A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

inciuríu inciadíu

inciuròsa , nf Sinonimi e contrari cimbrea, cochera, coichina, cotóbbia, imbreachera Etimo srd.

inciurpài , vrb: insurpai, insurpare, inturpare, intzurpai, intzurpare, itzurpai Definizione essire o fàere tzurpu, menguare o bènnere mancu sa vista e, in cobertantza, sa capacidade de cumprèndhere, bíere s’arrexone, su giustu, sa cosa giai crara Sinonimi e contrari atzecare, incegai, inturpire, intzeghire, tzurpai Frasi seu beniu po fai biri a is itzurpus e po itzurpai a chini nat ca nci bit 2. surdos e inturpados, faghent sa gherra cumbintos de leare sa vitória! ◊ intzurpada dea su dinare s’iat béndhiu sa cusciéntzia e s’ànima a su tiàulu ◊ sas banidades inturpant sa zente ◊ totu intzurpadu de sa passione abbratzat sa mundhana professione Etimo srd. Traduzioni Francese crever les yeux, aveugler Inglese to blind Spagnolo cegar Italiano accecare Tedesco blind machen, blind werden.

inciurpàu , pps: inturpau Definizione de inciurpai Sinonimi e contrari intzecau Traduzioni Francese aveuglé Inglese blinded Spagnolo cegado Italiano accecato Tedesco blind geworden.

inciuspiài incespiài

inciústa , nf Definizione su s'inciúndiri Sinonimi e contrari ifusta, ifustura Frasi de basca e de inciustas gei nd'at pigau fendi su postinu!… (E.Tola) Etimo srd.

inciústu , agt, pps: insustu, isciustu, issustu, sciustu Definizione de inciundi; chi dhi at fertu abba, chi giughet abba o cosas deasi / isciustu che carroga = colagola, tirchiatírchia Sinonimi e contrari abbugnadu, ifustu | ctr. asciutu, istréxiu Frasi si at issustu sos pódhighes in s'abba santa 2. est insustu de suore ◊ sas fozas de sos àlvures parent insustas in s'oro ◊ s'erba est inciusta de arrosina ◊ sa vida est custa: sa luna budhia e s'abba issusta! ◊ in moris isciustus de ódiu ammostat duus ogus de pantàsima ◊ est difícili chi cussus cambus inciustus tengant a pampa Traduzioni Francese mouillé Inglese wet Spagnolo mojado Italiano bagnato Tedesco durchnäßt.

inciustúra , nf Definizione su èssere isciustu, fintzes tretu isciustu cun abba meda, lurtzina Sinonimi e contrari abbadinu, allarzu, bràina, ifustura, lotzina, sfustori, sfustura Frasi su mestieri de su maistu de pannu est sanu, trabballat aintru, sentza de inciustura ◊ de inciusturas cantu ndi apu pigau in notis de àcua, fendi su pastori!… Etimo srd.

inciuvíri , vrb Definizione calare o abbasciare una cosa a fundhu, aintru de calecun'àtera cosa (es. abba, ludu) Sinonimi e contrari aciufae Frasi mi ant tocau sa màchina: calincunu càmiu nci at inciuviu su còfanu.

incivíri , vrb Definizione intzertare, fàere intzertu, fàere bene fintzes no ischindho comente Sinonimi e contrari ingertai, intzichire.

incivíu , pps, agt Definizione de inciviri; chi est andhau o arresurtau bene Sinonimi e contrari ingertau, revéntidu.

incixíe, incixíri incillíri

incixiristàri inchighiristài

inclàustru , nm Sinonimi e contrari cumbentu, monastériu.

inclavadúra , nf: incravadura Definizione su inclavare Sinonimi e contrari cravadura, incravamentu, puntzadura | ctr. iscravadura Etimo srd.

inclavài, inclavàre , vrb: incravai, incravare, ingravare Definizione pònnere is craos, firmare cun is craos, nau mescamente de Cristos o de unu apicau a sa grughe; firmare, agguantare firmu coment'e ponendho craos Sinonimi e contrari crocifissare / ciaitare, cravillai, inciaire, incravillai, ingiaitare, obbilai | ctr. isclavai Frasi de Deus su Fizu divinu su mundhu at créfiu salvare candho in sa rughe si est lassau incravare (G.Caddeo)◊ su buginu dh'abbrancat una manu po si dha incravai ◊ po ti èssi postu tanti amori ti dh'as bófiu incravai 2. citu, no musciat, incravau in fundu de s'errori Etimo srd. Traduzioni Francese crucifier, enfoncer, fixer Inglese to crucify, to hammer Spagnolo crucificar, enclavar Italiano crocifìggere, confìggere Tedesco kreuzigen, annageln.

inclinàda , nf: incrinada Definizione su merie candho est cumenciandho a iscurigare Sinonimi e contrari immurinadorzu, inchinadorzu, interighinada, interinada, intríchinu, irmurinada, iscuricada, iscurigadolzu, murriadrosu Frasi sos puzones a trumas beniant a drommire a s'incrinada ◊ comintzesit su sero a s'inclinada a pròere: ite notada de abba! Terminologia scientifica sdi Etimo srd.

inclinadórzu inchinadórzu

inclínu inchínu

incluíri , vrb Definizione pònnere o cunsiderare in mesu, betare a mesu de calecuna cosa, pònnere impare cun àtera cosa Etimo spn. incluir.