A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

circàe, circài chilcàre

circàlla , nf Definitzione su cricare, su andhare in giru a pedire dinare o àteru a sa gente Sinònimos e contràrios busca, chelta, chirchera, chilca Frases immoi no dhoi at circalla meda de operajus Ètimu srd.

circannoèu , nm: circunueu, gircannoeu Definitzione su circu o arcu de Noè: arcu de chelu, de sole, de s'abba, de Donnu Deu, de nui: s'arcu chi essit in s'aera in tempus de abba, totu a colores (sete) Sinònimos e contràrios arcubaradu, arcunieri, circhiola, circonnieri, circuvòglia, circuvròngia Frases circunueu a mengianu, sinnabi de tempus malu Ètimu srd. Tradutziones Frantzesu arc-en-ciel Ingresu rainbow Ispagnolu arco iris Italianu arcobaléno Tedescu Regenbogen.

circànti chircànte

circàre chilcàre

circarèdha , nf: circuredha Definitzione duas arratzas de anades: sa prus pitica de is europeas, chi faet abbitu in Sardigna prus che àteru in ierru e in beranu, e un'àtera chi che abbitat in beranu in logos de paule Sinònimos e contràrios anadone, crabedhu Terminologia iscientìfica pzn, anas creca, a. querquedula Ètimu srd. Tradutziones Frantzesu sarcelle d'hiver Ingresu teal Ispagnolu cerceta, pato salvaje Italianu alzàvola, marzaiòla Tedescu Krickente.

circàri chilcàre

circhiài , vrb Definitzione pònnere is cricos Sinònimos e contràrios acircai, incircai, inghirare Ètimu srd.

circhíglia, circhígliu, circhílliu chirchígliu

circhiòla, circhiòlla , nf: cirichiolla Definitzione cricu, línia tundha serrada e mescamente arcu de chelu, de sole, de s'abba, de Donnu Deu, de nui: s'arcu chi essit in s'aera in tempus de abba, totu a colores (sete) Sinònimos e contràrios chílciu / alcubbalenu, arcubaradu, arcunieri, circannoeu, circonnieri, circuvòglia, circuvròngia Frases mamas e piciochedhus brintant a mari in circhiola, a manus pigadas (G.Solinas) 2. circhiola a merí, cras bona dí ◊ sa luna fait s'incaracua in mesu de una circhiolla de nébida ◊ sa vida est una circhiolla ◊ is coloris de sa circhiolla funt seti Ètimu srd. Tradutziones Frantzesu arc-en-ciel Ingresu rainbow Ispagnolu arco iris Italianu arcobaléno Tedescu Regenbogen.

circhiòni , nm Definitzione cricu de lamone, de cadhàrgiu Sinònimos e contràrios cadhinu Frases aundi sunt is dis chi is piciochedhus curriant apalas de unu circhioni o de una bardúnfula?

circhixédhu chilcighédhu

circída cicirída

circinadúra cercinadúra

circinài cercinàe

circirída cicirída

circonniéri , nm Sinònimos e contràrios arcubaradu, arcunieri, circannoeu, circhiola, circuvròngia.

circoscritziòne, circoscritziòni , nf Definitzione una parte de su logu, de una citade, distinta po chistiones de amministratzione Sinònimos e contràrios cumpartidura Tradutziones Frantzesu circonscription Ingresu district Ispagnolu circunscripción Italianu circoscrizióne Tedescu Bezirk.

círcu , nm: tzircu Definitzione síngia tundha (e fintzes su tretu o logu chi leat), cun totu is puntos a sa matessi distàntzia de su centru; tira de cosa chi si ponet a inghíriu de calecun'àtera po fortilesa; genia de tendha tundha e cumpangia de gioghistos chi faent ispetàculu / circu de carrada, de sedatzu; c. de chelu = arcubaradu, circhiola Sinònimos e contràrios chílciu*, tzirollu / círculu Frases is circus formant is tiras linnosas de su croxu de s'àrburi 2. candu fiaus piciochedhus curriaus cun d-unu circu de cancuna carrada sdogara ◊ is circus de sa carrada no si depint incracai a forti 3. in su circu Luchia pómpiat divertia sas carulinas, su leone, sos poledhos 4. circu de chelu a mignanu… faet merie malu! Sambenados e Provèrbios smb: Circu Tradutziones Frantzesu cercle Ingresu circle, circus Ispagnolu cerco, círculo, circo Italianu cérchio, circo Tedescu Kreis, Zirkus.

circuéri , nm Definitzione circu de soli o arcu de chelu: s'arcu chi essit in s'aera in tempus de abba, totu a colores (sete) Sinònimos e contràrios arcubaradu, arcunieri, circannoeu, circhiola Ètimu srd.