A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

còcoro còcolo

còcoro 1 , nm Sinònimos e contràrios ciòcere, tziòcoro*.

cocoròdhe , agt Sinònimos e contràrios beterone, debberone.

cocorodhò , nm Definitzione sa boghe de su pudhu cantandho Sinònimos e contràrios cucurudhú Ètimu srd.

cocorói , nm Definitzione animaledhu cun su corgiolu tundhu a caragolu: faet una genia de salia e in conca, candho essit a is abbas mescamente, bogat coment'e duos corros, modhes, ue in punta portat is ogos Sinònimos e contràrios babbacorra, barbodha, cocoi, cocóide, cocorra, cocorróciu, croca, gioga, pissigorru 1, portamincorras, sicigorru, suntzorra Terminologia iscientìfica crp.

cocoròi , nm: cocorròi Definitzione genia de pane de chivarzu; pane cun saba Maneras de nàrrere csn: fàghere in abba su cocorròi = ischedhare, ifúndherelu a mesu cotura e torràrelu a su furru pro essire lúghidu; cocorròi de ou = sa pipia cun s'ou, pani po is pipius Terminologia iscientìfica drc, pne Ètimu srd.

cocorói 1 , nm: cocorroi, cocorrone Definitzione sa pedhe chi si ndhe supesat ufrada a giúmburu, in conca, cun sàmbene pistau po calecunu corpu chi at pigau Sinònimos e contràrios abbugnadura, abburrutonada, burrugnone, ciumbone, crocognolu, giumbu, tzulumbone, tzumburisone Tradutziones Frantzesu contusion crânienne Ingresu cranial bruise Ispagnolu contusión Italianu contusióne crànica Tedescu Schädelkontusion.

cocoròne, cocoròni , nm Definitzione cosa a còcoro, css. cosa tundha, allomborada, lea de terra; essidura o ufradura de pistadura in sa carre; genia de petonadura de is pilos de sa fémina a bisura de tedile / c. de ní, de casu friscu, de cera = botza de nie, de casu, de chera Sinònimos e contràrios burone, gurone / bàldile, léura / cocoroi 1, tzulumbone / ciónciu, cucajone, cucale, cuchedha, mogno, picioce Ètimu srd. Tradutziones Frantzesu boule Ingresu any round body, ball globe Ispagnolu bola Italianu còrpo rotóndo, palla, glòbo Tedescu Ball, Kugel.

cocoròsta , nf: cogorosta, corogosta, cucurusta, gorgolostra Definitzione coment'e unu pígiu de carre diferente e giai sèmpere orrúbia, totu a bicos e chentza pinnias, chi creschet in pitzu de sa conca, de longu, a pudhas e mescamente a pudhos Sinònimos e contràrios chichirista, crilta, ogroista, pibirita, proborista / cragarastas Maneras de nàrrere csn: bocare cocorosta = pàrreresi mannu, leare betu de mannos in su cumportamentu; pònnere sa cogorosta (nadu de unu)= crèresi prus de su chi est, fàghere su pazosu; pònnere sa cogorosta a carchi cosa = crèscherela, isazeràrela; cogorostas de pische = is gragastas, itl. brànchie Frases no si moet de ae corogosta: pro paura s'isméntigat de bolare ◊ sunt a cucurusta arta coment'e pudhos inganios 2. fitza mea fit comintzanne a bocare cocorosta ◊ ndhe at postu de cogorosta dai candho l'ant artziadu in gradu!…(G.Ruju)◊ tue a su ch'intendhes li pones sa cogorosta candho lu torras a nàrrere Terminologia iscientìfica crn Tradutziones Frantzesu crête du coq Ingresu crest Ispagnolu cresta del gallo Italianu crésta del gallo Tedescu Hahnenkamm.

cocòrra , nf Sinònimos e contràrios babbacorra, cocoi, croca, gioga, sicigorru, suntzorra, tabacorra / maccioni 1, tiligugu Terminologia iscientìfica crp Ètimu srd.

cocorrèdha , nf Sinònimos e contràrios folfighita, forchidhàdile, isperragoa, isperravórtighe, malavurcidha, pisciafui Terminologia iscientìfica crp.

cocorrédhu , nm Definitzione genia de pane grussu, modhe Terminologia iscientìfica pne.

cocorróbile , nm Definitzione mura de orruo manna meda, matuca Sinònimos e contràrios murarrú.

cocorróciu , nm Sinònimos e contràrios cocoi, cocoroi, cocorróide, croca, gioga, sicigorru Ètimu srd.

cocorròi cocoròi

cocorrói cocorói 1

cocorrói 1 , nm Definitzione càlixi o capedhu de muru, una genia de erba chi faet meda in is imbagas de is muros, a fògia tundha, grussa, unu pagu a bisura de càlighe cun su tenaghe chi est cambu puru Sinònimos e contràrios alighemuru, calichemuru, capedhemuru, cocoratza, salighemuru Terminologia iscientìfica rba, Umbilicus rupestris.

cocorróide , nm Sinònimos e contràrios cocoi, cocorróciu, croca.

cocorròne cocorói 1

cocorrònis , nm Definitzione a parte e àtera de s'ingurtidórgiu, murutuledhos de intessidura modhe chi a bortas si ufrant Sinònimos e contràrios tuledhos Terminologia iscientìfica crn Ètimu srd. Tradutziones Frantzesu amygdales Ingresu tonsils Ispagnolu amígdalas Italianu tonsille Tedescu Mandeln.