A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

ingolumàre , vrb: ingulimare, ingulumare Definitzione pònnere ingúlumu, ingustu (fintzes a ingannu), abbituare a is vítzios, a is cosas bonas, a istare tropu bene, pigare su sabore, su gustu a ccn. cosa / i. su tempus = trampistare, ingannare su tempus Sinònimos e contràrios abbetuare, abesare, arranguai, imbisciare, imbitzicare, ingurrinai, ingustai / allicare, allichionare / ingolosinare Frases sa zente ingolumada a sa dulcura imbentat sapa dae su lidone (D.Mele)◊ est ingulumadu a sa catza ◊ chie ingúlumat a sa festa de Santu Frantziscu de Lúgula torrat cada annu ◊ carchi furancredhu si fit ingulimatu a cussas raicras bellas e népitas ◊ cheret ingulimare sa cane a sirvone 2. in sos muros sos sinnos de sos partios pariant ingolumendhe sa zente a los botare ◊ a ingulumare sos pitzochedhos a su ribu no fit petzi su disizu de impojare 3. po ingulumare su tempus ca su caminu fut longu m’iat contau de su nuraghe orrutu (I.Patta) Tradutziones Frantzesu prendre goût Ingresu to take a liking to sthg Ispagnolu engolosinarse, regostarse, coger el gusto Italianu prèndere gusto a qlcs., abituarsi a còse piacévoli Tedescu Geschmack daran finden.

ingomadòre , agt, nm Definitzione chi o chie ingomat Ètimu srd.

ingomadúra , nf Definitzione su ingomare Ètimu srd.

ingomài , vrb Definitzione nau de matas, carrigare meda de frore e de frutu.

ingomàre , vrb: ingumare Definitzione ingurtire a meda Sinònimos e contràrios atatamacare, atatare, ingròmere, tèrghere Frases comente fit ingomendhe e ghetandhe chene masticare bene, sa sartitza si li est arressada in su gurguzu! Ètimu srd. Tradutziones Frantzesu engloutir Ingresu to bolt Ispagnolu engullir Italianu trangugiare Tedescu verschlingen.

ingommadúra , nf Definitzione su ingommai Ètimu srd.

ingommài, ingommàre , vrb Definitzione giare sa gomma, foedhandho de pannos, orrobba téssia, sederias e cosas deasi Sinònimos e contràrios gommai.

ingònna ingògna

ingordigiósu, ingordingiósu , agt Definitzione chi bolet totu issu, no dhi bastat ne birde e ne sicau Sinònimos e contràrios assuriu, asuriosu, aulidu, codiciosu, ilbramidu Frases bolit mannu su pratu poita est ingordigiosu! ◊ is sorris, ingordigiosas, sighint a papai ◊ cussu est ingordigiosu, sempri pensendi a su meda! Ètimu srd. Tradutziones Frantzesu insatiable Ingresu insatiable Ispagnolu insaciable Italianu insaziàbile Tedescu unersättlich.

ingorfadúra , nf Definitzione su ingorfare Ètimu srd.

ingorfàre , vrb Definitzione frorire e fàere frutu in pagu tempus.

ingorropàre , vrb Definitzione betare in calecunu gorropu Sinònimos e contràrios impelciare, incalancare, ingarghilare Ètimu srd. Tradutziones Frantzesu jeter dans un gouffre Ingresu to sinkhole Ispagnolu echar en un barranco Italianu infoibare Tedescu in eine Doline werfen.

ingorrosía , nf Definitzione su difetu de bòllere totu e no lassare nudha a s'àteru, su èssere ingullione, asuriosu, pasteri Sinònimos e contràrios asuria, inguglioneria, ingurdoneria | ctr. bonugoro Frases sos veros inimicos de totus nois sont s'ingorrosia, s'ódiu, sas vinditas ◊ be cheriat solu s'ingorrosia issoro a li azúnghere disisperu a su disisperu chi azicu campàt!…◊ po s'ingorrosia de no dare pane a su teracu, su mere no at papau mancu issu! Ètimu srd.

ingorrósu , agt Definitzione nau de unu, chi no istat a sa régula, fintzes chi si dha pigat po nudha, chi si ofendhet deretu, fintzes chi no est cuntentu de su bene de s'àteru Sinònimos e contràrios buterigosu, certadore, iscontriosu / odiosu. Tradutziones Italianu invidioso

ingortigài , vrb Definitzione nau de un'arremu postu male de no passare bene su sàmbene, fàere coment'e ortigu agiummai de no dhu pòdere mòvere, de no si dhu sentire, fàere unu pagu a dolidura e a iscrafíngiu; intostare, cancarare de su fritu Sinònimos e contràrios abborticare, addormicare, ammotroxinai, iformicare, indormicare / abbadherigare, ammustèlchere, cancarai, intostai Ètimu srd. Tradutziones Frantzesu engourdir Ingresu to have pins and needles Ispagnolu entorpecer Italianu aggranchire Tedescu erstarren.

ingórtu , pps Definitzione de ingòllere Sinònimos e contràrios ingóllidu / feltu, ibbecau / leadu Frases ingortu ti ses?! ◊ dh'at ingortu cun sa nai de sa linna 2. s'arriu ndi at ingortu su ponti ◊ sa bidha depet bíere de chie est fígia Maria, mancari si apet ingortu a chie no fut a sa paris sua.

ingósi ingòe

ingotadúra , nf Definitzione de ingotare Ètimu srd.

ingotàre , vrb Sinònimos e contràrios ammandronae, apreitzai, immandronatzare.

ingotàre 1 , vrb Definitzione coment'e ispínghere o pònnere presse, fàere mòvere Sinònimos e contràrios azachinare, ispígnere, ispuntogliare, istuzare, sotae Frases no bi at bisonzu chi l'ingote, sa mente mia, pro s'ischervigare (G.Ruju) Tradutziones Frantzesu presser, solliciter Ingresu to urge Ispagnolu impulsar Italianu sollecitare Tedescu drängen.