A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

introtigadúra indortigadúra

introtigàre indortigàre

introtoigàre , vrb Definitzione atrotigare, furriare de longu comente si faet filandho lana, filetu e cosas deosi Sinònimos e contràrios atrotixai, folfigiare, forrighitare, fortzicare, profizare, trochigiare.

introtzàre , vrb Definitzione coment'e acapiare a trotza, nau fintzes in su sensu de pònnere sa cosa de istare istrinta, firma (es. s'ammontu de su letu) Sinònimos e contràrios introtzire.

introtzintrótzi , avb Definitzione fàghere a s'i. = fai a s'imbistimbistoni, a comenti essit essit, afaiu, a coredhu, a improdhu Sinònimos e contràrios imbestimbesti, imbistimbistoni Ètimu srd.

introtzíre , vrb Definitzione incasciare, pònnere cosa a manera de abbarrare coment'e acapiada Sinònimos e contràrios introtzare* Frases dogni note, primma de si colcare passaiat nonna a nos introtzire sas mantas pro no restare iscovacados (N.Fadda).

intrótzu , agt Definitzione chi est tzatzau meda, crepandho de cantu at papau Sinònimos e contràrios chíbbalu, mascadu, satzau Frases sas bacas fint catzendhe fumatzina, introtzas e muilendhe pro sos bijos Ètimu srd.

introvulàre , vrb Sinònimos e contràrios intruai, trubulare.

íntru íntro

intruài , vrb: intrulare, intrullai, intruxai 1 Definitzione fàere trúvulu, trullu, bulugiau, avolotare pesandho malesa, fundhurúgiu coment'e candho si morigat o isciuculat abba o cosas deasi; in cobertantza, pònnere in pentzamentu, in pistighíngiu, fàere coment'e tristu: nau de s'aera, ammurrare, annuare Sinònimos e contràrios abbolojare, abborotai, abbuligiai 1, ammoroscare, bugliare, introvulare, intruinai, intrulatzae, istrulare, trubulare, trullare, trumbugliai | ctr. innetiare Frases ant intrullau s'àcua ◊ nosu dh'intrullaiaus aposta, s'àcua, po piscai anguidha ◊ cussos abbunzighedhos no podent intrulare su binu lúghidu! (Z.A.Cappai) 2. s'impiegau si est intrullau ca dhi apu pediu de m'iscriri ita serbiat ◊ no intrullis sa cara: artziamí is ogus! ◊ su mali mi at intrullau sa memória ◊ si fibat su coru, si trumbulat su sàngui, s'intruat su sentidu (L.Porcedhu)◊ si est intrullau su celu e istrobedhat a proi a istracia Ètimu srd. Tradutziones Frantzesu troubler Ingresu to muddy Ispagnolu enturbiar Italianu intorbidire Tedescu trüben.

intrudhàdu , agt Definitzione chi tenet maneras de fàere pagu fines, pagu delicadas Sinònimos e contràrios burrincatzu, gavàciu, iltrudhadu, isgrabbuladu, mabigrabbau | ctr. ammodau, grabbosu Terminologia iscientìfica ntl Tradutziones Frantzesu grossier, impoli Ingresu rude Ispagnolu grosero Italianu grossolano, sgarbato Tedescu grob.

intrudhàre intraudhàre

intrúdhi , vrb Definitzione intrare in chistiones angenas, in cosas chi no tocat, in su sensu de no importare Sinònimos e contràrios intraudhare, intrudhulare Frases gei mi ndi at a intrudhi cancuna cosa de issu!… Ètimu srd.

intrudhíri , vrb Definitzione betare totu a corpus, papare meda, tzatzare a tropu Sinònimos e contràrios abbentrare, abbiscarzare, abbudagare, abbuselcare, abbuzare, atatamacare, imbrentai, intullai Frases e papant e bufant e, ispingi ispingi, s'intrudhint totu: pani, casu e binu! (V.Ulàrgiu) Ètimu itl. intrugliarsi Tradutziones Frantzesu s'empiffrer Ingresu to gobble, to stuff oneself Ispagnolu engullir, hartar Italianu ingozzare, rimpinzarsi Tedescu gierig essen.

intrudhulajólu , agt, nm Definitzione chi o chie tenet su naturale de si che fichire in cosas chi no dhu pertocant Sinònimos e contràrios fichete 1, fichidhiu Terminologia iscientìfica ntl Ètimu srd.

intrudhulàre , vrb Definitzione intrare in chistiones angenas, in cosas chi no tocat Sinònimos e contràrios intraudhare Ètimu srd.

intrúdhulu , nm Definitzione su s'intrudhulare, manera de fàere de chie s'interessat de su chi no dhu pertocat Ètimu srd.

intrufuléri , agt, nm Sinònimos e contràrios afaniarzu 2. cussu síndhicu est un'intrufuleri, in sensu bonu, ca che arribbat a totube!

intruinài , vrb Definitzione fàere trúvulu, bulugiare, avolotare; isconciare de su tempus: nau de gente, cambiare chígia, èssere pentzamentosos unu pagu oféndhios Sinònimos e contràrios intruai, intruiscai Frases s'ària incumintzat a s'intruinai e si àrtziat unu bentu forti ◊ su celu si est totu intruinau, est lampendi e tronendi 2. est una diri mala intruinada 3. si dh'at incannugara ca no dhi boremu fai su prexei e s'est intruinara e abarrara citia Ètimu srd.

intruiscài , vrb Definitzione fàere trúvulu, bulugiare Sinònimos e contràrios intruai, intruinai Frases bufas in arrius intruiscaus de trumentus Ètimu srd.