A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

incoduài , vrb Definitzione fàere su pomentu a pedra, mescamente in is orrugas Sinònimos e contràrios impedrare 2. sa bia no fut incoduada e ne asfaltada.

incoduàu , nm Definitzione logu in terra o pomentu fatu a pedra (códua) Sinònimos e contràrios cogorau, impedradu, incocodau, incodau Ètimu srd. Tradutziones Frantzesu pavé de cailloux Ingresu cobbled paving Ispagnolu empedrado Italianu acciottolato Tedescu Steinpflaster.

incoduléri , nm Definitzione maistu chi faet incodaos Sinònimos e contràrios allosadori, impedradore, imperdaderi, salciadore Ètimu srd.

incoedhàdu , agt Definitzione chi portat su bestire a coedhas o alas longas Ètimu srd.

incoedhàre , vrb Definitzione pigare o pònnere in coa (o in sa coedha) e, in cobertantza, badangiare Sinònimos e contràrios incoare Ètimu srd.

incoetài , vrb Definitzione fàere andhare a dovere, a unu, pònnere a prumu a unu Sinònimos e contràrios incarrebai.

incofài , vrb Definitzione cumbínchere a ccn. a ingannu, pigandhodhu a trampa Sinònimos e contràrios cofai, coglionai, imbrogliai, ingannai Frases bai ca no m'as a incofai tui, no! ◊ est su coloru chi m'at incofau, at nau Eva (M.Pani).

incóglidu , pps, agt Definitzione de incoglire; chi at ingortu dimónios Sinònimos e contràrios abbundhoradu, acrabinadu, assurviladu, foraldómine, indemoniadu, indiaulau, spiridau Frases ite at incógliu, oe? 2. ite tenet cuss'incóglidu?! Tradutziones Frantzesu possédé Ingresu possessed Ispagnolu obseso, poseído Italianu ossèsso Tedescu besessen.

incoglíre , vrb Definitzione intrare bundhos, portare dimónios Sinònimos e contràrios assurvilare, indiaulare, ingòllere, ispiridare Frases peràulas e néula andhant afianzadas e malu a iscobèrrere est su carru cun sa sabiesa, ruent làcanas assentadas e àteras divèscias ndh'incoglis.

incógnita , nf Definitzione in matemàtica, valore chi no si connoschet, de agatare faendho unu càrculu; cosa chi no si connoschet.

incogonitàre , vrb Definitzione sestare su pane grussu Ètimu srd.

incogoristídu , agt Definitzione inchighiristadu, chi est a crogorista fata, coment'e arrennegau giaendho a pitzu a ccn. Sinònimos e contràrios incrapudhiu Frases movet sas alas incogoristida e impugnat sas úngias contr'a mie (P.Pisurzi) Ètimu srd.

incogorostàu , agt Definitzione chi portat crosta, pígiu grussu de brutore, aradhosu Sinònimos e contràrios arradhonidu Ètimu srd.

incogotidúra , nf Sinònimos e contràrios incrapudhidura Ètimu srd.

incogotíri , vrb Definitzione fàere orrúbiu che pudhu (cogoti) po arrennegu, carda, tzacu Sinònimos e contràrios incrabudhire Ètimu srd.

incogotíu , pps, agt Definitzione de incogotiri; ruju meru, orrúbiu che pudhu, che cogoti Sinònimos e contràrios incrapudhiu 2. si fiat firmau po dha chistionai: totu incogotiu, abbrebuliada chene si cumprèndiri su chi naràt ◊ chi sa faci si orrúbiat podit èssiri incogotia.

incoída , nf Definitzione su si giare presse, cricare de fàere lestros Ètimu srd.

incóida , nf Definitzione móvia de sa carena a cara a denanti, o apalas / fàghere un'incóida a innanti, a insegus = ispínghere su culu a dainanti, a daisegus Sinònimos e contràrios inculada Frases so famida e mastighendhe a buca bóida: si no fato calch'incóida assiet chi mi ndhe sere?! No dat mancu piaghere cussu indelvesu! (A.D.Migheli) Ètimu srd. Tradutziones Frantzesu reculade Ingresu recoil (ing) Ispagnolu reculada Italianu rinculata, rinculo Tedescu Zurückweichen, Rückstoß.

incoíre , vrb Definitzione fàere impresse Sinònimos e contràrios acoidai Frases incoi, fizu meu, ca ch'est taldu! ◊ sa messera 'e sa vida est incoinne: su mere ispetanne est in s'arzola! (M.Maicu) Ètimu srd.

incoíre 1 , vrb Definitzione cuncordare e frorigiare sa coa (de su cuadhu) po is festas Ètimu srd.