gudrillòni , nm: gurdilloni Definitzione gurdone de àghina Sinònimos e contràrios brutone*, budrilloni, gudroni, iscala 1, trone.
gudronài , vrb Definitzione piscare a gudroni (canna cun su filu a prumu).
gudròni , nm: curdoni, gurdone, gurdoni Definitzione s’àghina comente dha bogat su fundhu, ma si narat de àteru frutuàriu puru candho est a meda coment'e a matzu; trintzilleri de bobbois chi leant a piscare / partis de unu g. (de àxina): su cambu o tenaghe, s'iscovili o carena, su pibioni; genias de g.: g. tipiu = budrone afissu; g. sciortu = budrone lascu, iscarenadu, cun pagu pibione Sinònimos e contràrios brutone*, iscala 1, trone Frases gurdoni de méndula, de àxina, de granus de ellera ◊ s'àxina si papat a iscrichillonis ma tui dha papas a gurdonis mannus! ◊ ndi segant su gurdoni a puracedha 2. pisci cassau a gudroni.
guéciu gréciu
guèfa , nf Definitzione pinzos de fémina a betare in conca, genia de isciallu bellu, trebballau Frases no portant retrotu e ne guefa ◊ bestiat sempri de niedhu, a mantellita o a guefa, e a velu calau Terminologia iscientìfica bst Ètimu itl.p.
guéfu, guélfu , nm: guerfu Definitzione genia de druche fatu a bocighedha de pasta cun méndhula mólia e mele, imbodhigau in paperi Sinònimos e contràrios buconetu Frases in sas safatas ant colatu marigosos, guelfos, cartò e turrone Terminologia iscientìfica drc Ètimu spn. güevo.
guèra , nf Definitzione mirare sa g. = pigare s'àteru cun arrispetu; no mirare sa g. a unu = no castiai a carronis a unu Sinònimos e contràrios arraspetu, consideru, regualdu, remiru.
guérciu gréciu
guérfu guéfu
guerníre, guerníri gronníre
guetéri , nm Definitzione
maistu chi faet is coetes e artifítzius de fogu
Sinònimos e contràrios
bruvureri
Frases
custa borta in tristura funt is gueteris poita sa faina megat de mancai! (B.Casula)
Ètimu
srd.
Tradutziones
Frantzesu
artificier
Ingresu
artificier
Ispagnolu
pirotécnico
Italianu
artificière
Tedescu
Feuerwerker.
guètu , nm: coete* Definitzione genia de cosa chi comente leat fogu che artzat càdriu in artu e isparat, mescamente in is festas Sinònimos e contràrios boladore, scuetu Frases su guetu nci essit frusiendi ◊ s'ègua donat una sédhida e nci essit che unu guetu ◊ su piciochedhu si nc'est ghetau che unu guetu, a giogai.
gufítu , nm Definitzione gofitedha minore, istrégiu coment’e iscartedha fata cun pértiga e canna isperrada a tiras longas, a duas asas Terminologia iscientìfica stz.
gugligliòne , nm Definitzione genia de druche fatu coment’e culurgione, cun prenimentu de méndhula Sinònimos e contràrios cruguxoni*, guluglione.
guguliàre , vrb Definitzione su si pesare a gúgulos, èssere a gúgulos, nau de is canes Sinònimos e contràrios abeliai, agruguai, orulare Frases su cane si ndhe pesat solu po si pònnere a guguliare.
gúgulu , nm Sinònimos e contràrios abélidu, agrugu, gruju, gurrúliu, órulu Frases apo inténdhiu unu cane totu sa note a gúgulos malos, pariat pranghèndhoro! Ètimu srd.
gugumbriàxi , nm Sinònimos e contràrios canutzu, chibudhalzu, cugumbiraxu*, sarrone Terminologia iscientìfica crp.
guída , nf Definitzione chie o cosa chi ingitat su camminu, su de fàere; su guidare, su pigare, manigiare unu mezu; elencu de númenes cun indiritzos, números de telèfono Sinònimos e contràrios ghia / elencu.
guidadòre , nm Definitzione chie faet de ghia, ma pruschetotu unu chi leat o manígiat una màchina, unu mezu de trasportu Sinònimos e contràrios ghiadore / autista Terminologia iscientìfica prf.
guidài, guidàre ghidàre