A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

bastrascími , nm Definitzione chedha de bastàscios Sinònimos e contràrios bastascialla Ètimu srd.

bastràsciu bastàsciu

bàstu 1 , nm: abbaltu Definitzione su tanti chi abbastat, su chi dhue bolet / àerendhe de b., de carchi cosa = itl. avérne a sufficiènza Frases ndh'apo de bastu ◊ cun d-unu piatu de minestra isse ndh'at de bastu ◊ tenet su bastu pro nche ischitire su dévitu Ètimu srd.

bàstu 2 , nm Definitzione genia de sedha Sinònimos e contràrios imbastu*, sedhatza

bàstu 3 bàstas

bàstu! , iscl Definitzione bastat!: foedhu chi si narat candho si orroschet una cosa o a ccn.; si narat fintzes in su sensu de nudh'àteru, cussu ebbia, cussu solu Sinònimos e contràrios mutu! Frases est unu sirbone e bastu!

bàstus bàstos

bàstus 1 bàstas

bàsu , nm: baxu, vasu Definitzione tocamentu chi si faet cun is lavras o fintzes solu acostindho is trempas s'unu cun s'àteru fintzes a si tocare coment'e singiale de amore, de istima, de paghe / min. basighedhu Sinònimos e contràrios bàsidu Frases at dadu unu basu a tzocu e ndhe li ant torradu unu a pítighe ◊ Giudas, cun d-unu basu mi traighis! Sambenados e Provèrbios smb: Basu Ètimu ltn. basiu(m) Tradutziones Frantzesu baiser Ingresu kiss Ispagnolu beso Italianu bàcio Tedescu Kuss, Kuß.

basuchímini , nm Definitzione su èssere basucos, iscimprotos Sinònimos e contràrios ibbàmbiu, isambrúliu, lollúghine, lolluine, sciapidóriu, scimpresa.

basúcu basócu

bàta , nf Definitzione manera de fàere a repitia, a sa sighia / tènnere b. = sighirebbila Tradutziones Frantzesu oppression Ingresu oppression, insistence Ispagnolu opresión Italianu oppressióne, insistènza smisurata Tedescu Bedrückung.

bàta 1 , nf Definitzione bàina o beste ue s'intrat una ferramenta segante (ispada, àteru) e mescamente s'arrefortzu de sa bàina Ètimu crsn. batta.

batàca , avb Definitzione a b. = a cusséssia, a cantu unu ndhe bolet.

batachía , nf Definitzione trastos de domo, cosas de fuliare Sinònimos e contràrios barragàllia, carramacina, istivuzu, istrèpete Frases cudhas chi no possedint batachia li ant intregau tremiza francos bastet l'apant in domo sa zizia (T.Ziranu).

batacollàre , vrb: baticogliai, baticollai, baticollare, baticullare, batigogliai, batigollai Definitzione istare o pigare coment'e a gherra, a matana cun ccn. o calecuna cosa, nau fintzes in su sensu chi no si arrennescet a dominare, baliare, bínchere Sinònimos e contràrios acacigai, acracangiai, addongare, apatigai, cumbatare, infestare 2. bufas e ti fúrrias a conca chi no faet a ti baticollare! ◊ sunt resurtados a baticullare sos furones Ètimu srd. Tradutziones Frantzesu agacer, appresser Ingresu to molest, to oppress Ispagnolu batallar, pelear Italianu molestare, opprìmere Tedescu belästigen, bedrücken.

batacòne , nm Definitzione persona cun bestimentu brutu meda, totu brutesa apicigada, unu chi s'imbrutat meda papandho Sinònimos e contràrios cadhóciu, mugosu, pingosu Ètimu itl. pataccone.

batacúla , nf Definitzione movimentu a iscutuladas, a cropos (andhandho a cuadhu de un'animale) Frases su tríchidhi est unu passu pagu cómodu pro chie est setziu a cadhu ca faet fàere batacula.

batàglia , nf: batalla, bataza Definitzione gherrígiu o gherra; prus che àteru, pelea manna chi unu si leat foedhandho po cumbínchere a s'àteru, po giare imparu, chistionu airadu Sinònimos e contràrios gherra / chistionu, ragàglia 2. chi no si citeis, cun totu custa batalla ndi dhu iscidais! ◊ peri is bias s'intendit sa batalla, s'arrisu ◊ is còngius immoi funt segaus e is batallas no balint a nudha ◊ lassai is batallas e isterreisí po gustai! ◊ ndi tenis, de batalla, no citis nudha! ◊ intendhendhe totu custa batalla, zeo mi che seo pesada Sambenados e Provèrbios prb: cun sa batalla no si prenit sa brenti Tradutziones Frantzesu gueulement, vacarme Ingresu noise Ispagnolu batalla Italianu battàglia, chiasso, discórso concitato Tedescu Kampf, Schlacht, Lärm, Wortwechsel.

batagliadòre , agt: batalladori Definitzione chi foedhat meda, chi si difendhet bene foedhandho, chi no si dhi troboit sa limba Sinònimos e contràrios arralladori, arralleri, barrosu, batalleri, batuliadori, brigantinu, ciaciareri, ciaciarone | ctr. mudurcu Frases cussu fut un'ómini batalladori e naràt totu is notítzias de s'arràdiu! Ètimu srd. Tradutziones Frantzesu batailleur Ingresu warlike Ispagnolu batallador Italianu battaglièro Tedescu kämpferisch.