A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

bassòtu basciòtu

bassòtus , nm pl Definitzione papare fatu de lisòngias o de orrosu Terminologia iscientìfica mng Ètimu itl. bassotto.

bàssu bàsciu, bàsciu 1

bassúra basciúra

bassuriliévu basciuriliévu

bàsta , nf Definitzione pinniga larga in sa camisa de asuta de sa gunnedha / b. de bistiri = su tretu inue si cosint sas mànigas a su codhu Sinònimos e contràrios bastidura Ètimu itl. basta.

bastài baltàre

bastàldu , agt, nm: bastardu Definitzione si narat de gente, candho unu est fígiu de àteru babbu, fatu a sa fancedhina, o chi no si connoschet chie est su babbu; nau mescamente de erbas o de animales, chi at pérdiu (o no tenet) is calidades de s'arratza méngius e si narat a disprétziu puru / pilu b. = zenia de pilighedhu finevine, minudedhu Sinònimos e contràrios buldu / arestadu Frases su Sardu dhu tratas che fillu bastardu e ses in totu is cosas partziali 2. a tempus chi sos deos fint bastaldos fio poete e cantei su giustu (P.Casu)◊ custa ratza de bastardos sos privilégios sardos issos nos ant leadu (F.I.Mannu) Ètimu itl. Tradutziones Frantzesu bâtard Ingresu bastard Ispagnolu bastardo Italianu bastardo Tedescu unehelich, Bastard, Mischling.

bastànte baltànte

bastànte 1, bastànti , nm Definitzione genia de tzeracu, ma chi cumandhat is àteros tzeracos o dipendhentes e benit deretu apustis de su mere, in su cumandhu / b. de maistu de muru = maniale Sinònimos e contràrios acheriu, agiudanti, selvidore, sotzu 2, teracu / manobra Frases su meri iat nau a su bastanti: Tzérria is operajus e pagadhus! ◊ una borta unu rei iat donau incàrrigu a unu de is bastantis suus de cumbidai a un'ispadalia is sàbius de su logu Sambenados e Provèrbios smb: Bastante, Bastanti Tradutziones Frantzesu fiduciaire Ingresu based on trust, fiduciary Ispagnolu fiduciario Italianu fiduciàrio Tedescu Vertrauensmann.

bastànti 1 baltànte

bastantía , nf Definitzione su èssere bastante, fortza, capacidade Sinònimos e contràrios balia, bidória.

bastàrda , nf Definitzione sa vela prus manna de una nave; genia de barca pitica po is trebballos de dónnia dí in sa tonnària Ètimu itl.

bastardería , nf Sinònimos e contràrios bastardúmini.

bastàrdu bastàldu

bastardúmini , nm Definitzione su èssere bastardos Sinònimos e contràrios bastarderia / cdh. bastaldúmini.

bastardúni , nm Definitzione una genia de mendhuledha (pische) Terminologia iscientìfica psc.

bastàre baltàre

bastàre 1 , vrb Sinònimos e contràrios guastai Ètimu itl.

bàstas , cng: bastis, bastu 3, bastus 1 Definitzione foedhu po pònnere o chi ponet una cunditzione: s'imperat cun de e cun chi; candho est cun sa cng. chi e cun su verbu èssere e puntu isclamativu (bastu chi siat!) bolet nàrrere puru chi unu no est tanti seguru o no dhue credet meda a su chi narat o intendhet e abbarrat unu pagu ispantau e fintzes dispràxiu = como siat puru?!… si fit abberu?!… Sinònimos e contràrios aliali! Frases beni a ti cuai bastis chi ti cuist bèni ◊ bolliat unu piciocu mancai poberitedhu, bastas chi essit iscípiu bolai ◊ bastu chi sias cun àtere, bae, ma no a solu! ◊ apo a partire cras, bastu chi sas cosas no mi andhent a s'imbesse ◊ bastu chi mi nias sa veridade ti perdono! 2. nachi za est istudiendhe, bastu chi siat! ◊ iscrient chi za sunt sanos, bastus chi siat! 3. - Sas pudhas mias faghent sos oos e si los mànigant! - Bastu chi siat?! ◊ - A Boredhu che li ant furadu sos porcos! - Bastu chi siat?! 4. bastus de mi che l'iscutinare li apo nadu chi ei Tradutziones Frantzesu pourvu que, à condition que Ingresu provided (that) Ispagnolu con tal de que Italianu purchè Tedescu nur… wenn.