A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

tastadúra , nf Definizione su tastare Sinonimi e contrari assazadura, atastu, gustamentu Etimo srd.

tastài , vrb: atastare, tastare, testai, testare Definizione provare cun su gustu, pònnere in buca, tocare, provare una cosa po bíere ite o comente est, ite sabore tenet, si andhat bene o àteru Sinonimi e contrari assagiai, gustai, inciuciare, ticare, tocae / proare / aprapudhai Frasi nche at ghirau su mele a dommo a lu fàchere tastare a sa muzere ◊ amus ifustu su pane in su binicotu, a lu tastare ◊ cussa bagna testadha de sali! ◊ de cussa pessa mandamindi ca dha bollu testai ◊ si la pichet una tassa de vinu, nesci a lu testare! 2. tastendi su muru, a su buju, arrennescit a agatai s'interrutori Etimo ctl. tastar Traduzioni Francese goûter Inglese to taste Spagnolo probar, catar Italiano assaggiare Tedesco kosten.

tastaméntu , nm Definizione su tastare Sinonimi e contrari atastu, tastadura Etimo srd.

tastàre tastài

tastàu , pps Definizione de tastare; chi tenet tastu, sabore légiu Sinonimi e contrari assazadu 2. custu est casu tastau a cazu.

tastavédhu , nm Definizione genia de idea mala a bogare de conca, cosa chi si sighit a nàrrere a ifadu Sinonimi e contrari ravinu.

tastèra , nf: testera Definizione sa parte de pitzu o prus in artu, de conca, de una css. cosa; cora latanti, su surcu chi in is terras aradas arregollet s'abba de mesu e dha portat a sa cora maista; parte de su frenu de su cuadhu / sa t. de sa nassa = messalzu Sinonimi e contrari cabiciana Frasi sa testera de su letu Etimo spn. testera Traduzioni Francese chevet, tête Inglese head Spagnolo cabeza, cabecera Italiano testata Tedesco Kopfteil.

tastichédhu , nm Definizione unu pagu de tastu, de sabore légiu.

tastièra , nf Definizione in màchina de iscríere, o de computera, sonetu, òrganu, armóniu e cosas deosi, teclau, órdine o filera de is tastos Sinonimi e contrari teclau.

tastilàu , agt, nm Definizione chi o chie arriscat a si pònnere in perígulu, aconcaditu Sinonimi e contrari arriscadu, atreviu.

tastíu , agt Definizione chi dhi andhat tastu, sabore légiu, nau de is cosas de papare Sinonimi e contrari tastosu Etimo srd.

tastóniu , nm Sinonimi e contrari testainu, testúghine* Frasi mi paris unu tastóniu, addasiau!

tastósu , agt Definizione chi dhi andhat o tenet calecunu tastu, chi at pérdiu su sabore suo bonu e ndhe at pigau unu légiu Sinonimi e contrari asseadu, contomosu, cosconosu, istantissu, istantufu, tastiu, tosconosu, tufosu Frasi custu binu est trullu e tastosu Etimo srd. Traduzioni Francese rance Inglese rancid Spagnolo rancio Italiano ràncido Tedesco ranzig.

tàstu tàltu

tàstu 1 , nm Definizione su tastai / connòsciri sa merda a su t. = za bi ndhe cheret pro si abbizare de sa cosa!… Sinonimi e contrari atastu, tastamentu Etimo srd.

tàstu 2 , nm Definizione parte de una màchina de iscríere, de una computera, o àteru (teclau o tastiera) ue funt iscritas is líteras o àteros sinnos (o chi currispondhent a unu valore istabbiliu) e chi si incracant a cropu po lassare su singiale o a dónnia modu fàere s'efetu chi si bolet (es. sonu) Sinonimi e contrari tecla.

tàsua, tàsulu, tàsuru tàsaru

tatà , nm Definizione foedhandho cun is pipios, cropu, iscutulada Sinonimi e contrari totò Frasi si no càglias, mamma ti faghet su tatà!

tàta , nf Definizione mama de late, sa chi giaet sa tita, su late, a unu pipiu angenu: dhue at bidha chi dhu narant po mammai, tzia, títulu de arrispetu a fémina manna, e in calecunu logu po sorre Sinonimi e contrari dida, mamadita, tadaja Frasi mi ant ninniadu tatas cun sinos unfrados dae su late.

tàta 1 , nf Definizione caminare a tatas = a s'imbàtoro, ponendho is benugos e is manos, a pampas, comente faent is pipiedhos chi ancora no camminant a solos Sinonimi e contrari pampada 1, pàmpala, pampa 1, pàmpinu Etimo spn. andar a tatas.