A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

carristérzu , nm Definitzione carra isterzu: chie (mescamente tzeracu) de is chi contivígiant su bestiàmene tenet s'impreu de carrare is istrègios, is trastos, su casu e àteru deasi Ètimu srd.

carríta , nf Definitzione genia de misura: sa metade de una carra Terminologia iscientìfica ans.

carrítu , nm Definitzione min. de carru, carru piticu, mescamente su chi si faent is piciochedhos giogandho Sinònimos e contràrios carrixedhu Frases po giúchere custa robba su maritu moviat chin su carritu e sos cadhos dae su sera innantis po andhare a Núgoro e garrigare àteru 2. pro zogare duos boes de cau de triguíndia, su pudhedru de canna, unu carritu de ortixu Terminologia iscientìfica ggs Tradutziones Frantzesu charreton Ingresu little cart Ispagnolu carrito Italianu carrettino Tedescu kleiner Handwagen.

carrítu 1 carrícia

carritunéri carretonéri

carrítza, carrítzia carrícia

carritziósu , agt Definitzione nau de persona chi istat bene, chi est in carres, in prupas bonas Sinònimos e contràrios imprupiu, introssiu | ctr. làngiu Terminologia iscientìfica zcrn Ètimu srd. Tradutziones Frantzesu charnu Ingresu plump Ispagnolu carnoso Italianu carnóso, in carne Tedescu fleischig.

carrítziu carrícia

càrriu càrrigu

carriúmmias , nf Definitzione carre de múmmias, persona bècia.

carrixàe carrigiài

carrixatòre , nm Sinònimos e contràrios carradore, carrulante Frases is óminis in prus de s'arte de massaju faent su carrixatore de linna.

carrixédhu , nm Definitzione min. de carru, carru piticu Sinònimos e contràrios carritu.

carrixòne carrisiòne

carròcia , nf: corròcia Definitzione una de is duas partes de sa conca a fora (s'àtera est sa cara): s'ossamenta de pitzu; nau de unu, conca maca, conchilébiu / ndi at calau sa corròcia = at abbassiadu sa conca Sinònimos e contràrios carvedhera, concorròcia, corrociola / conchilébiu Frases it'est chi ti pítziat de prus: is ispinas chi intrant fintzas a istampai sa corròcia, o sa traitoria de s'ómini amigu? ◊ aintru de sa carròcia portaus su ciorbedhu Terminologia iscientìfica crn Tradutziones Frantzesu crâne, boîte crânienne Ingresu skull Ispagnolu cráneo Italianu crànio, scàtola crànica Tedescu Schädel.

carròcia 1 , nf: carrossa, carrotza Definitzione genia de carru solu po ingòllere gente; in is trenos, vogone cun is postos a cicire gente Frases tuchesint in carròcia, dadu chi sa ferrovia no fit fata Terminologia iscientìfica trps Ètimu itl. Tradutziones Frantzesu voiture, wagon Ingresu coach Ispagnolu carroza, carruaje, vagón (m), coche (m) Italianu carròzza Tedescu Kutsche.

carròga , nf: corroga Definitzione corroga braxa, genia de pigione mannu, de petza metzana: assimbígiat a unu crobu, ma est prus piticu, de colore de chinisu e portat solu parte de is alas niedha; nau a disprétziu o in cobertantza, fémina lègia o chi unu no podet bíere; àtera genia de pigione / allu de carroga = tres zenias de erba (Allium roseum, A. rotundum, A. subhirsutum) Sinònimos e contràrios corbanca, corraga, corrionca Frases pro curpa de sa carroga no si prantat figu ◊ sas corrogas si ponent subra de sas berbeghes a che lis tènnere sa cradenanca ◊ is carrogas cròcolant ◊ in is arrocas dhoi fiant aposentadas unu bóbidu de carrogas 2. tontonanci sa porta, no passit cussa carroga mala! Sambenados e Provèrbios smb: Carroga Terminologia iscientìfica pzn, corvus corone sardonius Ètimu ltn. cornacula.

carrogabbàrza, carrogabbràxa , nf Definitzione carroghedha de monti, un'àtera genia de corroga, sa chi portat su bicu e is peis orrúbios, de su Gennargentu e Montearbu Terminologia iscientìfica pzn, pyrrhocorax pyrrhocorax erythroramphus Ètimu srd.

carroghèdha , nf Definitzione una genia de corroga; una genia de sonajolu, nau deosi po su sonu chi faet; una genia de pane modhe grussu (cocòi); nau in cobertantza, is seminaristas de unu tempus po comente furint bestios Sinònimos e contràrios cicalora, mummutzu Terminologia iscientìfica sjl, pne, pzn, pyrrhocorax pyrrhocorax erythroramphus Tradutziones Frantzesu crave Ingresu chouch, croak Ispagnolu chova piquirroja Italianu gràcchio corallino, cornacchino Tedescu Alpenkrähe.

carrògna , nf Definitzione fémina mala e fea Ètimu ctl. carronya.