Ditzionàriu in línia
de sa limba e de sa cultura sarda

afràsciu , nm Definizione genia de pentzamentu, de oriolu coment'e de chie tenet cosa apretosa de fàere o timet calecuna cosa Sinonimi e contrari afródhiu, arraolu, finitzu, furighedha, ischinitzu, pestighinzu, pistu Frasi a si ndhe leat de afràsciu!… Traduzioni Francese hâte, anxieté Inglese anxiety, urgency Spagnolo apremio, ansia Italiano premura, ànsia Tedesco Aufmerksamkeit, Angst.

apinnícu , nm: pinnicu* Definizione idea, pentzamentu po calecuna cosa in su sensu de àere presse, arreolu, coment'e timendho o isperandho Sinonimi e contrari apensamentu, apinioni, arraolu, cimbella, intabatzu, pedine, pennítziu, pestighinzu, presse, spinnicu | ctr. descuidu Frasi sa tardantza tua mi poniat in apinnicu ◊ mi beniat gana de abboghinare pro cussos malos apinnicos Traduzioni Francese préoccupation, hâte Inglese urgency Spagnolo apremio, preocupación Italiano preoccupazióne, premura Tedesco Sorge, Bemühung.

debrèsse, debrèssi , avb: diabressi, drabessi Definizione coitandho, chentza pèrdere tempus Sinonimi e contrari allestru, impresse / cdh. dipressa | ctr. abbellu Frasi si fiat dépiu firmai diabressi, fadiau ca no fiat faina po issu ◊ fetzat debressi! Etimo srd. Traduzioni Francese vite, à la hâte Inglese in a hurry, soon Spagnolo de prisa Italiano in frétta, prèsto Tedesco schnell.

impressàdu , pps, agt Definizione de impressare; chi tenet presse / avb. a s'impressada = impresse Sinonimi e contrari acodiu, allestridu, impressaridu, impressidu / ttrs. imprissadu | ctr. adasiau, immajonadu 2. sigo, timendhe de mi perdire in buturinos caminendhe impressadu ◊ impressados sezis? tratenide! 3. a s'impressada onzi isperànscia ti che ses gitendhe Etimo srd. Traduzioni Francese qui a de la hâte Inglese hurried Spagnolo presuroso, apresurado Italiano frettolóso Tedesco eilig.

impressídu , pps, agt: impressiu Definizione de impressire; chi tenet presse, pigau de sa presse Sinonimi e contrari acodiu, allestridu, apressibbiu, impressadu, impressaridu, impressighinidu, pressarosu, pressosu | ctr. adasiau, immajonadu 2. no podes ispetare unu pagu, no: impressidu meda ses?! ◊ domandadhu aundi est andendi aici impressiu ◊ za fias impressia: ti che ses andhada sentza mi ndhe sapire! ◊ ia iscritu su nòmini tuu in s'arena de un'arriu: sa currenti impressia dh'at isborrau a lestru Traduzioni Francese qui a de la hâte Inglese hurried Spagnolo apresurado Italiano affrettato, frettolóso Tedesco eilig.

isbrígu , nm: isvirgu Definizione capacidade, abbilesa de fàere cosa bene e impresse Sinonimi e contrari disgàgiu, lestesa, spertesa Frasi sos Sardos ant isvirgu fatendhe casu ◊ pintant chin isvirgu e incuru Traduzioni Francese hâte, adresse Inglese urgency, skill Spagnolo destreza Italiano premura, destrézza Tedesco Zuvorkommenheit, Gewandheit.

prèssa 1 , nf, nm: presse, pressi Definizione bisóngiu de acoitare, de no istentare, de no pèrdere tempus, manera de fàere a sa lestra, in paga ora, fintzes pentzamentu, idea o ispédhiu de fàere lestros, de coitare / min. pressixedha, nau mescamente in su sensu de p. manna, meda, tropu Sinonimi e contrari acaloramentu, acoitamentu, coidade / cdh. prissichina, ttrs. imprissamentu Modi di dire csn: leàresi p. = tènnere presse; de pressi, in presse (debressi, impresse), in presses = deretu, coitendhe; èssere impresse = impressidu, tènnere coidadu meda, faghindhe a sa lestra; pònnere p. a unu = apretare, dimandhare de o obbrigàrelu a fàghere lestru, coitendhe, luego; a presse = de innòi a unu pagu, chentza istentare, luegus; pressis pressis = de inoghe a un'iscuta, de inoghe a pagu Frasi tenzo presse de arare ca sinono sa terra si che intostat ◊ aisti presse e ti ndhe ses andhadu ◊ eh, una pressixedha chi tenit!…◊ no ti pighit su pressi! ◊ za no ti bochit sa presse, a tie, irmasionadu! ◊ Pepe, sa presse la deves lassare: no podes sendhe topu andhare a fua! (R.Marras)◊ ti at a bociri sa pressi… paris unu tostoinu trebiu! ◊ dèu no pòngiu pressi ◊ pòneli presse, ca sinono si la leat a lecuancas! ◊ don Moritu puru già podet fàghere piús in pressa! ◊ bae, si tenes presse coladiche! 2. a presse tocat a binnennare ca sa ua est cota ◊ faghe impresse, che si mai ndhe apas fatu! ◊ mancari impresse sia, un'iscuta mi apo a sere Cognomi e Proverbi prb: chini errat po sa pressi si pentit bèni addàsiu Etimo ltn. presse Traduzioni Francese hâte Inglese hurry Spagnolo prisa Italiano frétta Tedesco Eile.

remínu , nm: riminu Definizione genia de ibertu, lestresa, coidau chi si ponet po fàere sa cosa, a bortas fintzes tropu Sinonimi e contrari coidade, coidu, impenza, oloidura, pressi, tarea / furighedha Etimo srd. Traduzioni Francese hâte, sollicitude, zèle Inglese care, engagement Spagnolo prisa, urgencia, cuidado Italiano premura, sollecitùdine, impégno Tedesco Eile, Raschheit, Eifer.

sufúria , nf, nm: sufúrriu Definizione genia de airu, de arrennegu, de presse Sinonimi e contrari arràbbiu, arrennegu / furighedha Frasi prus chin sufúria lu picat e prus chin amore lu lassat Traduzioni Francese fureur, hâte Inglese fury Spagnolo furia, furor Italiano fùria Tedesco Wut.