A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

carrighèra , nf: garrighera Definitzione genia de chintórgiu inue s'ingollent is cartúcias a cassa Sinònimos e contràrios cartutzera Frases zughiat sa carrighera in chitu ◊ sa carrighera tua cun s'atelzu, Maloccu, no mi càusat paura! Ètimu srd. Tradutziones Frantzesu cartouchière Ingresu cartridge-belt Ispagnolu cartuchera, canana Italianu cartuccièra Tedescu Patronentasche.

carrighéri , nm Definitzione busciachedha a pònnere is gigarros, in su costúmene de s'ómine Ètimu srd.

carrighínu , nm Definitzione minadore pràtigu a pònnere sa càrriga de bruvura in is minas e a giare fogu Frases su carrighinu nci fiat abbrincau peri is arrocas in s'avantzamentu cun su sachitu de sa bruvura Ètimu itl. Tradutziones Frantzesu mineur chargeur des mines Ingresu mine loader Ispagnolu cargador Italianu carichino Tedescu Grubenverlader.

carrigiài , vrb: acarrigiai*, carrixae, carrugiare Definitzione ingòllere cosa a carrúgia, a carru o àteru mezu, pigare, portare cosa de unu logu a s'àteru Sinònimos e contràrios abbiaxai, carrai Frases oe nemmos andhat a carrixae: bieus si su mere si decidit a nosi pagae comente si depet! ◊ sa fromiga carrúgiat a sa tana a dónnia ora e tenet dónnia provista ◊ su carrabbusu puru est sèmpere carrugiandho.

carrígu , nm Definitzione de s'istrégiu de fenu (ma est fatu fintzes de giuncu o de iscaria), est cussu a costaos bàscios (ma prus artos de cussos de sa canistedha) e prus mannu, unu metro e prus de diàmetru, postu mescamente po sedatzare sa farra o pònnere su pane Sinònimos e contràrios caistedhu, cerrigu*, farrajoba Frases chi no capit in su paneri ndi portu sa crobedha, o mancai su carrigu (A.Garau). Terminologia iscientìfica stz

càrrigu , nm, agt: càrriu, gàrrigu* Definitzione cosa o pesu chi si pigat o chi si ponet in pitzu de unu o de calecunu mezu po dhu portare; chi portat càrrigu, chi est carrigau; nau de sa terra, chi portat abba meda, in su pígiu de pitzu, e no faet a dha trebballare (est matzosa) Sinònimos e contràrios bàrriu, càrria / barriadu, carrigadu, frunidu | ctr. (agt) líchidu 1 Maneras de nàrrere csn: a càrrigu miu, tuu, suu = a lu pagare, a ndhe rispòndhere deo, tue, isse; fai su càrrigu = fàghere su tantu de barriare unu mezu, a unu, o (in dibbatimentu) betare totu sas curpas; prova de càrriu (in dibbatimentu) = fatu chi cufrimmat s'acusa; colori càrrigu = cotu, forte Frases fut a andhare a càrriu a cúcuru Tradutziones Frantzesu charge, chargé Ingresu load (ed) Ispagnolu carga Italianu càrico Tedescu Ladung.

carrijòne carrejòne

carríle , nm Definitzione logu, bia inue si passat Sinònimos e contràrios arruga 1, carreba Frases in cussu carrile bi passamus totu ◊ totu cuss'atza ndhe apo a forrogare e aparígio dónnia carrile (A.Barra) Ètimu spn. carril.

carrillòni , nm Definitzione aintru de palatzos segundhu comente funt de istérria, genia de cortile in mesu po pigare lughe e ària is aposentos de mesu; passadórgiu istrintu.

carríngiu , nm: carrinzu Definitzione su carrare, su portare sa cosa de unu logu a un'àteru Sinònimos e contràrios carróngiu 1, carruzu, séida 1 Ètimu srd. Tradutziones Frantzesu transport, camionage Ingresu transport Ispagnolu transporte Italianu traspòrto Tedescu Transport.

carrintólu , nm: corrintolu 1, corritolu 1, curretolu, curritolu Definitzione babboi de soli, genia de bobboi niedhu a corros longos (mescamente su mascu) totu nodighedhos: ponet sa cria e creschet in sa linna, mescamente de crecu, essit in su beranu, bolat, est longu unos chimbe o ses centímetros Sinònimos e contràrios bellatzonca, broca 1, cincicorru, cincimurru, cirumàulu, corriluna, corrimpala, pesabesa, pesaperda, terriolu, tintirriolu, tzichirriolu, tzintzurriolu / cdh. tzilimbrinu Frases ciughet su coro niedhu che corritolu ◊ su carvonarzu est garriau de terra e niedhura: paret unu corritolu Terminologia iscientìfica crp, cerambyx cerdo, c. scopolii Ètimu srd. Tradutziones Frantzesu cérambyx Ingresu kind of beetle Ispagnolu algavaro Italianu ceràmbice Tedescu Bockkäfer.

carrínzu carríngiu

carriòla , nf Definitzione genia de carritu cun d-una orroda ananti, duos peis e duos bratzos, de pigare a manu, po carrare cosa, mescamente in trebballos de maistos de muru Sinònimos e contràrios carrúciu 2.

carriolàra , nf Definitzione su tanti de cosa chi cabet in d-una carriola Ètimu srd.

carriòne carrejòne

carriòre , nm Definitzione nau de is matas, su èssere càrrigas de frutu.

carrisàbida, carrisàpa, carrisàpida, carrisàpita carrasàpida

carrisegàda carrasegàda

carrisiòne, carrisòne , nf: carrixone Definitzione sa carre a fora, su chi paret po su colore de sa pedhe Sinònimos e contràrios carràdigu, carrejone*, carrícia.

carrísta , nm Definitzione chie manígiat carros armaos Terminologia iscientìfica prf Tradutziones Frantzesu tankiste Ingresu tankman Ispagnolu militar destinado a los tanques Italianu carrista Tedescu Panzerjäger.