A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

iscussuradúra , nf Definitzione iscónciu a bentre, ammodhigadura de corpus de fàere a brodu, agiummai abba Sinònimos e contràrios allainadura, andhàntzia, iscurrensa, iscussura 1, labina Ètimu srd.

iscussurài, iscussuràre ischissurài

iscussuràre 1 , vrb Definitzione fàere de su corpus a modhe meda, èssere a iscussura, a iscurrentziadura Sinònimos e contràrios allainare, atilimai, illabinare, iscacaredhare, iscacarinare, tirchinare Frases s'erba modhe at iscussuradu sas berbeghes Ètimu srd.

iscussúri iscussúra

iscussúru iscussúra 1

iscustodiàdu , agt Definitzione chi est chentza custódiu Sinònimos e contràrios iscuviadu Tradutziones Frantzesu sans surveillance Ingresu unattended Ispagnolu sin custodia, abandonado Italianu incustodito, sènza guida Tedescu unbewacht.

iscúsu iscúgia 1

iscusúra ischisciúra

iscúta , nf Definitzione pagu pagu de tempus, pag'ora / min. iscutighedha; un'i. manna = ora meda Sinònimos e contràrios àchiu, fria, gradixedhu, iscalancu, iscàmpiu, iscurta 1, mamentu, pódhixi, tanchixedhu Maneras de nàrrere csn: èssere a iscutas = a iscampiadas, a bicuacas, a bortas goi a bortas gai, a tretus (nadu de zente pro sa muta, su saludu, sos atuamentos, nadu de su tempus pro comente càmbiat de un’ora a s’àtera); a s'iscuta = assora, tandho, in cussu mamentu; da'inoghe a un'iscuta = de immoi a pagu Frases so un'iscuta manna isetendhe a tie! ◊ notas de focu mandho allutas: gai passo sas iscutas ◊ pensamentos, pasu no mi dades un'iscuta! ◊ Bonolvesos esside dae gianna pro iscultare a Gavinu un'iscuta! ◊ totu s'ammíschiat in pacas iscutas ◊ teniat gana de s'isvrasiare un'iscuta de ora ◊ apustis de un'iscutixedha cust'ómini s'est mortu po su spítzulu de una píbera 2. custu tempus no tenet frimmesa: a iscutas bogat su sole e a iscutas proet ◊ depet èssere macu: a iscutas riet e a iscutas pranghet! ◊ a iscutas est, su malàidu: a candho istat male meda, a candho paret unu pagu! ◊ pro sos grodhes faghimis sa tenta a iscutas cadunu 3. Giuanne, a s’iscuta, si presentat cun sa conca de mortu in pianta de manos e bínchida s'iscummissa! Ètimu srd. Tradutziones Frantzesu petit moment Ingresu little moment Ispagnolu ratito Italianu momentino Tedescu Weilchen.

iscúta 1 isciúta

iscutàre ilgutàre

iscutarèdha , nf Definitzione apenedha de tempus Sinònimos e contràrios àchiu, fria, gradixedhu, iscalancu, iscàmpiu, iscuta, iscutighedha, pódhixi Frases si nessi un'iscutaredha aia in podere sos trastos tuos!… Ètimu srd.

iscútere isciúdere

iscutighèdha , nf Definitzione min. de iscuta Sinònimos e contràrios iscutaredha.

iscutighinàda , nf Definitzione su iscutighinare; móvia a cropu Sinònimos e contràrios isciuta, iscutinada, iscutulada Ètimu srd.

iscutighinàre , vrb Definitzione mòvere a cropu sa cosa po che dhi fàere orrúere su chi portat in pitzu (es. àliga, frutu), iscúdere, e fintzes solu pigare e bogare unu bestimentu bestiu / su pps. agt. fintzes in su sensu chi no portat dinare nudha Sinònimos e contràrios iscotzinare, iscutuai Frases s'iscutighinat s'ulia dae s'àlbure ◊ sa campagna s'iscutighinat su mantu betzu e lu bestit fioridu Ètimu srd.

iscutinàda , nf: iscutzinada Definitzione su iscutinare; cropu chi si giaet iscutulandho Sinònimos e contràrios assachitadura, ghirghidhada, irghinitada, sachedhada, saidada, scutuladura / cdh. trinicata Frases mi at aggarrau a sos pilos e mi dat un'iscutzinada (A.G.Solinas)◊ dae un’iscutinada a sa tiaza ca bi at parfaruza! Ètimu srd. Tradutziones Frantzesu secousse Ingresu shake Ispagnolu sacudida Italianu scòssa, scrollata Tedescu Schlag, Schütteln.

iscutinàdu , pps: iscutzinau Definitzione de iscutinare; chi est orrutu a iscutuladura / èssere o andhare a manos iscutinadas = a manos iscutas, chentza si portare nudha de su chi depet o podet serbire Sinònimos e contràrios irghinitau Tradutziones Frantzesu secoué Ingresu shaken Ispagnolu sacudido Italianu scósso Tedescu geschüttelt.

iscutinadúra , nf: iscutinatura, iscutzinadura Definitzione su iscutinare; sa cosa chi che orruet iscutulandho (si narat fintzes in su sensu de fundhurúgiu, s’úrtima parte chi abbarrat de una cosa, própriu s'úrtimu frutu de una mata, o de una persona) Sinònimos e contràrios iscudidura, iscutinu, sàinu, scutuladura, scutulamentu / iscutura Maneras de nàrrere csn: fàghere una cosa a i. = (fintzas) a su chi essit essit; i. de coro = tochedhos lestros Frases su bruine a sa robba si li catzat a iscutinadura ◊ ancu ndhe lu boghent dae sa beste a iscutinadura! ◊ trastes e contones fint ghetaos a iscutinatura ◊ no bufo gafè ca mi faghet a iscutinadura de coro 2. bi est abbarrada s'iscutinadura ebbia, in su sacu Ètimu srd. Tradutziones Frantzesu secouement Ingresu shaking Ispagnolu sacudidura Italianu scuotiménto Tedescu Schütteln.

iscutinaméntu , nm Definitzione su iscutinare, genia de cropu a iscutuladura Sinònimos e contràrios iscutinada, iscutinadura Frases fit nendhe nendhe, a punzos afissos e a iscutinamentos de conca! Ètimu srd.