ingioghitósu , agt Definitzione chi faet o rechedit a giogare Frases cussa de is piciochedhus est un'erari ingioghitosa Ètimu srd.
ingiólitu , avb, agt Definitzione èssere o istare i. = coment'e incantau; fintzas solu, chi andhat a manos iscutas (chentza portare nudha, mescamente si est donu de giare a ccn.) Frases custe fit ingrenucatu a ocros a chelu, ingiólitu in sos chelos e sas voches non bastaiant a nche lu ischitare (A.Pau) Ètimu itl.t giòlito.
ingiolvàre , vrb Definitzione giare dispraxere, fàere marigosu (che giolva) Sinònimos e contràrios agiolvare, amargurai, cungiolvare Ètimu srd.
ingiolvinàre , vrb Definitzione nau de linna, atrotigare Sinònimos e contràrios abbajonare, agionedhare, atrotiai, colembrai, inconcobare, ingiovinare.
ingiomàre , vrb: inzamare,
inzomare Definitzione
fàere sa madassa a lómboru; in cobertantza, cuncordare ccn. cosa (no sèmpere po su bonu)
Sinònimos e contràrios
tròbere
/
ordimignare
/
imbuvonare
Maneras de nàrrere
csn:
andhare inzoma inzoma = andai a s'apràpidu; inzomare trampas = cuncordai ingannus
Frases
onnamanna intraiat s'atzola in su chíndhalu e inzomaiat sos lórumos
2.
fint sas oras de cantare, de inzamare e tèssere tramas, bisos de amore! ◊ de istivinzos chie piús ndh'ischiat piús ndhe inzomaiat ◊ ant inzomadu totu cussu pro chi isse si cójuet sa mama in càmbiu de sa fiza ◊ mirade, no sunt fàulas ch'inzomo! ◊ su chíndhalu de sa presse est inzomendhe su filu a s'imbesse de custu vívere brivu de assussegu
Ètimu
srd.
Tradutziones
Frantzesu
pelotonner
Ingresu
to wind up
Ispagnolu
ovillar
Italianu
aggomitolare
Tedescu
aufwickeln.
ingionigài, ingionugài ingenugài
ingiorràda , nf Definitzione ingúrtia manna de cosa, agiummai coment’e faendhosi a giorra Sinònimos e contràrios bufada, intullada, sassada Frases si torrat a gruxare in sa funtana pro si fàghere un'àtera ingiorrada de abba ◊ at leadu s'ampulla de su vovo e si ndh'at dadu una bella ingiorrada Ètimu srd.
ingiòsso , avb, prep Sinònimos e contràrios agiossu, giosso, imbàsciu | ctr. insubra 2. sa bòcia si ch'est frimmada a ingiosso de s'abbadorzu.
ingiotàre , vrb: inzotare Definitzione pònnere su casu friscu in sa giota budhia, faendhodhu, po dh’intostare e allisare su corgiolu; giare a bufare sa giota a is animales Sinònimos e contràrios agiotare Ètimu srd.
ingiovanèssiri , vrb Definitzione
torrare giòvonos, istare méngius de pàrrere prus giòvonos
Sinònimos e contràrios
abbajanare,
apicinniri,
impisedhire,
impitzinnare
Ètimu
srd.
Tradutziones
Frantzesu
rajeunir
Ingresu
to make young (again)
Ispagnolu
rejuvenecer
Italianu
ringiovanire
Tedescu
jünger werden.
ingiriabétu inghiriabétu
ingiriàda inghiriàda
ingiriadúra inghiriadúra
ingiriài inghiràre
ingirialétu inghiriabétu
ingiriaméntu inghiriaméntu
ingiriolài , vrb Definitzione istare in giru, andhare perilloi perillai Sinònimos e contràrios arrogliai, bagamundai, garronai, zirandhare Ètimu srd.
ingiriotài inghiriotàre
ingiriòto, ingiriótu inghiriótu
ingíriu inghíriu