A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

iscuàre iscoài

iscuartài iscualtàre

iscuartarài, iscuartaràre, iscuarteràre, iscuarturàre iscartaràre 1

iscubàre , vrb: iscupai, scubai Definitzione bogare de sa carrada totu su binu chi dhu'est, bogare su mustu de sa cubedina (e betare a is carradas) Sinònimos e contràrios irmustare, iscubonare | ctr. incubonare Ètimu srd.

iscubidalàda , nf: iscuitalata Definitzione cropu giau cun su cuidu Sinònimos e contràrios iscúbidu, iscuidada Frases fint totu a iscuitalatas pro s'impercare ◊ donzi tantu nche li porria un'iscubidalada a brente e tandho s'ischidabat Ètimu srd. Tradutziones Frantzesu coup de coude Ingresu elbowing Ispagnolu codazo Italianu sgomitata Tedescu Stoß mit dem Ellbogen.

iscubidalàre , vrb: iscuitalare Definitzione giare cropos de cuidu Sinònimos e contràrios incuidare, iscuidare 1 Ètimu srd. Tradutziones Frantzesu donner des coups de coudes Ingresu to elbow Ispagnolu codear Italianu sgomitare Tedescu mit dem Ellbogen stoßen.

iscúbidu , nm Definitzione cropu chi si giaet cun su cuidu Sinònimos e contràrios iscubidalada Ètimu srd.

iscubilàre iscobilàre

iscubonadúra , nf: iscuponadura Definitzione su iscupare o bogare de sa cubedina su binu ancora a mustu po dhu pònnere in is caradas Sinònimos e contràrios iscupu | ctr. incubonadura Ètimu srd. Tradutziones Frantzesu décuvage Ingresu drawinf off wine Ispagnolu deslío Italianu svinatura Tedescu Abstich des Mostes.

iscubonàre , vrb: iscuponare Definitzione iscupare, bogare su mustu de sa benatza apustis chi at budhiu unas cantu dies e pònnere in is carradas Sinònimos e contràrios irmustare, iscubare | ctr. incubonare Ètimu srd. Tradutziones Frantzesu décuver Ingresu to draw off wine Ispagnolu desliar Italianu svinare, stinare Tedescu abstechen.

iscucàda , nf: scucada Definitzione cropu de conca; cropu giau a cucas, iscudendho o fintzes deasi in cunfidàntzia Sinònimos e contràrios ciafu Frases no si podint pentzai tot'is tzugadedhas e iscucadas chi Opinedhu iat arríciu in cussa cumboja de atoris ◊ sa maista si fiat inchietada meda e dh’iat donau unas cantu iscucadas Ètimu srd.

iscucadúra , nf: scucadura Definitzione su èssere iscucaos, chentza de pilos in conca Sinònimos e contràrios spinniadura Ètimu srd. Tradutziones Frantzesu calvitie Ingresu baldness Ispagnolu calvicie Italianu calvìzie Tedescu Kahlheit.

iscucàre , vrb Definitzione iscúdere a ciafos; fintzes pèrdere is pilos de conca Sinònimos e contràrios abbofetai, iscanterjare Ètimu srd.

iscucàre 1 iscrocài

iscuchedhadúra , nf Definitzione su iscúdere a cucas, cropu a conca Frases unu cropu de marroni a iscuchedhadura! Ètimu srd.

iscúcia , nf: ascúcia*, scúcia Definitzione sa mòngia chi ndhe acumpàngiat un'àtera candho custa depet chistionare cun ccn. de fora, àtera persona chi favorit e andhat a s'atóbiu de duos ammoraos, ma nau fintzes po leghendhàrgia, crastulera; a logos, genia de tzerachedha Frases rido de carchi iscúcia chi credet de èssere cosa e no balet a nudha!

iscuciàre , vrb Definitzione istare a disparte, a iscusi, iscocandho, iscurtandho su chi narant is àteros Sinònimos e contràrios iscocai, iscucitare, orixedhai, ospiare Ètimu srd. Tradutziones Frantzesu épier Ingresu to spy on Ispagnolu espiar Italianu origliare Tedescu horchen, lauschen.

iscucitàre , vrb Sinònimos e contràrios iscocai, iscuciare, orixedhai, ospiare.

iscucítu , nm Definitzione unu chi istat sèmpere iscurtandho a bíere ite narat s'àteru, a iscoca, iscuciandho Ètimu srd.

iscucuài , vrb: iscucurai, iscucurare, iscucurrare, scucurai Definitzione trantzire su cúcuru de calecuna cosa, pigare e bogare su cucurru, su chi in s'istrégiu dhu'est in prus de is oros, betare sa cosa de un'istrégiu a imbuidadura; foedhandho de is boes, iscapiare de su carru; nau de is pódhighes (de is peis), isconcare, atumbare a forte sa conca a manera de che segare carre coment'e a iscovecadura; rfl. brinchidare a cúcuru ficadu, conca a bàsciu, e fintzes pèrdere is pilos de conca / lassare a ccn. che truncu iscucuradu = firmai chentza dhi fai narri su chi fut nendi Sinònimos e contràrios ilgavantare, illichidare, ismesujare, issucurare, sciusciai / igiúgnere | ctr. acucuai Frases li prenat sas bussacas de pisellu iscucuranne unu mesu muntone ◊ in sa pigada sos boes si sunt repellados: est tocadu a che ndhe iscucurrare, de sa gàrriga ◊ faghimus carchi cosa pro che iscucurrare su malumore 2. istringhia sas dentes pro no piànghere candho mi iscucuraia sos pódhighes, andhendhe a pes nudos ◊ currimis a s'iscurtza cun sos pódhighes totu iscucurados 3. si nc'est iscucuau in funtana ◊ issu fut imbecendi e iscucuendisí Ètimu srd. Tradutziones Frantzesu faire écouler le trop plein, vider Ingresu to fill, to take over flowing off Ispagnolu desmochar, descolmar Italianu scolmare Tedescu abstreichen.