A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

ciarlatànu , nm, agt: ciarralitanu, ciarratanu, ciarrulitanu, ciaruritanu, tzarrulitanu, zarratanu Definitzione paraletadore e inganneri puru Sinònimos e contràrios fragnóculu / argioleri, badaceri, ciaciareri, ciavanone, foxileri, gargale, giacarone, illanadu, paraleta, paraletadore | ctr. mudurcu Ètimu itl. Tradutziones Frantzesu charlatan, bavard Ingresu blabbermouth Ispagnolu charlatán Italianu ciarlatano, chiacchieróne Tedescu Schwätzer.

ciarlatería , nf Definitzione su istare sèmpere foedhandho Ètimu itl. ciarlataneria.

ciaródhu , nm: aciorodhu*, ciorodhu, tzorodhu Definitzione cosa fata male o nada a s'afaiu, betada apare chentza régula / mi so fatu a ciorodhu = mi seu satzau meda Sinònimos e contràrios abbaunzu, abbunzadura, afioncu, coredhu, impiastru, inciapudhu, inciorodhu, indróvigu, massipu.

ciarolàre , vrb Definitzione fàere sa bardúfola totu a fossitedhos, a marchighedhos, cun sa punta de un'àtera Sinònimos e contràrios afitulai, isgabbiare, majodhare, pizolai Ètimu srd.

ciarollàu , agt: aciarollau Definitzione chi est totu male bestiu, iscufusu e brutu in su bestimentu Sinònimos e contràrios isconfusu, scurumu Ètimu srd.

ciaróllu , nm, agt: aciarollu* Definitzione su èssere drolles, su istare o èssere a pagu incuru in su bestire, in su fàere po no ndhe èssere bonos o po sa pagu gana; chi istat a trascuru in su bestire Sinònimos e contràrios drollàmene, drolléntzia, sgangàgliu / drodhe, scanciofau, sgangagliau Terminologia iscientìfica ntl.

ciarólu , nm Definitzione genia de marchighedhu, fossitedhu, chi si faet a is bardúfolas cun sa punta de un'àtera, giogandho Sinònimos e contràrios cocone 1, fítulu, incalighete, isgabbu, majodha, pizolu 1.

ciàrpa cèrpa

ciàrra , nf: tzarra* Definitzione boghes de gente foedhandho, chistionu de pagu importu Sinònimos e contràrios apísciulu, argiolu 1, arralla, bàdula, ciaciarra, ciaramedha, ciarrone, lúlluru, paraleta, prafata, ragàglia / barrosia Frases fit ómine de pagas ciarras ◊ s'ómine atinat faghendhe e no cun sas ciarras! Tradutziones Frantzesu bavardages Ingresu tittle-tattle Ispagnolu charla Italianu ciarla, parlottìo Tedescu Gerede, Getuschel.

ciarrài , vrb: ciarrare, tzarrare, zarrare Definitzione istare a tzarra, istare a chistionu cracu ma cun pagu sustàntzia, istare naendho Sinònimos e contràrios arrallai, baragliare, batallai, ciarrallatai, ciarrulare, paraletare | ctr. cagliare, citire Frases tribàgliat e nemmancu ciarrendhe perdet ora ◊ los lassamus ciarrare sos mios cun sos tuos e prusighimus s'amore! ◊ comente ciarraiant sos de s'antigória, cale limbazu faedhaiant? Ètimu itl. Tradutziones Frantzesu bavarder Ingresu to chatter Ispagnolu charlar Italianu ciarlare, cicalare Tedescu schwatzen.

ciarralitànu ciarlatànu

ciarrallatài , vrb Definitzione istare a chistionu Sinònimos e contràrios arrallai, ciarrai.

ciarràre ciarrài

ciarratànu ciarlatànu

ciarréri , agt Sinònimos e contràrios argioleri, ciaciareri, ciarrulanu, ciarrone, ciarrulone, paraleta | ctr. mudurcu Ètimu srd.

ciarrèto, ciarrètu , nm: cirrete, giarretu*, zarrete Definitzione una genia de pische de mare chi assimbígiat a sa menduledha; nau de ccn., chi est pitichedhu e làngiu Terminologia iscientìfica psc, maena chryselis

ciarròne , agt, nm: tzarrone Definitzione chi o chie istat sèmpere foedhandho, mancari chentza cabu, ca dhi praghet a foedhare Sinònimos e contràrios argioleri, badaceri, barrimannu, barrosu, càdara, ciaciareri, ciaramedha, ciarlatanu, ciarrulone, ciavanone, foxileri, giacarone, illanadu, paraleta, paraletadore, tàcula / cdh. ciarroni | ctr. mudurcu Terminologia iscientìfica ntl Ètimu itl. Tradutziones Frantzesu verbeux, babillard Ingresu gasbag, chatterer Ispagnolu hablador Italianu ciarlóne, parolàio Tedescu Schwätzer.

ciàrrula , nf: ciàrula Definitzione foedhu, chistionu, boghes de gente foedhandho Sinònimos e contràrios apísciulu, argiolu 1, arralla, bàdula, ciaciarra, ciaramedha, ciarra*, lúlluru, paraleta, ragàglia Frases ite pecadu chi no apas ne ciàrulas ne sonos, chi no apas limbazu! Sambenados e Provèrbios smb: Ciarula.

ciarrulànu , agt Sinònimos e contràrios argioleri, ciaciareri, ciarreri, ciarrulone, paraleta | ctr. mudurcu Frases bolant adhae tàculas ciarrulanas Ètimu srd.

ciarrulàre , vrb: ciarulare Definitzione cantare o tziulare de is pigiones; istare sèmpere foedhandho Sinònimos e contràrios cirolitare, ciurulare, piliare, piulai / ciarrare*, tzarrolitare | ctr. cagliare, citire Frases no movet foza e ne puzone píulat e ne ciàrulat chi isse no l'intendhat.