A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

gepidòre, gepidòri , agt, nm: ghepidore Definitzione chi o chie depet cosa a un'àteru Sinònimos e contràrios depidore*.

gépidu , nm Definitzione cosa o tanti chi si depet Sinònimos e contràrios dépidu* Frases ti pago gépidos antigos ◊ babbu, no serbit chi si acabbit de carriai de gépidus po mimi!

gèpiri gèpere

gèra , nf Definitzione marcu de guastu in frutuàriu, dentes o àteru Sinònimos e contràrios màcia, màcua, taca 3.

geràda , nf: girada 1 Definitzione ue che betant su trigu (o àteru laore) a mòlere Sinònimos e contràrios magiolu 1, molinzone Ètimu srd.

gerània, geràniu , nf, nm: geranu, ziranu Sinònimos e contràrios erbarosa, malvarosa Frases pariat unu testu de gerànias sicadas ◊ pares rosa, colóvuru o geranu pro s'oju chi ti osservat dae tesu Terminologia iscientìfica frs Tradutziones Frantzesu géranium Ingresu stork's bill Ispagnolu geranio Italianu gerànio Tedescu Geranie, Storchschnabel.

gerarchía , nf: zerarchia Definitzione foedhu grecu po nàrrere is grados de su cumandhu assentaos in órdine de podere (e de chie cumandhat puru, e deosi sa gerarchia funt is autoridades in órdine po su podere chi tenet donniuna).

gerbédhu , nm: cerbedhu* Sinònimos e contràrios carbedhu, tzelembros Frases presumiu, uges in conca gerbedhu de puzone!

gérbu , nm Sinònimos e contràrios cherfu 1, cerbu* Terminologia iscientìfica anar.

gèrda gèlda

gèrda 1 gèdra

gerdàtzu , nm Definitzione costana de su carru, una a cada bandha Sinònimos e contràrios gelda.

geregàre gegherài

gerésia , nf: carésia Sinònimos e contràrios cariasa, ceràsia.

gerína , nf: cerina* Definitzione logu po pònnere su porcu; logu serrau po dhue pònnere bestiàmene tenturau; in is cuiles, logu ammontau po ammamare is crabitos, is angiones Sinònimos e contràrios acorru, ammamadorju, chirra, crina, irchile, seperadorju Sambenados e Provèrbios smb: Gerina Terminologia iscientìfica pst.

gerína 1 genína Sambenados e Provèrbios smb:

germàna , nf Sinònimos e contràrios cunsorre.

germandàdi , nf: germendadi, germendari Definitzione sótziu de cufrades germanus / passai a germendari = colare o andhare a fiotu Sinònimos e contràrios arrega 2, crofaria Frases sa germendari de su Sepurcu pentzàt sempri a interrai is mortus de poboresa Ètimu ctl. germandat Tradutziones Frantzesu confrérie Ingresu brotherhood Ispagnolu cofradía Italianu confratèrnita Tedescu Bruderschaft.

germanésu , agt Definitzione chi pertocat sa Germània, chi o chie est de Germània Sinònimos e contràrios tedescu Ètimu srd.

germanítu , nm: ghermanitu, zermanitu Definitzione fradile de tertzu gradu o ermanu veru: a logos, manu beru Sinònimos e contràrios bremanitu Terminologia iscientìfica ptl Ètimu srd.