A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

incincinnadúra , nf Definizione su incincinnare is pilos, su dhos fàere (o su èssere fatos) totu a lorighedhas, anedhaos Sinonimi e contrari allorichitadura, anedhadura, arrulladura, frisadura Etimo srd.

incincinnàre , vrb Definizione allorighedhare is pilos Sinonimi e contrari allorichitare, anedhai, arrullai, frisai, riciulare | ctr. istirai Etimo itl. cincinnare Traduzioni Francese anneler, boucler Inglese to curl Spagnolo ensortijar Italiano inanellare Tedesco ringeln.

incingiàda , nf Definizione su primu impreu chi si faet de una cosa noa Sinonimi e contrari incingiadura, incíngiu Etimo srd.

incingiadúra , nf Definizione su primu impreu chi si faet de una cosa noa, su incingiai Sinonimi e contrari incíngiu, istrinu Frasi oi is autoridadis faint s'incingiadura de s'òpera noa Etimo srd. Traduzioni Francese inauguration Inglese inauguration Spagnolo inauguración, estreno Italiano inaugurazióne Tedesco Einweihung.

incingiài, incingiàre incignàre

incíngiu , nm Definizione su primu impreu chi si faet de una cosa noa Sinonimi e contrari incingiadura, istrinu Etimo srd.

incingrài , vrb Definizione acapiare cun su chintórgiu, pònnere sa cringa Sinonimi e contrari achingiai, chingrare, cingrai Etimo srd.

incinisadúra , nf Definizione su incinisai, inchisinadura, brutore de chinisu, pígiu de chinisu Etimo srd.

incinisàe, incinisài, incinixài inchijinàre

inciobodhàre , vrb Definizione betare apare, totu ammesturau, a s'afaiu, avolotare Sinonimi e contrari aciorobedhare, inciorodhare / abbolojare, intruai Frasi si l'inciobodhamus, cussu trainu essit luadu.

incioitàre , vrb Sinonimi e contrari ciaitare, cioitare | ctr. ircioitare.

inciolài , vrb: insolae, insolai, insolare, issolare Definizione pònnere sa sola una segundha bortas a is iscarpas Sinonimi e contrari assolare, impetare Frasi su cartzeraju est insolendhe unu paju de cracas ◊ su sabbateri at insolau is crapitas a pedhi grussa ◊ cantu mi costat a inciolai custas crapitas? Etimo srd. Traduzioni Francese ressemeler Inglese to resole Spagnolo remontar Italiano risuolare Tedesco neu besohlen.

incionàda , nf: insonada, intzonara, issonada Definizione coment’e sonu o sonada, su chi s'intendhet o chi si assaborit o si arrennescet a cumprèndhere in giru de una chistione, de ccn.; fintzes cosa chi si narat in cobertantza, po chi calecunu cumprendhat Sinonimi e contrari incionnu, lúmena, lumenada, nada, nemonada, nomena, sonedhu Frasi ndi apu inténdiu un'incionadedha, de cussa coja, ma sa coja biu ca no s'iscrarit ◊ desuncuna pigat a sonai a s'insonada de s'andimironai ◊ contamí totu, chi bollu isciri cumenti est s'intzonara! ◊ custu durciori e marigosori impari est s'insonada de fundu de sa trassa sua ◊ candu at inténdiu s'insonada si ndi est andau coitendi 2. s'intzonara de su contu est po cussus chi sa sorti dhis at donau nobbilesa ma ndi dhis at pigau su bonu pentzai (A.R.Maxia) Etimo srd. Traduzioni Francese racontar Inglese rumour Spagnolo rumor Italiano fama, dicerìa Tedesco Gerücht.

inciónnu , nm: insóniu, insonu, issóniu, issonu Definizione agiummai coment'e sonu, cosa chi ischint o chi narant in medas de unu, siat in bonu e siat in malu / sa bidha est a insonu = in bidha est essida sa boghe chi… Sinonimi e contrari díciu / alleca, arviedhu, nova / incionada, lúmena, lumenada, nada, nemonada, nomena, sonedhu Frasi cun istruendu e insóniu terrore inoghe isparghias! ◊ sa zente pessat chi de totu s'issóniu, de totu su machine de sa vida, arreat petzi su cherinzu vene ◊ abba passada no traet molinu, abba passada no faghet issonos (Cubeddu)◊ si azis issonu nàzinnos cosa! 2. custus funt dícius e incionnus de su Sulcis 3. a cussu malu issonu, su babbu lasseit andhare un'úrulu ◊ sunt tantos annos chi no ti apo bidu ne de te piús apo intesu insonu ◊ de candho at intesu cussu insonu, chi sa fura faghet cussu efetu, furat isse puru 4. no ailti de ladru cuss'insonu Etimo srd. Traduzioni Francese diction, nouvelle, bruit Inglese saying, news, reputation Spagnolo dicho, rumor, fama Italiano détto, notìzia, fama Tedesco Spruch, Nachricht, Gerücht.

incioràda , nf Definizione su insorai, carda de sudore Sinonimi e contrari suerada Frasi mi seu fata un'inciorada, fendi a prandi!… Etimo srd.

incioràda 1 , nf Sinonimi e contrari acerada, incarada, incrarada, iscampiada Frasi at fatu s'inciorada a su balcone e si ch'est intradu Etimo srd.

inciorài , vrb: insorai, insuorae, intzorai, intzuorai Definizione isciúndhere de sudore (po pelea, múngia, disisperu)/ i. piu piu = fàgheresi a una murca de suore, suerare meda Sinonimi e contrari impodhorare, suderare Frasi si papat de custa cosa s'intzorat totu piu piu ◊ candu apu inténdiu chistioni de abbruxai femu giai intzorendumí ◊ si t'insoras e pigas frius ti fait mali Etimo srd. Traduzioni Francese transpirer Inglese to sweat Spagnolo sudar Italiano sudare Tedesco schwitzen.

incioràre inciaràre

inciorodhaméntu , nm Definizione su inciorodhare; cosas betadas apare totu a unu Sinonimi e contrari ammesturissu, farrambódhiu, imbraúciulu, maciamurru, matimbródhiu, intzurudhadura Etimo srd.

inciorodhàre , vrb: intzarodhai, intzorodhare, intzurudhare Definizione betare apare a s’afaiu, chentza critériu, fàere un’ammesturitzu de cosas diferentes, fàere un’atzorodhu trebballandho, foedhandho; fintzes isciúndhere a meda, a tropu, cosas de papare Sinonimi e contrari aciapuciae, ciorodhai, impiastai, improdhai, inciapugliare, inciobodhare Frasi ita totu est intzarodhendu cussu fac'e tontu?! Etimo srd. Traduzioni Francese gâcher, faire grossièrement Inglese to mess up Spagnolo chapucear Italiano fare pastìcci Tedesco Pfuschereien machen.