A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

ganghèdha , nf Definitzione afidura, istrinta a su gúturu fata cun ambaduas is manos / pònnere sa (finas sas) ganghedha a unu = istrínghere in su gúturu po dh'allupare Sinònimos e contràrios atzavoga, caspa, gangalita, puligada, tzoga 1 Frases si sunt gherrados e si fint ponzendhe sa ganghedha paribari.

ganghilédhu , nm Definitzione genia de arretza coment’e sacu, po piscare Sinònimos e contràrios arraciallu, arretza, filau, óbiga Ètimu ctl. gánguil Tradutziones Frantzesu guideau (pêche) Ingresu kind of fishing net Ispagnolu red para pescar Italianu àngamo Tedescu eine Art Reuse.

gangòrra , nf Definitzione genia de pigione mannu chi faet in logos de benatzu (istagnu, lagu, girí), dormit e faet su nidu in s'abba: est pigione chi in Sardigna nidat puru e faet is pudhighinos a ispertiadas biancas e niedhas (a mannos su colore est de totunu andhare, iscurosu a parte de palas); si narat fintzes de àteras arratzas de pigiones prus mannos, de mare (colymbus immer, arcticus, c. stellatus) Sinònimos e contràrios malgone Terminologia iscientìfica pzn, podiceps cristatus Ètimu srdn. Tradutziones Frantzesu grèbe (zool.), plongeon Ingresu loon Ispagnolu somormujo lavanco Italianu svasso maggióre, stròlaga Tedescu Haubentaucher.

gangorrèdha , nf Definitzione genia de pigione Sinònimos e contràrios catzolu, coaciolu Terminologia iscientìfica pzn.

gangósu , agt Definitzione nau de ccn., chi portat gangas, trempas grassas Sinònimos e contràrios trempedhudu.

gangrèna , nf: cangrena*, granghena Definitzione male mandhigadore, candho sa carre bia si guastat e morit de infetu Frases su bratzu chimentau a balla li fit fachendhe granghena, chentza curau Terminologia iscientìfica mld.

gàngu gànga

gàngula , nf Sinònimos e contràrios ganga Frases si ti ponzo manos in gàngulas t'uchio!

gangúle , nm Definitzione su pannenanti o pannixedhu de is boes e bacas, sa pedhe chi portant asuta de su tzugu pendhe pendhe (de longu) Sinònimos e contràrios arràndula, gangale Terminologia iscientìfica crn Ètimu srd. Tradutziones Frantzesu fanon de taureau Ingresu dewlap Ispagnolu cadena Italianu giogàia, pagliolàia Tedescu Wamme.

gangulíta, gangullíta gangalíta

gangulústas gangalústas

ganía , nf Definitzione gana manna, disígiu meda, prus che àteru de genia sessuale Sinònimos e contràrios gana / insoadura Frases sa gania disizosa de su càntigu e s'irbadhinamentu de sa cursa che li fint pigados a conca ◊ a dommo de sa gania ch'est andhau su fàmmene… Ètimu srd. Tradutziones Frantzesu grand plaisir sexuel Ingresu intense lust Ispagnolu libídine, lujuria Italianu intènso desidèrio sessuale Tedescu Geilheit, Begierde.

ganíle , nm Definitzione fàmene, gana manna de papare Sinònimos e contràrios fàmene, gana Frases nessune travagliaiat pro produire mànnicu, ma metas fint apretatos dae su ganile (A.Pau)◊ su ganile non mi dat pasu Ètimu srd.

gannaròtza , nf: cannarotza* Definitzione sa canna de su gúturu Sinònimos e contràrios bula, gúturu Frases crachissinci su didu in buca fintzas a sa gannarotza, ca gei dhi fait efetu! Terminologia iscientìfica crn Tradutziones Frantzesu gorge, gosier Ingresu windpipe Ispagnolu garganta Italianu gorgòzzo Tedescu Speiseröhre.

gànnas , nf Definitzione nau prus che àteru pl., totu is cannas de su gúturu / cumprendherebichela in g., a ccn. = cumprèndhere a ue cheret assuprire, ite bolet, ite bolet nàrrere chentza chi mancu acabbet de s'ispiegare, fintzes solu po calecunu foedhu chi at nau Sinònimos e contràrios gannighina Frases l'at bínchidu passèndheli sa rasorza in gannas 2. cussa pisedha ti che at cumpresu in gannas totu sas fàulas chi ancora as de nàrrere!(S.Saba)◊ custa faghiat unu muntone de dispetos, pariat chi ti che la cumprendhiat in gannas sa cosa, e piús timias e piús ti ndhe faghiat Terminologia iscientìfica crn.

gannèdha , nf: cannedha* Definitzione ossu a cannedhu (de sa serra de sa camba) Sinònimos e contràrios cambedha, tílviu, tínchinu Frases su latzu dh'intràt in gannedhas, cassau a cambas.

gànnida , nf: gànnita Definitzione genia de apédhidu airadu chi faent is canes candho funt currendho sa fera; nau de gente, boghes de dolore forte Sinònimos e contràrios agiannitu, giànnida Frases sos posteris sont avisatos dae sas gànnitas de sos canes apenas chi pesant a sirvone Terminologia iscientìfica bga Ètimu srd.

gànnidu , nm: gannitu Definitzione genia de apedhóngiu chi faent is canes cracandho sa fera Sinònimos e contràrios ganninzu, túnchiu Frases ch'essit su sirvone ispaventau e comintzant sos canes a gannitos Terminologia iscientìfica bga Ètimu srd.

gannidúra , nf Definitzione su gannire de su cane, su istare gannindhe Sinònimos e contràrios gànnidu, túnchiu Ètimu srd. Tradutziones Frantzesu gémissement, glapissement Ingresu whining, howling Ispagnolu gañido Italianu mugolaménto Tedescu Winseln.

gannighína , nf: cannighina* Definitzione nau prus che àteru pl., totu is cannas de su gúturu (ingurtidórgiu, canna de is prumones, venas e artérias); fintzes gúturu, su tretu de ananti in su tzugu, fora / leare a gannighinas = pònnere s'atzavoga, istrínghere su gúturu cun ambaduas manos, fàere allupare Sinònimos e contràrios ganga, ganna, neba Frases unu ciopu biancu at cunzau sa gannighina a unu poete nighedhu 2. s'orcu, ponindhe sa manu in gannighinas, afogaiat sos chi aiant bidu su sidhadu Terminologia iscientìfica crn.