A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

impalitàda , nf: impallitada Definitzione su impalitare; tanti de cosa chi si podet pigare cun sa palita Frases est unu dominàriu antigu e malegontzu, chentza bi dare una passada de carchina e ne un'impalitada de cosa a sas pèscias de sos muros Ètimu srd.

impalitài, impalitàre, impalitàri , vrb Definitzione giare a is muros unu primu pígiu de ischedradura / impalitare unu dannu a unu = incurpare a unu chentza neghe, betàreli neghe Sinònimos e contràrios arrabbussai, arraspagliai, impilatzare, incalchinare, intunigare, irrustigare Frases su maistu de muru est impalitanno sa domo noa Ètimu srd.

impalitónzu , nm Definitzione trebballu chi si faet a palita, ischedradura.

impalitzàda , nf Definitzione reparu fatu de puntedhos, de linnàmene Ètimu srd.

impalitzài, impalitzàre , vrb Definitzione fàere reparu de puntedhos, de linnàmene Sinònimos e contràrios paliciai Ètimu srd.

impàliu , nm Definitzione genia de pabaglione de lussu, poderau in artu cun bàtoro fustes, po bogare su Santíssimu in crufessone Sinònimos e contràrios baldachinu, doséliu, pàliu* 1, subacelu Tradutziones Frantzesu baldaquin, dais Ingresu canopy Ispagnolu baldaquín, dosel Italianu baldacchino Tedescu Baldachin.

impallàda impagliàda

impalladòri , agt, nm: impallarori Definitzione chi o chie imbestit trastos cun fenu Frases fiat una fémina impalladora de professioni.

impallài impagliài

impallaròri impalladòri

impalliàda impagliàda

impalliàre impagliài

impallitàda impalitàda

impalonàdu , pps, agt Definitzione de impalonare; chi est coment'e unu palone, prantau; nau de unu po s'idea de fàere, chi est mandrone Sinònimos e contràrios arradicau / ficadu, istantàrgiu / praitzosu 2. su camareri, intendhindhe gai, restat pensamentosu, impalonadu.

impalonàre , vrb Definitzione pònnere palones, puntedhos o àteru deasi po poderare prantada ccn. cosa Sinònimos e contràrios afrucaxai, apontedhae, arradicare, impalai Frases una pianta cheret impalonada ca su bentu li daet seju feu ◊ sa binza mi l'apo impalonada, prendho sa bide e su bentu no faghet dannu Ètimu srd.

impaloncàre , vrb Definitzione istare o abbarrare istrantàgios, prantaos Sinònimos e contràrios aprantamonare 2. su pàrracu, a funtzione cumprida, fit impaloncadu addainanti a sa gianna de chéxia.

impamentadúra , nf Sinònimos e contràrios apamentadura, arregioladura Ètimu srd. Tradutziones Frantzesu dallage, pavage, carrelage Ingresu flooring Ispagnolu pavimentación Italianu pavimentazióne Tedescu Belegung des Fußbodens.

impamentàre , vrb Definitzione pònnere o fàere su pomentu Sinònimos e contràrios apamentae Ètimu srd.

impamentàu , pps, agt Definitzione de impamentare 2. sa corte est impamentada chin terra.

impamparriàdu , pps, agt: isbambarriadu, ispamparriadu Definitzione de impamparriare; chi est apertu deunudotu Sinònimos e contràrios scampaniau Frases chelos ispamparriados Tradutziones Frantzesu grand ouvert Ingresu wide open Ispagnolu abierto de par en par Italianu spalancato Tedescu aufgesperrt.