàja

tasàda , nf Sinonimi e contrari acirrada, bucada, ingullida, intullada, ticada, tumata 1 Frasi mi fato una tasada de abba dai su frascu Etimo srd.

tàsaru , nm: tàsiru, tàsua, tàsulu, tàsuru Definizione tres linnas diferentes narant cun custu númene: a) linna arrúbia o longufresu, una genia de linna toscosa, tostada meda, bona po òpera e fintzes po meighina; b) lau mascu, genia de matighedha chi faet una birilledha bona a meighina, linna groga iscurosa, bona po òpera; c) àtera genia de matighedha a linna modhe, frutighedhu toscosu bonu fintzes po meighina / su mali de su t. = tirisia Sinonimi e contrari eni, longhivresu / arradellu, àsuma, labruareste, larumàsciu, linnaniedha 1, sàsima / bolàdiga, sambinzu Frasi cun su tàsuru, chi est una mata a croxu de aranada, fait a fai su colori grogu Terminologia scientifica mt, Taxus baccata; mt, Rhamnus alaternus; mt, Euonymus europaeus Traduzioni Francese if, alaterne, fusain Inglese yew (tree), rhamnus, prick-wood Spagnolo tejo, aladierna, evónimo, bonetero Italiano tasso, alatèrno, fusàggine Tedesco Eibe, immergrüner Kreuzdorn, Pfaffenhütchen.

tàsca , nf Definizione genia de istrégiu fatu de pedhe a bisura de sacu, cosiu in costaos: in s'oru de pitzu, in is istampos chi portat, intrat una corria chi istringhendho serrat e acàpiat faendho arresurtare sa parte de pitzu, candho est serrada, prus istrinta de su fundhu; duas tiras de pedhe, una a cada bandha, de su cugigone de su fundhu a s'oru de pitzu, intrant in codhos a manera de pigare sa tasca in palas: si manígiat po pònnere cosa de papare e ingòllere a su sartu: pitica est bella fintzes po borseta de fémina / min. taschita Sinonimi e contrari mocilla, taschedha Frasi o fascículu bellu, ti legia fatu de s'ama candho intro de sa tasca ti giughia (A.Cossu)◊ prenànt bértulas e tascas pro sos teracos ◊ andhat fatu a su masone cun sa tasca a pala ◊ mi ponzo su pane in sa tasca ◊ nci at torrau su sulitu a sa tasca ◊ cun sa pedhi de craba fiant sa tasca, a trassa de zàinu Cognomi e Proverbi smb: Tasca Terminologia scientifica stz Etimo itl. tasca.

tascapàne, tascapàni , nm Sinonimi e contrari sacapane Frasi si ant postu pane e casu in sos tascapanes e andhados si che sunt ◊ portu su fiascu de s'àcua in su tascapani.

tascarésu , agt, nm Definizione chi o chie est imbitzau a castiare in is tascas o àteru istrégiu angenu cricandho cosa de furare, giau a su malu fàere Sinonimi e contrari catanzu, sacajale, trebiali, truntzedheri Frasi pro crupa de cussos tascaresos so abbarrau chene manicare Etimo srd.

taschèdha , nf Definizione sa taschedha, che a sa tasca etotu, est fata cun pedhe de craba, serrada in sa buca cun d-una corria chi passat in is istampos fatos in s'oru (chi candho est acapiau arresurtat a piegas), si bestit in palas cun is codhales (genia de bretellas, corrias o tirellas) chi andhant de is cugigones de su fundhu a s'oru de pitzu / ligare a taschedhinu = a bisura de taschedha (nau de pegus piticu, cun is bàtoro peis acapiaos impare); t. de pastore = genia de erba chi faet sa fògia pitichedha a bisura de taschedha serrada (a triàngulu) Sinonimi e contrari istaca, mocilla, tasca Terminologia scientifica stz Traduzioni Francese musette en cuir Inglese skin haversack Spagnolo mochila de piel Italiano tascapane di pèlle Tedesco Lederwandertasche.

taschedhàju , nm Definizione istregiari, chie si avilit e aprofitat de sa fide chi dhi giaent po furare cricandho povinas in is taschedhas (muncíllia) angenas, e no faet a dhi fidare nudha Sinonimi e contrari bertulaju.

taschedhósu , agt, nm Definizione chi o chie bogat tropu iscusas, arreghèscias, iscóticos Sinonimi e contrari mendhecosu, pibincu, pigeri, spitzecosu Etimo srd.