A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

incispíre , vrb Definizione coment'e mandhare o bogare cispa, ischintídhias, catzare fogu, nau in cobertantza de una manera de fàere fogosa, forte, airada Etimo srd. Traduzioni Francese flamboyer, faire fureur Inglese to blaze, to be the rage (all) Spagnolo chispear Italiano fiammeggiare, furoreggiare Tedesco aufflammen, großen Erfolg haben.

inciucadúra , nf Sinonimi e contrari cagogna, cimbrea, ciuchera Etimo srd.

inciucàre , vrb Definizione bufare a tropu (binu o àteru cun àrculu) Sinonimi e contrari abbumbare, abburraciai, aciumai, cionciare, ciucare, imbreacare Etimo itl. inciuccar(si).

inciuciàre , vrb Sinonimi e contrari assagiai, atastare, gustai, ticare / mascare Etimo srd.

inciufíe , vrb Definizione intzichire, intzudhire, su si betare cun airu a calecuna cosa Sinonimi e contrari atzutzudhire / afarcai.

inciulài , vrb: (in-ciu-la-i) insulai insullai, intullae, intzugliai, intzulai, intzullae, intzullai, intzullare, untzulai Definizione betare o pònnere su cane a ccn. o a unu pegus; nàrrere, fichire ideas in conca a unu po dhu cumbínchere a fàere calecuna cosa, po dhu pònnere contra a s'àteru Sinonimi e contrari aciopai, aggussire, atiare, auntzare, birbillare, incidai, inciliare, incirigare, insissiligai, intzullire, inzibbire, issolociare, ubetzare / intriscare, mincidiare, suberiare, tinghitare / insuai | ctr. caciare Frasi dh'iant intzullau unu cani, datu ca no dhu podiant sighiri ◊ po dhu cassai dh'intzullant unu cani fonnesu in fatu 2. is domínius ant fatu destrossu insulendi chi sa língua sarda est nemiga de su progressu! (G.Lilliu)◊ a sa pessone chi si lassat intzullare li narant chi est unu tzullu ca lu picant comente cherent Etimo srd. Traduzioni Francese inciter, pousser Inglese to urge Spagnolo instigar Italiano istigare Tedesco verleiten.

inciumída , nf Definizione su inciumire, bufada Sinonimi e contrari bíbia Etimo srd.

inciumidòre , nm: inciummadore Definizione chie bufat (binu) meda Sinonimi e contrari bibidore, bufadore, trincadore Etimo srd. Traduzioni Francese gros buveur Inglese drunkard Spagnolo cuba Italiano beóne Tedesco Trinker.

inciumíre , vrb: inciummire Sinonimi e contrari abbumbare, aciumai, inciummare, trincai, tzumire Frasi si atelat sa cariadura de sa símula annanghendhe ozu porchinu in cantidade pro chi ndh'inciumat fintzas a violare ◊ inciumit su mucarolu in s'abba pro infúndhere sa meragna a su cumpanzu Traduzioni Francese imbiber Inglese to soak Spagnolo embeber Italiano imbévere Tedesco tränken.

inciummadòre inciumidòre

inciummàre , vrb Definizione bufare (binu) meda Sinonimi e contrari abbumbare, acirrai, aciumai, bufae, imbreacare, inciumire*, ingullire, trincai Traduzioni Francese pinter Inglese to booze Spagnolo empinar el codo Italiano sbevazzare Tedesco saufen.

inciummíre inciumíre

inciunàre , vrb Sinonimi e contrari grunare, incrunai.

inciúndi, inciúndiri , vrb Definizione pònnere in s'abba, betare abba o àteru deasi po ndhe fàere suspire unu pagu a calecuna cosa (o fintzes po ifriscare, umidare) Sinonimi e contrari abbagnare, bagnai, ifúndhere, insúndhere, isfúndhere | ctr. asciutai, frobbire, strexi Frasi immó m'inciundu pagu pagu is laus! ◊ cun àcua callenti s’inciundestus is manus e, cun su própiu tanti de pasta, festus sa forma de dónnia pani.

inciungiàe, inciungiài, inciungiàri incignàre

inciupadúra , nf Definizione su inciupare Frasi comenti dh'at cassau s'àcua a istracia portat sa bestimenta totu un'inciupadura, una gutera! Etimo srd.

inciupài, inciupàre , vrb Definizione fàere una cosa (abba, late o àteru deasi) coment'e a suspidura, comente podet fàere un'istràciu, un'ispòngia o àteru Sinonimi e contrari aciupae, assuspiri, impapare, imbibbiri, sultzire, sulviare, surbare 1, surbiri, suspiare Frasi deris tota sa note at sighidu a rúere selena una mudhina e sa terra si ndh'est inciupada in dogni vena ◊ no arresistis a sa fortza manna de is montis chi ti s'inciupant coment'e una proja Etimo spn. chupar Traduzioni Francese imbiber, absorber, tremper Inglese to soak Spagnolo embeber, empapar Italiano imbévere, assorbire, inzuppare Tedesco tränken.

inciupídu , pps, agt Definizione de inciupire; chi at suspiu abba (o àteru deasi) meda Sinonimi e contrari abbúrbiu 2. sas pedras ladas sunt ancora in cue inciupidas in s'abba (V.Falchi).

inciupíre , vrb Sinonimi e contrari aciupae, assumire, assuspiri, aciupiri, imbibbiri, inciupai*, sultzire, suspire Frasi su pane russu inciupit abba meda.

inciuríri , vrb Definizione its, inciariri? bufare? Frasi aundi s'inciurit dhu lassu andai, e prus atesu puru.