cingròni , nm Definitzione genia de cingra manna.
cíngulu , nm: tzíngulu Definitzione
genia de tira larga a cadena, a bisura de fasca, tra orroda de ananti e de asegus de unas cantu màchinas (tratore, carrarmau) po arrèschere de prus in terra
Tradutziones
Frantzesu
chenille
Ingresu
track
Ispagnolu
oruga
Italianu
cìngolo
Tedescu
Raupenband.
cíni chíne
cínicu , agt Definitzione chi no tenet làstima o cumpassione de nudha, chentza sentidu che a su cane Sinònimos e contràrios disapiadau, incaniadu, isferitzadu.
cinisàcu , agt Definitzione
nau de colore, chi est che a su chinisu
Sinònimos e contràrios
chijinatu,
cinixali,
múrinu
Frases
est una pudha cinisaca
Terminologia iscientìfica
clr
Ètimu
srd.
Tradutziones
Frantzesu
cendré
Ingresu
ashy
Ispagnolu
ceniciento
Italianu
cenerino
Tedescu
aschenfarbig.
cinisàrgiu chinisàju
cinísciu chinísu
cinisósu , agt Definitzione chi est totu brutu de chinisu, totu chinisu (e carculau mandrone) Sinònimos e contràrios inchinisadu Ètimu srd.
cinísu chinísu
cinixàda chisinàda
cinixàju , agt Definitzione nau de sa bentina de animales, chi est in colore de chinisu (pudha c.); chi istat in su chinisu (acanta a sa forredha), no essit, est sèmpere in domo (Maria cinixaja) Frases Menixedha s'est torrada coment'e Maria cinixaja, po mi castiai (S.A.Spano) Ètimu srd.
cinixàli , agt, nm Definitzione
nau de colore, chi est che a su chinisu, in colore de chinisu; fintzes chi istat sèmpere in su chinisu, a pata a fogu
Sinònimos e contràrios
chijinatu,
cinisacu,
múrinu,
murru 1,
pàldinu
/
chinisaju,
chighineri
Frases
est unu cuadhu murru cinixali
2.
su nai ca is amigas mias funt totu bèni cuncordadas candu andant a Missa e dèu sempri acorrovedhada in domu coment'e su gatu cinixali! (I.Raccis)
3.
is pastoris ch'ia connotu no si lassànt binci de su fasciugu e cuntziderànt su cinixali coment'e su peus caciapu
Terminologia iscientìfica
clr
Ètimu
srd.
Tradutziones
Frantzesu
cendré
Ingresu
ashy,
grey
Ispagnolu
ceniciento
Italianu
cenerìccio,
grìgio
Tedescu
aschgrau.
cinixàrgiu chinisàju
ciníxi, ciníxu chinísu
cinnéberu , nm: cinníveru, sinébiri, tziníbiri Definitzione tzinníbiri veru, genia de linna chi faet a mata fintzes manna, a fogighedhas piticas e puntudas: faet unu frutu a birilla chi narant arrulloni, bòdhero Sinònimos e contràrios chiníberu, gheníperu, níbbaru, trubénneru Terminologia iscientìfica mtm, Juniperus oxycedrus Ètimu ltn. zyniperum.
cinnecòi chinecòe
cínni chinníre
cinnía, cinnída chinnída
cinníri chinníre
cinníveru cinnéberu