A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

biaitógnu, biaitónzu , agt Definitzione unu pagu biaitu, asulu Sinònimos e contràrios asulassu Terminologia iscientìfica clr Ètimu srd. Tradutziones Frantzesu bleuâtre Ingresu bluish Ispagnolu azulado Italianu azzurrógnolo Tedescu bläulich.

biaitósu , agt Definitzione nau de sa carre candho at cambiau colore a druchesau po fritu, ma fintzes de àteru (tempus) in su sensu chi ifridat meda e faet essire sa carre druchesada Sinònimos e contràrios biaitógnu, biaitu, lidu Frases at fatu dies de bentu limbaresu biaitosu Ètimu srd.

biaítu , agt: braitu Definitzione genia de colore de aera cotu meda; nau de sa carre, chi est coment'e faendhosi niedha de pistadura o de su fritu Sinònimos e contràrios blau, bleu, bronetinu, druchesau, méschinu, truchesau / lidu Maneras de nàrrere csn: biaitu muradu = biaitu in colore de mura, biaitu meru; pedra biaita = zenia de pedra pro prendhas, fintzas sorfato de ràmine (manizadu pro meighina) Frases miro in altu s'aera biaita ◊ sentidos vagabbundhos che metèoras in s'infinidu camauru biaitu sunt giampanados isetos austidos (C.De Martis)◊ su bene chi retzis lu rúspias in fele biaitu! 2. comente so rutu so totu marcos biaitos ◊ de su fritu zughet fintzas sas manos biaitas ◊ un'istuturrada a càvanos mi at lassadu su marcu biaitu piús de una chida! Terminologia iscientìfica clr Ètimu itl. biadetto Tradutziones Frantzesu bleu, cyanotique Ingresu blue, cyanotic Ispagnolu azul Italianu azzurro, cianòtico Tedescu himmelblau, zyanotisch.

biaitúra , nf Definitzione su colore druchesau chi leat sa carena po mancamentu de ossígenu Ètimu srd. Tradutziones Frantzesu cyanose Ingresu cyanosis Ispagnolu cianosis Italianu cianòsi Tedescu Zyanose.

bialóru , nm Definitzione trastighedhu chi si apicat a su tzugu de su pipiu, pendhendho in petorras, po no s'imbrutare de abbau o papandho Sinònimos e contràrios babarinu, babarola, babera, barbisa, baulera, cabitzola, parabbae.

bialótu , nm: biarotu Definitzione brodighedhu, abbariolu; chistionu iscioloriau; persona bamba, illeriada Sinònimos e contràrios baliodha, bichimmeo, bucalloto, gingiorre, isaliadu, nuscentri, prantamone, tolondro.

biancàciu , agt: biancassu, biancatzu Definitzione genia de biancu, de colore unu pagu biancu, comente est sa prata, s'allumíniu, su zingu Sinònimos e contràrios bianchedhu, bianchitu, bianchixi | ctr. niedhudu Frases su fragu de sa linna si fúrriat a fumu biancatzu Terminologia iscientìfica clr.

biancàle , agt Definitzione chi est in colore bianchixi, unu pagu biancu Sinònimos e contràrios biancàciu, bianchedhu, bianchitu, bianchixi | ctr. niedhudu Frases su pane de fresa lu cheres bene assadu o biancale? ◊ s'istentina de sa corda est biancale Ètimu srd.

biancàssu, biancàtzu biancàciu

bianchèdha , nf Definitzione calidade de àghina bianca Sinònimos e contràrios abrixedha, albarega.

bianchédhu , agt, nm Definitzione coment'e agt, chi est unu pagu biancu; coment'e númene, genia de cosa de frigare in sa carre po bellesa Sinònimos e contràrios biancàciu / bianchitu, bianculinu Sambenados e Provèrbios smb: Biancheddu Terminologia iscientìfica clr.

bianchería , nf Definitzione mudantes, bestimentos de fundhu, prus che àteru de colore biancu Frases ant postu manu de bona muta a sa biancheria, samunendhe Tradutziones Frantzesu linge Ingresu linen Ispagnolu ropa interior Italianu biancherìa Tedescu Weißwaren (Pl.).

bianchèsa , nf Definitzione su èssere biancu de una cosa Sinònimos e contràrios biancore, biancura | ctr. niedhore.

bianchèta , nf: bianchita Definitzione genia de cosa po giare su colore biancu Sinònimos e contràrios biaca Ètimu ctl., spn. blanquet, blanquete Tradutziones Frantzesu céruse, blanc d'argent Ingresu ceruse Ispagnolu albayalde Italianu biacca Tedescu Bleiweiß.

bianchínu , nm Definitzione tzichete, tzicu de cosa forte (es. abbardente), de colore biancu Terminologia iscientìfica bfg.

bianchiória , nf Definitzione su èssere biancu, craru de colore, fintzes in cara mala Sinònimos e contràrios biancura Ètimu srd.

bianchisínu , agt: bianchixinu Definitzione chi est de colore unu pagu biancu, iscoloriu Sinònimos e contràrios biancàciu, bianchixedhu, bianchixi Frases sa manta virde si est fachendhe bianchisina Terminologia iscientìfica clr Ètimu srd.

bianchíta bianchèta

bianchítu, bianchítzu , agt, nm Definitzione chi est de colore unu pagu biancu; una genia de druche biancu nidu fatu cun abru de ou, tzúcuru e méndhula ispigiolada, assada e segada a tirighedhas ammesturada in mesu Sinònimos e contràrios biancàciu / bianchedhu, bianculinu / zarminu Terminologia iscientìfica clr.

bianchixédhu , agt Definitzione chi est unu pagu biancu Sinònimos e contràrios biancàciu, bianchedhu, bianchitu | ctr. niedhudu Terminologia iscientìfica clr.