A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

tzòga 1 , nf Definizione istrinta forte a su gúturu cun is manos a unu po dh'allupare Sinonimi e contrari atzavoga, caspa, gangalita, ganghedha, puligada Frasi unu cannau, una soga po sa tzoga a tie! Etimo srd.

tzòge , nf: aciorxa, soge, tzòrgia, tzorxa, tzoxa 1 Sinonimi e contrari antzonca, assogi, tzonca* Frasi su noti s’intendiat isceti su càntidu de sa tzòrgia Terminologia scientifica pzn.

tzògia , nf: atògia, tògia*, tzoza Definizione pigighedhu de cosa, tira de sola Sinonimi e contrari tígia.

tzoíga , nf Definizione genia de prendha de oro, de apicare Frasi cherzo ispilla de conca e de petorra, unu zunchillu de ses ambucodhos, tzoiga manna e butones maduros! (M.Fronteddu) Terminologia scientifica prd.

tzoighédhu , nm Definizione min. de tzou.

tzòla , nf: tola* Definizione cambu de mata; orrugu de linna longhitu, tauledha Sinonimi e contrari bara, stica Cognomi e Proverbi smb: Zola.

tzòllere , nm: tòllere* Definizione arrasigadura de su gúturu, genia de mucu Sinonimi e contrari carràschiu, grúspidu, ispudu, larodhu, salchedha, scupidura.

tzolòche, tzolòco tzelòco

tzolócu , nm: atolocu* Sinonimi e contrari carralzu, isgrígliu, moida Frasi mi nche fipi apresiau chene fàchere tzolocu.

tzoloría tzirolía

tzoloríre , vrb Sinonimi e contrari inceurrare, inseurriri, rampudhire, tidhire, tzeurrire, tzorulare.

tzolòve , nm Definizione pigighedhu fine de nie, ispergiada de froca.

tzòmbaru , nm Definizione calidade de lua Terminologia scientifica rbl, Euphorbia characias Etimo itl. totomaglio.

tzómigu , agt: ciómigu Definizione chi tenet pecu, difetu (mescamente a ogos), istrupiau; fintzes chi est iscassu Sinonimi e contrari enzosu mendhecosu, pecosu / irvàlitu, isente / mancante Frasi chie est tzómigu non si podet mòvere.

tzòmpa , nf Definizione tzitzonedhu, su tretu ingrussau de s'arraighina ingrussau, pruschetotu de unas cantu matas, pagu pagu asuta de terra, a pígiu Sinonimi e contrari cioca 1, cocina, cossighina, cotzigone, mola, soca 1 Frasi depiat andhare a bogare tzompas ◊ sa chessa, s'ozastru, su castanzarzu faghent a tzompa, suta ◊ apo tribbulau tirandhe tzompas e carrendhe chessa Terminologia scientifica rbr Etimo srd. Traduzioni Francese bûche Inglese log Spagnolo cepa Italiano ciòcco Tedesco Baumstumpf.

tzompédhu tzimpédhu

tzomporodhúdu , agt Definizione nau de ccn., chi est mannatzu de carena Sinonimi e contrari acadhionadu, tzúricu Terminologia scientifica zcrn.

tzònca , nf: cionca, sonca, tonca, tzonga, tzunca Definizione tzonchita, genia de pigione chi essit a denote: in Sardigna che abbitat in passera, che faet s'ierru e nidat puru: sa boghe chi faet candho cantat, ispiuncu Sinonimi e contrari antzonca, assogi, intzonca Frasi sa tzonca est intzunchiendi notesta, trista che campana addopiendi ◊ est tristu che sa tzonca ◊ derisero una tzonca si ch'est bolada sola…◊ sa tzunca cantavat ammutos serente a su putzu Cognomi e Proverbi smb: Zonca Terminologia scientifica pzn, otus scops scops Etimo srd. Traduzioni Francese petit duc Inglese horned owl Spagnolo autillo Italiano assiuòlo Tedesco Zwergohreule.

tzònca 1 , nf: sonca 1 Definizione viola, genia de frore Sinonimi e contrari bàilcu, violedha Cognomi e Proverbi smb: Zonca.

tzònca 2 , nf: ciòncia*, tzontza Sinonimi e contrari ciodha, imbreachera, tzuadhina 1 Frasi imbreagone, si pitzigaiat una tzontza donzi sero! ◊ de custu cannonau ndi aprofitu po mi pigai una bella tzonca (G.Tatti) Cognomi e Proverbi smb: Zonca, Zonza.