A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

carramatzími, carramatzímini , nm Definitzione cosa chi leat logu e giaet istrobbu in debbadas, mescamente trastos o cosas bècias chi no serbint Sinònimos e contràrios baldulete, bascaràmene, bimbiria, cadógiu, carramacina, imbaratzu, istivuzu, istrèpete, istrepu Ètimu srd. Tradutziones Frantzesu fourbi Ingresu trinket Ispagnolu bártulos Italianu carabàttola, oggètti che ingombrano Tedescu Plunder.

carramatzína carramacína

carramatzinàlla , nf Definitzione barduletes, cosas bècias o de pagu contu chi si tenent a istrobbu, pigandho logu Sinònimos e contràrios barragàllia, bascaràmene, carramacina Frases comenti podit èssiri chi un'ómini arricu bandit a bèndiri carramatzinalla?! Ètimu srd.

carràmbalu , nm Definitzione matzu de ispigas de moriscu; cosa chi istat pendhendho, iscaligione de àghina, fintzes cambu cun cheréssia Sinònimos e contràrios campaninu, cicillone, iscalúgia, pimpillia, popurustu, pripixone, scalonina, scrichilloni, sprimpilloni, tzitzicra / apesile, pubúsulu Terminologia iscientìfica rbr Tradutziones Frantzesu gerbe d'épis de maïs Ingresu bunch of panicles Ispagnolu manojo de mazorcas Italianu mazzo di pannòcchie Tedescu Maiskolbenstrauch.

carraminzòne , nm Sinònimos e contràrios acamingioni, alminzone, ardubinzone Terminologia iscientìfica rbz Ètimu srd.

carrammèlda, carrammèrda , nm Definitzione bobboi niedhu chi allòmborat e orrúmbulat su ladamíngiu de is animales / su c. issedhau = (nau de ccn.), chini si creit meda de si pàrriri cuadhu sendi apenas unu carrabbusu Sinònimos e contràrios buvone, carrabbusu, carragarra, tragammerda, travajoni / cdh. carriammelda, scarrammelda Terminologia iscientìfica crp, scarabaeus sacer, laticollis; geotrupes sardous; copris hispanus, lunaris; ceratophyus hiostius Ètimu srd. Tradutziones Frantzesu scarabée Ingresu dung-beetle Ispagnolu escarabajo Italianu scarabèo stercoraro Tedescu Roßkäfer.

carramòrtos , nm Definitzione chie tenet s'impreu de interrare is mortos Frases apena tocu intendhet de ispiru, no che ndhe lassat de ora passare: chie est su mortu andhendhe a dimandhare, carramortos luego essit in giru (G.G.Fadda) Terminologia iscientìfica prf Ètimu srd. Tradutziones Frantzesu fossoyeur Ingresu gravedigger Ispagnolu sepulturero, enterrador Italianu becchino Tedescu Totengräber.

carrampuedhài , vrb Definitzione istare sèmpere faendho, toca toca, cricandho, andhandho Sinònimos e contràrios fangotare Frases a is pipius dhus praxit a abarrai carrampuedhendi, in mari.

carramulciàda , nf Definitzione ispudu grogo de sa prumonite Sinònimos e contràrios carralciada, ferma, mechedha, sdarràsciu Ètimu srd. Tradutziones Frantzesu expectoration Ingresu expectoration Ispagnolu gargajeo Italianu espettorato, escreato Tedescu Auswurf.

carranasséri carnanséri

carranconàre , vrb: acancarronai* Definitzione fàere a unu gànciu, a cancarrone, prus che àteru de su fritu Sinònimos e contràrios abbidhiritzai, aggrancare, aggurjare, ateterigare, atzancarronare, aunchinare, cancarai, ingortigai, inteterighedhare.

carrancòne cancarròni

carranconósu , agt Definitzione nau de linna, chi portat bruncones meda, chi est totu giúmburos Ètimu srd.

carrànu , nm Definitzione donniuna de is duas partes de sa cara Sinònimos e contràrios càvanu, tempra Terminologia iscientìfica crn.

carrànzu , nm Definitzione pedra, coróngiu; mescamente gherra a cropos de pedra Sinònimos e contràrios códua, craltu / aperdiamentu Frases sa teula fit pistada dae sos carranzos de monte chi l'iscudiat sa pitzinnalla de su bichinau Tradutziones Frantzesu bataille à coups de pierres Ingresu hail of stones Ispagnolu pedrea Italianu sassaiòla Tedescu Steinhagel.

carrapài , vrb Definitzione andhare o pigare a trisinadura, coment'e pigandho a tragu in terra, andhare a su pàusa pàusa, abbellu abbellu, a su firma firma, fintzes a su tzàntziga tzàntziga, coment'e chie no si dha faet a camminare Frases andat totu carrapa carrapa… est cumenti a una cubidina: chi arruit s'isciàsciat! ◊ carrapendu in s'amuinu de s'ispàssiu s'intendint is passus de sa sciampita ◊ su fadiori dhi alletiàt is cambas finas a si dhas fai carrapai in su pomentu (F.Carlini) Tradutziones Frantzesu traîner, clopiner Ingresu to trail Ispagnolu arrastrar Italianu strascicare Tedescu schleifen.

carrapatzía carrabatzía

carrapàu , pps, agt Definitzione de carrapai; chi andhat abbellu, coment'e istracu, ca no ndhe podet 2. camminat a passu carrapau che un'imbriagu ◊ dh'acabbàt a matzucu, a su babbu, po no dhu biri cun su marmedhu assicorrau taraxiendu ferosu e allainau, sèmpiri agoa, a passu carrapau (F.Onnis).

carrapínna , nf Definitzione teulada chentza bòveda, cun sa téula posta in pitzu de sa canna o de is currentes / istare, èssere a c. = in poberesa manna Terminologia iscientìfica dmo.

carràpu , nm Definitzione its, de carrapai? Frases no ndi bollu carrapus bècius in domu mia!◊ ita seu, maca, a mi cojai cun d-unu carrapu béciu?!