Ditzionàriu in línia
de sa limba e de sa cultura sarda

gannínzu , nm Definitzione su gannire, su istare gannindhe de su cane Sinònimos e contràrios gànnidu, giannitonzu, túnchiu Frases a su ganninzu de sos canes, fachèndheli festa, che fit falau su babbu a l'addopare Terminologia iscientìfica bga Ètimu srd. Tradutziones Frantzesu glapissement Ingresu yelping Ispagnolu gañido Italianu gagnolìo Tedescu Gewinsel.

ganníre , vrb Definitzione su istare a tzúnchios, nau de su cane e de su margiane; nau de gente, abboghinare po dolore forte Sinònimos e contràrios gannitare Frases in cue bi gannit su matzone a s'impudhile ◊ gannit su cane ◊ si no fit pro su gannire de carchi marjane, su mutine de cussu locu fit istatu ispantosu Terminologia iscientìfica bga Ètimu ltn. gannire Tradutziones Frantzesu glapir Ingresu to yelp Ispagnolu gañir Italianu gagnolare Tedescu winseln.

gànnita gànnida

gannitàre , vrb Definitzione su istare a tzúnchios, nau de su cane e de su margiane; s'apedhare de is canes currendho sa fera Sinònimos e contràrios gannire / aciannitai Frases dolimorjosu gànnitat su cane Ètimu srd.

gannítu gànnidu

ganòsa , nf Definitzione apititu meda, gana manna de papare Sinònimos e contràrios fàmene Frases za ti benit sa ganosa, si ti che andhas a triballare chentza mànigu! Ètimu srd.

ganósigu , agt Definitzione chi est disigiandho cosa, chi ndhe tenet gana Sinònimos e contràrios ganosu, inganadu, inganatzidu, inganidu Ètimu srd.

ganósu , agt Definitzione chi est disigiandho cosa, chi ndhe tenet gana meda Sinònimos e contràrios arravanadu, desizosu, ganósigu, imbozadu, inganatzidu, inganidu Frases a sa ganosa fera inchietu zúbilo e ussiàndhela che l'iscúbilo ◊ sas arveghes sunt ganosas de paschinzu ◊ carchi cropa si fit firmada assagadada, ma galu ganosa de ballare ◊ custos funt ganosos de fàere a connòschere is cosas issoro Ètimu ctl., spn. ganós, ganoso Tradutziones Frantzesu désireux Ingresu eager, desirous Ispagnolu deseoso Italianu voglióso, desideróso Tedescu lüstern.

gantíne , nm Definitzione a logos dhu narant po cosa ammesturada, méschia Sinònimos e contràrios ammesturissu, ammesturítzia, ammesturu, ammísciu, misciura.

gantzàju , nm Definitzione chie benit postu in mesu po fàere cójuas Sinònimos e contràrios apagiadori, mandhadàgliu, pabonicu, paraímpiu, tratadore.

gantzelladúra , nf Definitzione su cancellare, cosa cancellada chi abbarrat de si pòdere bíere Sinònimos e contràrios burrone 2, isburrone, rajadura Tradutziones Frantzesu effacement Ingresu erasure Ispagnolu borradura Italianu cancellatura Tedescu Streichen, Streichung.

gantzellàre , vrb: cancellai* Definitzione ammontare cun àtera iscritura una cosa, mescamente cosa iscrita, o fintzes fàere isparèssere de no si bíere prus o fàere a cumprèndhere unu cambiamentu de idea Sinònimos e contràrios burrai, irgantzellare Frases candho ratzismu de totu sa zente in su mundhu at a esser gantzelladu petzi tandho respiro ària de vida (Piras).

gantzéllu , nm: cancellu* Definitzione genia de serru de intrada larga fatu a traessas largas (de linna, de ferru o àteru) Sinònimos e contràrios rastrégliu 1 Frases candho mamma mi che iscampiaiat in s'intrada de su gantzellu, súbbitu li cambiaiat sa chiza e li torraiat su risu ◊ custu gantzellu est de ferru triballadu ◊ ti abberzo su gantzellu pro ndhe intrare sa màchina Terminologia iscientìfica srr.

gantzièra gancèra

gantzigàre , vrb: cantzicare Definitzione mòvere de una parte a s'àtera, a s'andhetorra in manera pàsida de totunu andhare Sinònimos e contràrios bantzicare Frases custa mia pedhàntziga paret candho si gàntzigat s'àrvure chi s'est Giuda impicadu (Limbudu).

gantzilléri , nm: cancelleri* Definitzione genia de impiegau de pretura, de tribbunale Terminologia iscientìfica prf.

gantzítu gancítu

gàntzu gànciu

gànza , nf Definitzione genia de ricamu fatu a suprapuntu.

gaòpu gabòpu