A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

gràtzia , nf: aratza Definitzione frores, caramellas, trigu, sale, muscardinos chi betant a is isposos ananti de sa genna de domo o essindho de crésia po dhis augurare abbundhàntzia, bona fortuna e sabidoria Sinònimos e contràrios sprexa, títia Frases sa mama at ghetau sa gràtzia a is cojaus nous Terminologia iscientìfica sntz.

gràtzia 1 gràcia

Gratziànu , nm Definitzione númene de ómine.

gratziàre grassiàre

gratziósu grasciósu

gràtzu , nm Definitzione bratzu, nae de linna Frases a sa britzicreta s'aiat ligatu unu gratzu de crujura e botedhos meta, chi fachiant unu degógliu niedhu.

graúntzulu , agt Definitzione chi est unu pagu grae Sinònimos e contràrios graitu, graixedhu.

graúra , nf Definitzione su èssere pesosu, grae, su pesare de is cosas Sinònimos e contràrios graesa, grajori, pesantori | ctr. lebiesa Ètimu srd.

gràve , agt: gravi Definitzione dhu narant pruschetotu de maladias e malàidos chi istant male meda, o de cosas male fatas po su dannu meda chi podent èssere, de unu male perigulosu / fai su gravi (nadu de su fàghere de unu)= dàresi importàssia manna, de comente faedhat Sinònimos e contràrios troposu Ètimu itl. Tradutziones Frantzesu grave Ingresu serious Ispagnolu grave Italianu grave Tedescu schwerkrank.

gràve 1 gràe

gravedàdi , nf: gravidade Definitzione su èssere grave, apretosu de una cosa o chistione; in física, sa g. est sa fortza chi at sa Terra de si atirare sa cosa e po cussu sa fortza chi faet orrúere sa cosa a terra, sa fortza chi nosi faet nàrrere chi una cosa est grae o, méngius, tenet pesu, pesat Sinònimos e contràrios gravesa Frases tue no l'as crétidu sa gravidade e dipesu ndhe li est su dannu! Tradutziones Frantzesu gravité Ingresu gravity Ispagnolu gravedad Italianu gravità Tedescu Schwere.

gravédhu, gravégliu grabéllu

gravellína , nf: grevellina Definitzione genia de gravellu profumau Frases celestiale grevellina de s'ermosu viridàriu Terminologia iscientìfica frs.

gravellínu , nm Definitzione genia de erba chi narant puru granu de pèbaru Sinònimos e contràrios niedhone Sambenados e Provèrbios smb: Gravellino Terminologia iscientìfica rba, Silene gallica.

gravellósu , agt: grivilliosu, grivillósigu, grivillosu Definitzione chi dhi faent ischifu is cosas, chi dhas crisat Sinònimos e contràrios afastiadori, arritzosu, ascamosu, ascosu, coniosu, ghelestiosu, grighilliosu, ingrivigliosu, pilingosu, pisigarzu, pullinu, schivinosu, stogumosu, strichidheri Frases su bestiolu, fendu su gravellosu, iat isceti tastau sa palla e ndi dh'iat ispudada ◊ carincunu fut grivillosu e no borèt papai pècia de muenti ◊ is coidoris, pagu grivillósigus, tastànt is figadedhus mancai unu pagu brutus de cinisu Terminologia iscientìfica ntl Ètimu itl. cavilloso Tradutziones Frantzesu chichiteux Ingresu fussy Ispagnolu melindroso Italianu schizzinóso, schifiltóso Tedescu wählerisch.

gravéllu grabéllu

gravéllu 1 gavéllu

gravérzu grabéllu

gravèsa , nf Definitzione su èssere grave de una cosa o chistione, de unu male Sinònimos e contràrios gravedadi Frases tocat a connosci sa gravesa de custus pecaus!

gravèta giavèta