A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

incispíre , vrb Definitzione coment'e mandhare o bogare cispa, ischintídhias, catzare fogu, nau in cobertantza de una manera de fàere fogosa, forte, airada Ètimu srd. Tradutziones Frantzesu flamboyer, faire fureur Ingresu to blaze, to be the rage (all) Ispagnolu chispear Italianu fiammeggiare, furoreggiare Tedescu aufflammen, großen Erfolg haben.

inciucadúra , nf Sinònimos e contràrios cagogna, cimbrea, ciuchera Ètimu srd.

inciucàre , vrb Definitzione bufare a tropu (binu o àteru cun àrculu) Sinònimos e contràrios abbumbare, abburraciai, aciumai, cionciare, ciucare, imbreacare Ètimu itl. inciuccar(si).

inciuciàre , vrb Sinònimos e contràrios assagiai, atastare, gustai, ticare / mascare Ètimu srd.

inciufíe , vrb Definitzione intzichire, intzudhire, su si betare cun airu a calecuna cosa Sinònimos e contràrios atzutzudhire / afarcai.

inciulài , vrb: (in-ciu-la-i) insulai insullai, intullae, intzugliai, intzulai, intzullae, intzullai, intzullare, untzulai Definitzione betare o pònnere su cane a ccn. o a unu pegus; nàrrere, fichire ideas in conca a unu po dhu cumbínchere a fàere calecuna cosa, po dhu pònnere contra a s'àteru Sinònimos e contràrios aciopai, aggussire, atiare, auntzare, birbillare, incidai, inciliare, incirigare, insissiligai, intzullire, inzibbire, issolociare, ubetzare / intriscare, mincidiare, suberiare, tinghitare / insuai | ctr. caciare Frases dh'iant intzullau unu cani, datu ca no dhu podiant sighiri ◊ po dhu cassai dh'intzullant unu cani fonnesu in fatu 2. is domínius ant fatu destrossu insulendi chi sa língua sarda est nemiga de su progressu! (G.Lilliu)◊ a sa pessone chi si lassat intzullare li narant chi est unu tzullu ca lu picant comente cherent Ètimu srd. Tradutziones Frantzesu inciter, pousser Ingresu to urge Ispagnolu instigar Italianu istigare Tedescu verleiten.

inciumída , nf Definitzione su inciumire, bufada Sinònimos e contràrios bíbia Ètimu srd.

inciumidòre , nm: inciummadore Definitzione chie bufat (binu) meda Sinònimos e contràrios bibidore, bufadore, trincadore Ètimu srd. Tradutziones Frantzesu gros buveur Ingresu drunkard Ispagnolu cuba Italianu beóne Tedescu Trinker.

inciumíre , vrb: inciummire Sinònimos e contràrios abbumbare, aciumai, inciummare, trincai, tzumire Frases si atelat sa cariadura de sa símula annanghendhe ozu porchinu in cantidade pro chi ndh'inciumat fintzas a violare ◊ inciumit su mucarolu in s'abba pro infúndhere sa meragna a su cumpanzu Tradutziones Frantzesu imbiber Ingresu to soak Ispagnolu embeber Italianu imbévere Tedescu tränken.

inciummadòre inciumidòre

inciummàre , vrb Definitzione bufare (binu) meda Sinònimos e contràrios abbumbare, acirrai, aciumai, bufae, imbreacare, inciumire*, ingullire, trincai Tradutziones Frantzesu pinter Ingresu to booze Ispagnolu empinar el codo Italianu sbevazzare Tedescu saufen.

inciummíre inciumíre

inciunàre , vrb Sinònimos e contràrios grunare, incrunai.

inciúndi, inciúndiri , vrb Definitzione pònnere in s'abba, betare abba o àteru deasi po ndhe fàere suspire unu pagu a calecuna cosa (o fintzes po ifriscare, umidare) Sinònimos e contràrios abbagnare, bagnai, ifúndhere, insúndhere, isfúndhere | ctr. asciutai, frobbire, strexi Frases immó m'inciundu pagu pagu is laus! ◊ cun àcua callenti s’inciundestus is manus e, cun su própiu tanti de pasta, festus sa forma de dónnia pani.

inciungiàe, inciungiài, inciungiàri incignàre

inciupadúra , nf Definitzione su inciupare Frases comenti dh'at cassau s'àcua a istracia portat sa bestimenta totu un'inciupadura, una gutera! Ètimu srd.

inciupài, inciupàre , vrb Definitzione fàere una cosa (abba, late o àteru deasi) coment'e a suspidura, comente podet fàere un'istràciu, un'ispòngia o àteru Sinònimos e contràrios aciupae, assuspiri, impapare, imbibbiri, sultzire, sulviare, surbare 1, surbiri, suspiare Frases deris tota sa note at sighidu a rúere selena una mudhina e sa terra si ndh'est inciupada in dogni vena ◊ no arresistis a sa fortza manna de is montis chi ti s'inciupant coment'e una proja Ètimu spn. chupar Tradutziones Frantzesu imbiber, absorber, tremper Ingresu to soak Ispagnolu embeber, empapar Italianu imbévere, assorbire, inzuppare Tedescu tränken.

inciupídu , pps, agt Definitzione de inciupire; chi at suspiu abba (o àteru deasi) meda Sinònimos e contràrios abbúrbiu 2. sas pedras ladas sunt ancora in cue inciupidas in s'abba (V.Falchi).

inciupíre , vrb Sinònimos e contràrios aciupae, assumire, assuspiri, aciupiri, imbibbiri, inciupai*, sultzire, suspire Frases su pane russu inciupit abba meda.

inciuríri , vrb Definitzione its, inciariri? bufare? Frases aundi s'inciurit dhu lassu andai, e prus atesu puru.