A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

cubérru , nm Definitzione su cuberrare, su tènnere contu, contivigiare cosa, logu, gente; fintzes su istare apartaos o in aprigu de no àere male Sinònimos e contràrios contibizu, cuvrenu, guvernu / cuvérrinu 2. a su teracu li daiat cuberru, sacu e cartu ◊ cada annu su mere l'irfrancabat unas cantas béstias e a prus li dabat su cuberru: su cartu, su bucone e sa bestimenta 3. istare in cuberru pro sanare, pro no s'irmalaidare Ètimu srd. Tradutziones Frantzesu gouvernement Ingresu govern Ispagnolu gobierno Italianu govèrno Tedescu Regierung.

cubérru 1 , nm Definitzione su cobèrrere, unione de mascu e fémina Sinònimos e contràrios acópiu, codhóngiu.

cubertúra cabertúra

cúbi , nf Definitzione gerda o costana de su carru, curtza, po pigare càrrigu grae ma chi pigat pagu logu Frases faiaus is cubis de féurra po su carrúciu, gioghendu.

cubia , nf Definitzione [o cúbia?]: its Frases ia imparau a fai su minadori: ia cumentzau de sa masseta e de sa masseta fia passau a sa cubia.

cubiciòla, cubiciólu , nf, nm Definitzione carradedha pitica Sinònimos e contràrios carraciola Terminologia iscientìfica stz.

cubidài cabidàbi

cubidàle coidàle

cubidína cobedína

cubidinèdha , nf Definitzione min. de cubedina; cubedina pitica pigada coment'e carcida.

cubídu , pps, agt: cupiu Definitzione de cubire; fintzes chi est meda, coment'e cosa chi si ammuntonat, faet suma, meda Sinònimos e contràrios disigiau / allogau, ammuntonau 2. tentat de acatare su càntaru cupiu ◊ cantos disizos in sa bida cupios!… 3. cun fàmine cubidu fintzas sa peta púdida est gustosa…◊ teniat male de fàmine cubidu.

cubilàre , vrb: acobiai* Definitzione fàere fúrriu, torrare a cuile, a su crocadórgiu Sinònimos e contràrios acojai, acuiletare Frases sas berbeches a cubilare ghirant a s'ortu.

cubilàrja coilàrza

cubíle coíbi

cubilèta coilèta

cubíre , vrb: cupire Definitzione disigiare meda, forte Sinònimos e contràrios aputzare, cúbere, disigiai Frases dego m'isto a murmutu cupindhe bona fortuna ◊ innantis fis a lèpores e pudhas e como ses cupinne finas su serione de sa chipudha! ◊ ite semus cupindhe in custu tzecu andhare nostru? ◊ tandho ant a mòvere sos chi su ballu tundhu ant cubidu 2. l'isco chi candho cubis sa trasferta sa mesada ti dat aficu lanzu (P.Giudice Marras)◊ sunt umbras cubidas in giuntas de terra Sambenados e Provèrbios prb: chie at facultade no cubit su pane Ètimu ltn. cupire Tradutziones Frantzesu convoiter Ingresu to long for Ispagnolu codiciar Italianu bramare Tedescu herbeisehnen.

cubisionàre , vrb Definitzione pònnere avolotu, cuvusione, pònnere sa gente a brigare o contra a ccn. Sinònimos e contràrios tripiliare Ètimu srd.

cubisiòne cofujòne

cubisionéri confusionéri

cubòne , nm: cuboni, cupone, cuponi Definitzione carrada manna a unu fundhu (cuponi isciundau) o fintzes genia de bàrcia adata po pònnere s'àghina istrecada a budhire po fàere su binu: fintzes carrada etotu Sinònimos e contràrios budhidórgiu ! carrada, cua 1 Maneras de nàrrere csn: pònnere sa ua catigada in c. = incubonare; bogare su mústiu de su c. pro lu pònnere in sa cuba = iscupu, iscubonare; dare c. a sa ua = lassare sa ua catigada in su cubone a budhire unu tantu de tempus; èssiri unfrau coment'e cuponi = ufradu a casidhu, dispiàghidu, annicadu meda Frases su mústiu budhit in sos cupones ◊ a su mústiu si li podet dare prus o prus pagu cubone, segundhu su binu chi si cheret fàghere ◊ su mústiu in su cuboni tocat a dhu murigai unas cantu bortas Sambenados e Provèrbios smb: Cuboni Terminologia iscientìfica stz Ètimu srd. Tradutziones Frantzesu grande cuve de fermentation Ingresu big vat Ispagnolu tina Italianu gròsso tino da vinificazióne Tedescu großer Weinfaß.